Logo ८ असार २०७८, मंगलवार


यी हुन् काेराेनाभाइरसकाे उच्च संक्रमण भएका दश देश

काठमाडौं । संयुक्त राज्य अमेरिकामा कोरोना भाइरसको संक्रमण संख्या ७९ लाख ९१ हजार नाघेको जोन्स हप्किन्स विश्वविद्यालय सोमबार जानकारी दिएको छ ।

पेशा व्यवसाय खोल्ने वा नखोल्ने भन्ने विषयमा दोधारमा रहेको अमेरिकामा कोरोना भाइरसको संक्रमणबाट विश्वको तुलनामा सबैभन्दा बढी मानिसको मृत्यु भएको छ । कोरोना संक्रमणबाट अमेरिकामा मृत्यु हुने व्यक्तिको संख्या दुई लाख १९ हजार नाघेको छ ।

कोरोना संक्रमणको कारण दोस्रो स्थानमा रहेको अर्थात विश्वकै दोस्रो ठूलो जनसंख्या रहेको देश भारतमा कोरोनाबाट ७१ लाख २० हजार भन्दा बढी संक्रमण भएका र यस संक्रमणबाट एक लाख ९ हजार जनाको मृत्यु भईसकेको छ ।

कोरोना संक्रमणलाई हेर्दा तेस्रो स्थानमा रहेको देश ब्राजिलमा संक्रमितको संख्या ५० लाख ९४ हजार नाघेको छ । संक्रमणको कारण एक लाख ५० हजार भन्दा बढीको मृत्यु भएको छ । खोप विकास गरिसकेको घोषणा गरेको रसियामा १३ लाख १२ हजार भन्दा बढी संक्रमित रहेका छन् भने २२ हजार ७२२ जनाको मृत्यु भएको छ भने दैनिक संक्रमणको संख्या पनि बढ्दो छ ।

कोलम्बियामा ९ लाख ११ हजार ३ सय १६ जना कोरोनाभाइरस संक्रमण भएका छन् भने २७ हजार ८ सय ३४ जनाको मृत्यु भएको छ । अर्जेन्टिना ८ लाख ९४ हजार भन्दा बढी व्यक्ति कोरोनाभाइरस संक्रमण भएका छन् भने २३ हजार ८ सय ६८ जनाको मृत्यु भएको छ ।

स्पेनमा ८ लाख ९० हजार ३ सय ६७ व्यक्ति कोरोना भाइरस संक्रमित भएका छन् भन ३२ हजार ९ सय २९ जनाको मृत्यु भएको छ । पेरुमा ८ लाख ४९ हजार ३ सय ७१ मा व्यक्ति कोरोनाभाइरस संक्रमित भएका छन् भने ३३ हजार ३ सय ५ जनाको मृत्यु भएको छ ।

मेक्सिकोमा ८ लाख ३७ हजार ७ सय ८१ व्यक्ति कोरोनाभाइरस संक्रमित भएका छन् भने ८३ हजार ७ सय ८१ जनाको मृत्यु भएको छ ।

फ्रान्समा ७ लाख ३४ हजार ९ सय ७४ व्यक्ति कोरोनाभाइरस संक्रमित भएका छन् भने ३२ हजार ६ सय ८३ जनाको मृत्यु भएको छ । विश्वभर महामारीका रुपमा फैलिएको कोरोनाभाइरसको संक्रमणबाट मृत्यु हुनेको संख्या आइतबारसम्म १० लाख ८१ हजार ७ सय ९ जना पुगेको छ ।

यस भाइरसबाट संक्रमित हुनेको संख्या विश्वभर तीन करोड ७७ लाख ७९ हजार पुगेको छ । कूल संक्रमितमध्ये दुई करोड ८३ लाख ३ सय ६७ हजारभन्दा बढी निको भएका छन् भने करिब ८२ लाख ८२ हजार मानिस सक्रिय संक्रमित छन् । विश्वभर अझै पनि ६८ हजारभन्दा बढी मानिसको स्वास्थ्य अवस्था निकै जटिल रहेको बताइएको छ ।

यूरोपेली मुलुकहरु खासगरी बेलायत, फ्रान्स, स्पेन र इटालीमा कोरोनाभाइरस संक्रमणको दोस्रो लहर शुरु भएको आँकलन गर्दै सार्वजनिक जनजीवनमा धेरै किसिमका प्रतिबन्धहरुको घोषणा गर्न थालिएको छ ।

प्रतिक्रिया दिनुहोस्
विशेष

कम्पनीकी प्रवक्ता शर्मिला सुवेदीका अनुसार निषेघाज्ञामा गरिएकाे खुकुलाे व्यवस्थाबाट सर्वसाधारणकाे दैनिक जीवनयापनमा सहज भएकाले खाद्यान्नमा गरिएकाे छुटकाे व्यवस्था हटाइएकाे हाे…

यसअघि बागलुङको बडिगाड गाउँपालिका–४ मा विवाह भोज खाएका अधिकांशमा कोरोना सङ्क्रमण पुष्टि भएको थियो । सोही विवाहमा सहभागि एकै परिवारका…

हाल देशभर सामान्यदेखि पूर्ण बदली रही बागमती, गण्डकी, लुम्बिनी प्रदेश, कर्णाली र सुदूरपश्चिम प्रदेशका केही स्थानहरुमा हल्कादेखि मध्यम वर्षा भईरहेको…

खानपिनको सुख मिल्नेछ । बोलीको प्रभावले काम बन्नेछ । धन सञ्चय हुनेछ ।

काठमाडाैं । वैज्ञानिकहरूले गरेकाे अनुसन्धानबाट दिनमा निद्रा लाग्नुकाे कारण पत्ता लागेकाे छ । यदि दिनको समयका विना कारण धेरै थकाइ…

काठमाडाैं । नेपाल सरकारले संवैधानिक निकायमा गरेको नियुक्ति पुनः बहसको विषय बनेको छ । नियुक्ति गर्दाको समयमा देखिएको विवाद सँगै…