Logo ११ श्रावण २०७८, सोमबार


कुलमान घिसिङलाई फेरि नियुक्त गर्न कानूनी अड्चन, हितेन्द्रदेव शाक्य निमित्त कार्यकारी

काठमाडौं । नेपाल विद्युत प्राधिकरणको कार्यकारी प्रमुख कुलमान घिसिङको चार वर्षे कार्यकाल हिजो सकिएको छ ।

अन्तिम दिनसम्म पनि सरकारले पुनः नियुक्तिबारे निर्णय नगरेपछि घिसिङ बिदा हुनुभएको हो ।

घिसिङ बिदा भएपछि निमित्त कार्यकारी प्रमुखको जिम्मेवारी प्राधिकरणका वरिष्ठ कार्यकारी निर्देशक हितेन्द्रदेव शाक्यलाई दिने तयारी गरेको छ । आजै शाक्यलाई निमित्त तोकिने बताइएको छ । शाक्य प्रमुख कार्यकारीको दौडमा कुलमानसँगै रहनुभएको छ ।

स्रोतका अनुसार पत्नी राधिका शाक्यको दबाबमा प्रधानमन्त्री केपी शर्मा ओली पनि शाक्यलाई नै प्राधिकरणको कार्यकारी प्रमुख बनाउने मुडमा रहनुभएको छ । तर नेकपाका अर्का अध्यक्ष पुष्पकमल दाहाल,उर्जामन्त्री वर्षमान पुन र बहुमत जनता समेत कुलमानकै पक्षमा रहेपछि प्रधानमन्त्री थप दबाबमा पर्नुभएको छ ।

यहीबीच नेकपाको हालै सम्पन्न स्थायी कमिटी बैठकले पनि सरकार र पार्टी दुवै अध्यक्षको आपसी सहमतिमा चलाउने निर्णय भएपछि प्रधानमन्त्री ओलीले अन्ततः कुलमानलाई नै कार्यकारी प्रमुखमा निरन्तरता दिनसक्ने सम्भावना बढेको छ । प्रधानमन्त्री ओलीले आज साँझ ५ बजेका लागि बोलाउनुभएको मन्त्रिपरिषद बैठकले प्राधिकरणको कार्यकारी प्रमुखबारे निर्णय गर्नेछ ।

नेपाल विद्युत प्राधिकरणको कार्यकारी निर्देशक नियुक्तिसम्वन्धी कार्यविधिअनुसार घिसिङलाई म्याद थप गर्न नमिल्ने उर्जा मन्त्रालयको दाबी छ । घिसिङको म्याद थप गर्ने हो भने ती अमिल्दा कार्यविधि संशोधन गर्नुपर्ने मन्त्रालय स्रोतको भनाइ छ ।

उर्जा मन्त्रालयको कार्यविधिमा कार्यकारी निर्देशकको म्याद थप गर्ने प्रावधान नरहेकोले प्रतिस्पर्धाबाट छनोट गर्नुको विकल्प नरहेको मन्त्रालयले बताएको छ । यदि म्याद थप गर्ने हो भने उक्त कार्यविधि नै खारेज वा संशोधन गर्नुपर्ने हुन्छ । घिसिङलाई निरन्तरता दिन कानुनी अडचन देखिएपछि मुख्यसचिव लोकदर्शन रेग्मीले उर्जासचिव दिनेश घिमिरेलगायतलाई बोलाएर बिहीबार छलफल गर्नुभएको थियो । रेग्मीले प्रधानमन्त्री ओली र नेकपाका अध्यक्ष दाहाललाई समेत रिपोर्टिङ गर्नुभएको थियो ।

सोही बैठकबाटै घिसिङले निरन्तरता संभावना नरहेको टुँगिएको जनाइएको छ । यद्यपि कानुनी अडचनलाई तत्कालै मन्त्रिपरिषदले हटाएर भए पनि कुलमानलाई पुनर्नियुक्ति गर्न सकिनेबारे पनि छलफल भएको बताइएको छ ।

प्रतिक्रिया दिनुहोस्
विशेष

काठमाडाैं । मनसुनको न्यून चापीय रेखा नेपालको तराई भूभाग नजिक रहेको जल तथा मौसम पूर्वानुमान महाशाखाले जनाएको छ । हाल…

मेष- भेटघाटमा दिनबित्नेछ । शंकाले प्रेममा बाधा गर्नेछ । अलमलमा दिन बित्नेछ वृष- सरसामान हराउन सक्नेछ । अनावस्यक धन खर्च…

मेष– मनोरन्जनमा खर्च हुनेछ । नयाँ जिम्मेवारी थपिनेछ ।  पारीवारिक कठिनाइ हुनेछ । वृष– स्वास्थ्यमा खर्च आउनेछ । सरसामान हराउन सक्नेछ…

काठमाडाैं । मनसुनको न्यून चापीय रेखा नेपालको तराई भूभाग नजिक रहेको जल तथा मौसम पूर्वानुमान महाशाखाले जनाएको छ । हाल…

मेष- बोलीको प्रभावले फाइदा हुनेछ । धनको कारोबार बढ्नाले आर्थिक झन्झट कम हुनेछ । वैवाहिक सुख मिल्ने एवम् इष्टमित्रबाट सहयोग…

काठमाडौं । नेकपा एमालेको भातृ संगठन राष्ट्रिय युवा संघ नेपालले आज युथफोर्सको भ्याली कमाण्ड घोषणा गरेको छ । काठमाडौंको बबरमहलस्थित…