Logo माघ ६, २०७७ मंगलबार


गुल्मीमा सुरक्षित गर्भपतन गराउनेको संख्या बढ्यो

हुमाकान्त पोखरेल
गुल्मी । जिल्लामा सुरक्षित गर्भपतन गराउनेको सङ्ख्या बढ्दै गएको छ । पछिल्लो तीन आर्थिक वर्षको तथ्याङ्क हेर्दा जिल्लामा सुरक्षित गर्भपतन गराउनेको सङ्ख्या बढ्दै गएको हो ।

आर्थिक वर्ष २०७४/७५, ०७५/७६ र ०७६/७७ मा गुल्मीमा कूल दुई हजार चार सय ४३ जनाले सुरक्षित गर्भपतन गराएका छन् । जसमध्ये एक सय ९६ जना २० वर्षभन्दा कम उमेरका छन् भने दुई हजार दुई सय ४७ जना २० वर्षभन्दा बढी उमेरका रहेका छन् । स्वास्थ्य कार्यालय, गुल्मीका अनुसार आर्थिक वर्ष ०७४/७५ मा जिल्लामा कूल ६ सय ६७ जनाले सुरक्षित गर्भपतन गराए । जसमध्ये १८ जना २० वर्षभन्दा कम उमेरका र ६ सय ४९ जना २० वर्षभन्दा बढी उमेरका रहेका छन् ।

०७५/७६ मा जिल्लामा कूल ८ सय १५ जनाले गर्भपतन गराएका छन् । जसमध्ये ७८ जना २० वर्षभन्दा कम उमेरका र ७ सय ३७ जना २० वर्षभन्दा बढी उमेरका रहेका छन् । त्यस्तै आर्थिक वर्ष ०७६/७७ मा कूल ९ सय ५१ जनाले गर्भपतन गराएका छन् । जसमध्ये २० वर्षभन्दा कम उमेरका एक सय जना र २० वर्षभन्दा बढी उमेरका ८ सय ५१ जना रहेका छन् । चालु आर्थिक वर्षको साउन महिनामा मात्रै जिल्लामा ३० जनाले सुरक्षित गर्भपतन गराएको स्वास्थ्य कार्यालय गुल्मीका फोकल पर्सन गोपाल कार्कीले जानकारी दिनुभएको छ । जिल्लामा दुई नगरपालिका र १० गाउँपालिका गरी १२ स्थानीय तह छन् । जसमध्ये सबैभन्दा धेरै रेसुङ्गा नगरपालिकाका महिलाले गर्भपतन गराएका छन् ।

तीन आर्थिक वर्षमा नरपालिकाका एक हजार दुई सय ६७ जनाले गर्भपतन गराएका छन् । जसमध्ये एक सय २४ जना २० वर्षभन्दा कम उमेरका र एक हजार एक सय ४३ जना २० वर्षभन्दा बढी उमेरका रहेको कार्कीले बताउनुभयो । तीन आर्थिक वर्षभित्र इस्मा गाउँपालिकाका महिलाले भने गर्भपतन गराएका छैनन् ।

सुरक्षित गर्भपतन पनि हानिकारक छ
तम्घास अस्पताल गुल्मीका मेडिकल जेनेरलिस्ट डाक्टर सुष्मा थपलियाले सुरक्षित गर्भपतन पनि शारीरिक हिसाबले हानिकारक भएको बताउनुभयो । गर्भपतन गराउँदा रगत धेरै जान सक्ने, सफा गर्दा पाठेघरमा गम्भिर प्रकारको असर हुन सक्ने, आन्द्रामा चोट लाग्ने लगायतको समस्या देखिने उहाँले बताउनुभयो । त्यस्तै एकपटक गर्भपतन गराइसकेपछि लामो समयसम्म बच्चा नरहने सम्भावना पनि भएकोले सकेसम्म गर्भपतन नगराउन उहाँले सुझाव दिनुभयो । गर्भपतन गराउनको सट्टा सुरक्षित परिवार नियोजनका साधन प्रयोग गर्न उहाँले आग्रह गर्नुभएको छ ।

प्रतिक्रिया दिनुहोस्
विशेष

यतिबेला देशका मध्य तथा पूर्वी तराईका भूभागमा बाक्लो हुस्सु र कुहिरो लागेको छ।

दाजुभाइमा सम्बन्ध सुधार हुनेछ । स्त्रीपक्षबाट लाभ मिल्नेछ । मित्रकोे सहयोग पाइनेछ ।

अनलाइन संचारमाध्यम नवीकरण गर्ने ब्यवस्था खारेजीको माग गर्दै सर्बोच्चमा रिट दायर भएको छ ।

एक पटक दर्ता भएको पत्रिका कहिल्यै दर्ता खारेज नहुने गरी कानुनले संरक्षण गरेको छ ।

अध्यक्ष नेपालले प्रधानमन्त्री ओलीले संकटकाल लगाएर अथवा अन्य असंवैधानिक कदम चालेरै भएपनि ५ वर्ष प्रधानमन्त्री बन्न चाहेको उल्लेख गर्दै ओलीले…

संविधानले प्रधानमन्त्रीको तानाशाहलाई रोकेको भएपनि प्रधानमन्त्री ओलीले संसदमाथि अनाधिकृत आक्रमण गरेको सिटाैलाले बताउनुभयो ।