Logo फाल्गुन २४, २०७७ सोमबार


कोरोना विरुद्धको कदम ‘उराठलाग्दो’ छैन : प्रधानमन्त्री

काठमाडौं । छैटौं संविधान दिवसका अवसरमा प्रधानमन्त्री केपी शर्मा ओलीले कोरोनाविरुद्ध सरकारले चालेका कदमहरु उराठलाग्दो नभएको बताउनुभएको छ । संविधान दिवसको अवसरमा शनिबार बिहान टुँडिखेलमा आयोजित विशेष समारोहमा देशवासीलाई सम्बोधन गर्नुहुँदै प्रधानमन्त्री ओलीले यस्तो दावी गर्नुभएको हो ।

प्रधामन्त्री ओलीले कोरोना महामारीका कारण विश्वका अधिकांश देशमा अर्थतन्त्रको सूचक नकारात्मक हुँदा पनि नेपालको अर्थतन्त्र सकारात्मक नै रहेको बताउनुभयो । कोरोनाले विकासको गति केही सुस्त बनाएको स्वीकार्नुहुँदै उहाँले महामारीको अवस्था भने नआएको बताउनुभयो । आफूले आफूले अघिल्लो वर्ष गरेका प्रतिबद्धतालाई पूरा गर्न सकिने प्रभानमन्त्रीको भनाइ छ ।

सम्बोधनका क्रममा भ्रष्टाचार गर्न नदिने बताउनुहुँदै प्रधानमन्त्रीले भ्रष्टाचारविरुद्ध बोल्दा ‘मुखमा पानी नहाल्ने’ प्रतिबद्धता पनि जनाउनुभएको छ । लिपुलेक–लिम्पियाधुरासहितको भूभाग समेटेर नयाँ नक्सा सार्वजनिक गर्दै सरकारले सार्वभौमसत्ताको सुरक्षाका लागि सरकारको प्रतिवद्धतालाई व्यक्त गरेको उहाँले बताउनुभयो ।

प्रधानमन्त्रीले संविधान दिवसको अवसरमा सैनिक मञ्च टुँडिखेलमा आयोजित संक्षिप्त विशेष समारोहलाई सम्बोदन गर्नुभएको हो । समारोहमा राष्ट्रपति भण्डारी, उपराष्ट्रपति नन्दबहादुर पुन, प्रधानन्यायाधीश चोलेन्द्रशमशेर राणा, प्रतिनिधि सभाका सभामुख अग्निप्रसाद सापकोटा र राष्ट्रिय सभाका अध्यक्ष गणेशप्रसाद तिमिल्सिना पनि सहभागी हुनुभयो ।

कोरोना संक्रमणको जोखिमका कारण सीमित सहभागीतामा संविधान दिवस मनाएको हो । अघिल्ला वर्षहरुमा मन्त्री, सांसद, कूटनीतिक नियोगका प्रतिनिधि, कर्मचारी, कलाकार लगायत पनि सहभागी हुने गरे पनि यस वर्ष उनीहरुलाई समारोहमा बोलाइएन ।

यससँगै सरकारले घरमै बसेर राष्ट्रिय झण्डा फहराउँदै संविधान दिवस मनाउन सबै नेपालीलाई आह्वान गरेको छ । संविधान दिवसको अवसरमा राष्ट्रपति, प्रधानमन्त्री, सभामुखसहित विभिन्न राजनीतिक दलका नेताहरुले पनि शुभकामना सन्देश दिएका छन् ।

प्रतिक्रिया दिनुहोस्
विशेष

पितृसत्ताको जाँतोमा लामो समयसम्म महिलाहरु थिचिएकै कारण उनीहरुलाई बाहिर आउन निकै लामो सघर्ष गर्नुपरेको यथार्थ हामी सामू छदैछ ।

काठमाडौं । नक्सालमा भीषण आगलागी भएको छ । नारायण चौर नजिक रहेको फुट ट्र रेष्टुरेन्टमा आगलागी भएको हो। आगलागी नियन्त्रणका…

सर्वोच्च अदालतले तत्कालीन एमाले र माओवादी केन्द्र मिलेर बनेको नेकपा खारेज गरे फैसलापछि सो समूहले आकस्मिक स्थायी समिति बैठक बोलाएको…

उपराष्ट्रपति पुनले राज्यको हरेक निकायमा महिला सहभागिता बढिरहेको उल्लेख गर्दै यस उपलब्धी प्रति गर्व गर्दै बाँकी उपलब्धीहरुका लागि सचेत रहन…

नेकपा स्रोतका अनुसार आज अपरान्ह तीन बजे पेरिसडाँडामा बोलाएको स्थायी कमिटी बैठकबाट पुनरावलोकनमा जानेबारे औपचारिक निर्णय गर्नेछ।

हिउँदमा पनि नदीमा पानी बगाउन शिवपुरी नागार्जुन राष्ट्रिय निकुञ्जमा बाँध निर्माण भइरहे पनि पूरा हुन सकेको छैन ।