Logo मंसिर १०, २०७७ बुधबार


पशु सेवा विज्ञ केन्द्रको बजेट दश करोड

बागलुङ/पर्वत । बागलुङ र पर्वतमा चालु आर्थिक वर्षमा पशुपंक्षी तथा मत्स्य कार्यक्रमका लागि दश करोड रुपैयाँ खर्च हुने भएको छ । भेटेरिनरी अस्पताल तथा पशु सेवा विज्ञ केन्द्र बागलुङले विभिन्न कार्यक्रममा उक्त रकम खर्च गर्न लागेको हो ।

केन्द्रले आफ्नो सेवा क्षेत्र बागलुङ र पर्वतका १७ स्थानीय तहमा उक्त बजेटका कार्यक्रम कार्यान्वयन गर्ने जनाएको छ । चालु आर्थिक वर्षको बजेट तथा कार्यक्रम शुक्रबार सार्वजनिक गर्दै केन्द्रका वरिष्ठ पशु विकास अधिकृत शम्भुराज पाण्डेले एक करोड ९८ लाख रुपियाँ प्रशासनिक तथा उपभोग खर्च र आठ करोड ८८ लाख ९० हजार पुँजीगत तथा अनुदानका कार्यक्रममा खर्च हुने जानकारी दिनुभयो ।

पाण्डेले विज्ञ केन्द्रको पुरानो भवनमा नयाँ भवन निर्माण, सवारीसाधन, मेसिनरी औजार, कार्यालयका फर्निचर तथा सामग्री खरिद बाहेक अन्य प्राय कार्यक्रम किसान केन्द्रित भएको बताउनुभयो ।

चालु आर्थिक वर्षमा केन्द्रले साना व्यावसायिक फार्म स्थापना तथा विस्तार, उत्पादनमा आधारित अनुदान, पशुपंक्षी बीमा प्रिमियममा २५ प्रतिशत अनुदान, नयाँ पशुपंक्षी तथा मत्स्य पकेट विस्तार, फार्म यान्त्रिकीकरण, भैंसी विकास कार्यक्रम, उन्नत नश्लका पाडाबाच्छी हुर्काउने कार्यक्रम, माछा भुरा वितरण, मत्स्य पोखरी निर्माणका लागि अनुदान वितरण गरिने बताइएकाे छ ।

प्रतिक्रिया दिनुहोस्
विशेष

अर्थमन्त्रीसमेत रहेका महासचिव पौडेलको जस्तै बुझाइ नेकपाको दोस्रो पुस्ताका अधिकांश नेता/ कार्यकर्ताहरुले व्यक्त  गरिरहेका छन् ।

स्वास्थ्य तथा जनसंख्या मन्त्रालयले कोभिड–१९ सम्बन्धी विवरण अद्यावधिकमा तीन हजार १ सय ४० निको भएका छन् ।

आज सबैभन्दा कम जुम्लाको न्यूनतम तापक्रम माइनस दशमलव ८ डिग्री र सबैभन्दा धेरै धनगढीको न्यूनतम तापक्रम १२ दशमलव ५ डिग्री…

अहिले शेयर बजारका लागि हरेक हिसाबले उपयुक्त महोल बनेकाले लगानीकर्ताले लगानी बढाएको देखिन्छ ।

पर्यटक विहीन बनेको ठमेल बजारमा केही दिनयता स्वदेशी उपभोक्ताको चहलपहल बढेको ठमेलका व्यपारीहरुले बताएका छन् ।

कृषि सामग्री कम्पनी लिमिटेडले गत कात्तिक २८ गते ३० हजार मेट्रिक टन बराबरको दोस्रो ठेक्कामा पनि जमानत जफत गर्ने निर्णय…