Logo ८ असार २०७८, मंगलवार


दोहोरो फायरिङमा भारतीय घाइते, हतियारसहित पक्राउ

बारा । सिम्रौनगढ नगरपालिकामा दोहोरो फायरिङमा हुँदा एक भारतीय नागरिक घाइते भएका छन् । भारतको बिहारको मोतिहारीस्थित पूर्वी चम्पारण दुधिअवा निवासी २८ वर्षका बृजकिशोर कुशवाहलाई गोली हानेर प्रहरीले पक्राउ गरेको हो ।

बुधबार दिउँसो साढे तीन बजे सिम्रौनगढ–९ सानो बंकुलमा ड्युटिमा रहेको प्रहरीमाथि कुशवाहले पेस्तोल हानेका थिए । भारतबाट नेपालतर्फ आउँदै गरेका कुशवाहमाथि शंका लागि रोक्न खोज्दा उनले प्रहरीमाथि पेस्तोल हानेका हुन् । तर उनको पेस्तोल पड्किएन र प्रहरीले ३०३ राइफलबाट १ राउण्ड फायर गर्दा कुशवाहको बायाँ पाखुरामा गोली लागेको बाराका प्रहरी नायव उपरीक्षक गौतम मिश्रले जानकारी दिनुभयो ।

गोली लागेर ढलेपछि नियन्त्रणमा लिई प्रहरीले सिम्रौनगढको कंकाली पोलिक्लिनिकमा उपचार गराएको छ । उनको अवस्था सामान्य रहेको र उनको साथबाट पेस्तोल र त्यसमा लोड भएको ४ राउण्ड गोली बरामद भएको प्रहरीले जनाएको छ । कुशवाहाले प्रहरीलाई देख्ने बित्तिकै शुरुमा फायरिङ्ग गरेपछि प्रहरीले जबाफी फायरिङ्ग गर्दा कुशवाहा घाइते भएको प्रहरीले जनाएका्े छ ।

कुशवाहले भारतमा चुनाव भएको र आफू दुष्मन मार्न हिँडेको भन्ने अस्पष्ट जवाफ दिएको प्रहरीले जनाएको छ । प्रहरीका अनुसार उसको पृष्ठभुमि केलाउने काम भइरहेको छ । भारतमा उनले गरेका अपराधका बारेमा समेत अनुसन्धान भइरहेको प्रहरी नायव उपरीक्षक मिश्रले जानकारी दिनुभयो । कुशवाहालाई समान्य उपचार गरी जिल्ला प्रहरी कार्यालय बाराकै हिरासतमा राखिएको डिएसपी मिश्रले बताउनुभयो ।

प्रतिक्रिया दिनुहोस्
विशेष

कम्पनीकी प्रवक्ता शर्मिला सुवेदीका अनुसार निषेघाज्ञामा गरिएकाे खुकुलाे व्यवस्थाबाट सर्वसाधारणकाे दैनिक जीवनयापनमा सहज भएकाले खाद्यान्नमा गरिएकाे छुटकाे व्यवस्था हटाइएकाे हाे…

यसअघि बागलुङको बडिगाड गाउँपालिका–४ मा विवाह भोज खाएका अधिकांशमा कोरोना सङ्क्रमण पुष्टि भएको थियो । सोही विवाहमा सहभागि एकै परिवारका…

हाल देशभर सामान्यदेखि पूर्ण बदली रही बागमती, गण्डकी, लुम्बिनी प्रदेश, कर्णाली र सुदूरपश्चिम प्रदेशका केही स्थानहरुमा हल्कादेखि मध्यम वर्षा भईरहेको…

खानपिनको सुख मिल्नेछ । बोलीको प्रभावले काम बन्नेछ । धन सञ्चय हुनेछ ।

काठमाडाैं । वैज्ञानिकहरूले गरेकाे अनुसन्धानबाट दिनमा निद्रा लाग्नुकाे कारण पत्ता लागेकाे छ । यदि दिनको समयका विना कारण धेरै थकाइ…

काठमाडाैं । नेपाल सरकारले संवैधानिक निकायमा गरेको नियुक्ति पुनः बहसको विषय बनेको छ । नियुक्ति गर्दाको समयमा देखिएको विवाद सँगै…