Logo माघ १२, २०७७ सोमबार


कैलालीका बाढी पीडितले भने ‘५ दिनपछि बल्ल पेट भरियो’

कैलाली । बाढीले विस्थापित भएका भजनीका पीडितले भाेक लागेकाे पाँच दिनपछि बल्ल पेटभरि खान पाएको बताएका छन् ।  भजनीको वडानम्बर ८ को सोनाफाँटामा  मेस सञ्चालन भएपछि आइतबार  ५ सय  पीडितले खाना खान पाएका हुन् । विस्थापितका लागि सडकमै  मेस सञ्चालन गरिएपछि पेटभरि खाना पाएको उनीहरुकाे भनाइ छ ।

ईश्वर प्रेमी सेवा आश्रम जानकी गाउँपालिकाले बाढी पीडितको भोक मेटाउन पथरैया पुलमा सामूहिक मेस सञ्चालन गरेको हो । ‘पाँच दिनपछि दालभात खान पाइयो, बल्ल पेट भरियो”, पीडित सुन्ता विकले भन्नुभयो, ‘जति आए चिउरा र चाउचाउ दिए, दालभात पनि खान पाइयो, पेट भरियो ।’

‘पेटभरि खाना नपाउँदा मेरो ४ वर्षको छोरो आत्तिरहेको थियो , आज भने बच्चाले धित मारेर खाएको छ’   भजनी–८ का सुरवी चौधरीले भन्नुभयो  ।  ईश्वरप्रेमी सेवा आश्रमका पिठाधीश ईश्वर चैतन्य महाराजलेभोक मेट्ने अधिकार सबैलाई भएको र आश्रमले सकेको सहयोग गरिरहेको बताउनुभयो ।

भजनी नगरपालिकाले पनि पीडितलाई राहत वितरण शुरु गरेको छ ।  वडा नम्बर ३ कार्यालयले  पीडितका लागि राहत सामग्री वितरण थालेको हो । वडाले मन्त्रीफाँटा, सिमलटारी, नयाँबस्ती, डेली चितवन र बर्दुवाफाटामा गरी १ सय २० परिवारलाई राहत बाँडेको अध्यक्ष विक्रम चौधरीले जानकारी दिनुभयो । उहाँले बाढी पीडितलाई त्रिपाल, चाउचाउ, भुजा, बिस्कुट, पानी, एक्वागार्डजस्ता अत्यावश्यक सामग्री वितरण गर्न लागिएको  बताउनुभएको छ ।

नगरपालिकाले ८ नम्बर वडामा पनि राहत सामग्री वितरण शुरु गरेको छ । वडाको खैरागाउँका २ सय ६४ परिवारलाई त्रिपाल, चाउचाउ, भुजा, बिस्कुट र पानी वितरण गरिएको अध्यक्ष पंकज चौधरीले जानकारी दिनुभयो । ‘सडकमा बसेकालाई राहतमा खाद्यान्न दिन कठिन छ, उनीहरु घर फर्किएपछि राहत दिइनेछ’, चौधरीले भन्नुभयो । अहिले अत्यावश्यक सामान दिन थालेका तर अझै विस्थापितहरु घर फर्कने वातावरण नभएको उहाँको भनाइ छ ।

प्रतिक्रिया दिनुहोस्
विशेष

ओलीले झापाको दमकमा अर्बाैँ अरब बजेट दिएको भएपनि देशभर जनअपेक्षा अनुसारको बजेट नदिएको उहाँले आरोप लगाउनुभयो ।

अभियुक्तकाे साथबाट १७ हजार ७ सय रुपैयाँ नगद तथा दुई सेट मोबाईल समेत बरामद भएको प्रहरी नायव उपरीक्षक प्रतिक बिष्टले…

भुसालले भन्नुभयो, ‘पार्टी एकताको पक्षमा हामी सबै रहेकाले पार्टीलाई यो अवस्थासम्म ल्याइ पुर्याउन जजसले भुमिका खेले उनीहरुलाई कारबाही गरेर नेकपालाई…

महालेखा परीक्षकको टोलीले जिल्लाका १० स्थानीय तहमध्ये नौ स्थानीय तहको लेखापरीक्षण सम्पन्न गरेको छ ।

अध्यक्ष नेपालले भन्नुभयाे, ‘केपी ओलीको धुलो छाप पार्टीमा सदस्यहरू गए । ४५ सदस्यीय स्थायी कमिटीमा हामीसँग बहुमत छन् ।'

कोरोनाविरुद्ध अग्रभागमा काम गर्ने पहिचान गरिएका व्यक्तिलाई पहिलो चरणअन्तर्गत खोप दिइन लागेको हो ।