Logo कार्तिक १४, २०७७ शुक्रबार


भारतमा कोरोना संक्रमितको संख्या ७४ लाख ९४ हजार नाघ्यो

काठमाडौं । भारतमा कोरोना भाइरस संक्रमितको संख्या ७४ लाख ९४ हजार नाघेको छ । भारतमा आइतबार बिहानसम्ममा कोरोना संक्रमितको संख्या ७४ लाख ९४ हजार पाँच सय ५२ पुगेको हो ।

कोरोना सङ्क्रमणबाट भारतमा ज्यान गुमाउनेको संख्या एक लाख १४ हजार ३१ जना पुगेको यहाँको स्वास्थ्य मन्त्रालयले जनाएको छ ।
भारतमा गत २४ घण्टामा ६१ हजार आठ सय ७१ जनामा थप सङ्क्रमण देखिएको र कोरोना सङ्क्रमणको कारण एक हजार ३३ जनाको मृत्यु यहाँको परिवार तथा स्वास्थ्य मन्त्रालयलले जानकारी दिएको छ ।

अझै पनि भारतभरी सात लाख ८३ हजार तीन सय ११ व्यक्ति सक्रिय सङ्क्रमित रहेका छन् । यहाँ हालसम्म ६५ लाख ९७ हजार दुई सय १० जना सङ्क्रमित कोरोनामुक्त भएका छन् ।

भारतमा सङ्क्रमित अवस्थामै रहेकाहरुको सङ्ख्या अहिले आठ लाखभन्दा कम भएको छ । यसअघि नौ, दश लाख सङ्क्रमितहरु रहने गरेकोमा अहिले घटेर आठ लाखभन्दा कम भएको अधिकारीहरुले जनाएका छन् ।

केन्द्रीय स्वास्थ्य तथा परिवार कल्याण मन्त्रालयले शनिबार दिएको जानकारीअनुसार पछिल्लो ४५ दिनयता सङ्क्रमित अवस्थामै रहेकाहरुको यो सङ्ख्या अहिलेसम्मकै कम हो । कोरोनाको सङ्क्रमण देखा परेयता भारतमा शनिबारसम्म ९ करोड ४२ लाख २४ हजार एक सय ९० व्यक्तिको पीसीआर परीक्षण गरिएको छ ।

 

प्रतिक्रिया दिनुहोस्
विशेष

-प्रेममा शंका बढ्नेछ । कामममा जिम्मेवारी थपिनेछ । दाजुभाइको साथ मिल्नेछ ।

हाल देशका पहाडी भू–भागमा आंशिक बदली रही बाकी भू–भागमा मौसम सामान्यतया सफा रहेको छ ।

व्यावसायिक भार आइपर्नेछ । पुरानो मित्र भेटघाट हुनेछ । प्रेममा खुशी बढ्नेछ ।

हिमालयन क्षेत्रमा भूकम्पीय चाप तयार भएको अध्ययनको निष्कर्ष रहेको छ ।

डोटीको केआइ सिंह गाउँपालिका–६ फलेडी आउनुभएका मुख्यमन्त्री भट्टले कोरोना भाइरस साझा सत्रु भएकाले सबैले मिलेर लड्नुपर्ने बताउनुभएको हो ।

कात्तिक एक गतेदेखि ११ गतेसम्म निकुञ्जमा एक सय तीन जना आन्तरिक पर्यटकले शुक्लाफाँटा अवलोकन गरेको रेञ्जर चाैधरीले जानकारी दिनुभयो ।