Logo कार्तिक १३, २०७७ बिहीबार


तरकारीको मूल्य झन- झन आकासिंदै, प्रतिकिलो १ सय रुपैयाँमाथि

    फाइल तस्बिर 

काठमाडौं । कोरोना महामारीको सन्त्रासकै बीचमा लकडाउन खुकुलो बनाइए पनि उपभोक्ताको भान्सामा धेरै खपत हुने अधिकांश तरकारीको मूल्य भने दिनहुँ उकालो लागिरहेको छ । पछिल्लो समय उपत्यकामा अधिकांश हरियो तरकारीको मूल्य प्रतिकिलो १ सय रुपैयाँमाथि पुगेको छ ।

लकडाउन खुकुलो भएर ढुवानी सहज भएपनि बजारमा तरकारीको मूल्य बढिरहेको पाइएको हो । मागको तुलनामा आपूर्ति २५ देखि ३० प्रतिशत कम भइरहेकोले तरकारीको मूल्य वृद्धि भएको व्यवसायीको तर्क छ । गत चैत ११ देखिको निरन्तरको लकडाउनले आम्दानी खुम्चिरहेका अवस्थामा तरकारी महँगो हुँदा उपभोक्ताले मार खेप्नुपरेको छ ।

तरकारी तथा फलफूल व्यवसायी महासंघका अध्यक्ष खोमप्रसाद घिमिरेले दैनिक औसतमा ७–८ सय टन तरकारी आउने कालीमाटी फलफूल तथा तरकारी बजारमा निषेधाज्ञा यता ५ सयदेखि ५ सय ५० टनसम्म मात्र आपूर्ति भइरहेको बताउनुभयो । ‘किसानले सबै तरकारी उत्पादन घटाएकोले आपूर्ति नै करिब २ सय टनका दरले घट्दा मूल्यमा चाप परेको हो,’ उहाँले भन्नुभयो ।

सरोकारवाला सरकारी निकायहरुले भने तरकारी बजारमा अनुगमन तीव्र पारिएको र दोषी व्यवसायीलाई कारबाही गर्ने गरिएको बताएका छन् । अनुगमनकारी निकाय वाणिज्य आपूर्ति तथा उपभोक्ता संरक्षण विभागका महानिर्देशक नेत्रप्रसाद सुवेदीले उपभोक्तालाई असहज हुने गरी भएका व्यापारिक क्रियाकलापमा अनुगमन केन्द्रित गरिएको बताउनुभयो । उहाँले आलु, प्याज लुकाउने र बढी मूल्य असुल्ने व्यवसायीलाई कारबाही थालिएको पनि प्रष्ट पार्नुभयो ।

मूल्य वृद्धिको कारण उत्पादनमा गिरावट
कोरोना भाइरस नियन्त्रणका लागि गत चैत ११ देखि सरकारले लकडाउन गर्दा किसानले उत्पादन गर्न नपाउनु मूल्य वृद्धिको प्रमुख कारण देखिन्छ । गरिएको उत्पादन पनि बारीमै सड्ने र किसानले लागत मूल्यभन्दा पनि सस्तोमा बिक्री गर्न बाध्य हुनुपर्ने स्थितिले  मूल्य वृद्धि भएकाे हाे ।

चैत र वैशाखमा किसानले आफ्नो उत्पादनको उचित मूल्य नपाउनु र निरन्तर लकडाउन जारी रहनुले तरकारी नै लगाउन नसकिएको किसान र व्यवसायीको भनाइ छ ।

तरकारी तथा फलफूल व्यवसायी महासंघका अध्यक्ष खोमप्रसाद घिमिरे भन्नुहुन्छ्, ‘काउली र गोलभेँडाजस्ता धेरै खपत हुने तरकारीको बिउ नै आयात हुन नसक्नुले किसानले लगाउन पाएनन् र यहाँ उपलब्ध हुने बिउबाट पनि धेरै खपत नहुने र मूल्य घट्ने त्रासका कारण खासै तरकारी लगाएनन् ।’

प्रतिक्रिया दिनुहोस्
विशेष

हाल देशका पहाडी भू–भागमा आंशिक बदली रही बाकी भू–भागमा मौसम सामान्यतया सफा रहेको छ ।

व्यावसायिक भार आइपर्नेछ । पुरानो मित्र भेटघाट हुनेछ । प्रेममा खुशी बढ्नेछ ।

प्रधानमन्त्री ओलीले भारतीय गुप्तचर संस्था ‘रअ’ का प्रमुखसँग कुटनीतिक मूल्य र आचारसंहिता विपरित भेटेको र यस्तो कार्यबाट राष्ट्रिय स्वाभिमान, प्रतिष्ठा…

हिमालयन क्षेत्रमा भूकम्पीय चाप तयार भएको अध्ययनको निष्कर्ष रहेको छ ।

डोटीको केआइ सिंह गाउँपालिका–६ फलेडी आउनुभएका मुख्यमन्त्री भट्टले कोरोना भाइरस साझा सत्रु भएकाले सबैले मिलेर लड्नुपर्ने बताउनुभएको हो ।

कात्तिक एक गतेदेखि ११ गतेसम्म निकुञ्जमा एक सय तीन जना आन्तरिक पर्यटकले शुक्लाफाँटा अवलोकन गरेको रेञ्जर चाैधरीले जानकारी दिनुभयो ।