Logo कार्तिक १२, २०७७ बुधबार


आजदेखि अधिकमास शुरु, मत्स्यनारायणमा एक महिने मेला

काठमाडौं । आजदेखि शुरु भएको अधिकमास वा पुरुषोत्तममास असोज ३० गतेसम्म रहनेछ । यस अवधिमा नियमितबाहेकका साइत हेरी गरिने शुभकर्म तथा अनुष्ठान गर्न नहुने मान्यता छ ।

अधिकमासकै कारण यस वर्षको बडादशैं एक महिनापछि सरेर कात्तिकमा परेको हो । नेपालमा सूर्यगणना र चन्द्रगणनाको आधारमा बनाइएको पञ्चाङ्ग प्रचलित छ । सूर्यमान अनुसार वर्षमा तीन सय ६५ दिन, १५ घडी, ३१ पल र ३० विपल हुन्छ भने चन्द्रमान अनुसार तीन सय ५४ दिन, २२ घडी, १ पल, २३ विपल हुने गर्छ । चान्द्रवर्ष सौरवर्षभन्दा १० दिन, ५३ घडी, ३० पल, ७ विपल कम हुनाले वर्ष सामञ्जस्यका गर्दा हरेक तीन वर्षपछि अधिकमास पर्ने गर्दछ । सिद्धान्तशिरोमणिका अनुसार चान्द्र महिनामा सूर्य संक्रान्ति परेन भने अधिकमास हुन्छ र चान्द्रमासमा दुई सूर्यसंक्रान्ति परेमा क्षयमास हुन्छ ।

यस वर्ष असोज शुक्लपक्ष र कृष्णपक्षको अवधिमा सूर्यसंक्रान्ति नपरेकाले अधिकमास हुन गएको हो । क्षयमास भने संवत् दुई हजार एक सय ८१ मा पर्ने जनाइएको छ । अधिकमासका स्वामी पुरुषोत्तम वा भगवान विष्णु रहेकाले अधिकमासलाई पुरुषोत्तम मास भन्ने गरिन्छ । यस अवधिमा भगवान विष्णुको पूजा गरी अपुप (मालपुवा) दान गर्ने चलन छ । अधिकमासमा काठमाडाैंको कीर्तिपुरमा अवस्थित मत्स्यनारायण मन्दिरमा एक महिने मेला लाग्दछ ।

प्रतिक्रिया दिनुहोस्
विशेष

प्रधानमन्त्री ओलीले भारतीय गुप्तचर संस्था ‘रअ’ का प्रमुखसँग कुटनीतिक मूल्य र आचारसंहिता विपरित भेटेको र यस्तो कार्यबाट राष्ट्रिय स्वाभिमान, प्रतिष्ठा…

हिमालयन क्षेत्रमा भूकम्पीय चाप तयार भएको अध्ययनको निष्कर्ष रहेको छ ।

डोटीको केआइ सिंह गाउँपालिका–६ फलेडी आउनुभएका मुख्यमन्त्री भट्टले कोरोना भाइरस साझा सत्रु भएकाले सबैले मिलेर लड्नुपर्ने बताउनुभएको हो ।

कात्तिक एक गतेदेखि ११ गतेसम्म निकुञ्जमा एक सय तीन जना आन्तरिक पर्यटकले शुक्लाफाँटा अवलोकन गरेको रेञ्जर चाैधरीले जानकारी दिनुभयो ।

विजयनगर महादेइयाका स्थानीय राम निवास पुरी भन्छन्, 'सडकमा हिड्न समेत सकिदैन । पुरै बालुवा मात्र हालिएको छ ।'

प्रदेश १ का एक/दुई स्थानहरुमा हल्का वर्षाको सम्भावना रहेको छ ।