Logo बैशाख १, २०७८ बुधबार


कोरोना कहरकाबीच सेवासुविधा थप्दै पर्वत अस्पताल

राजन पौडेल
पर्वत । जिल्ला अस्पताल पर्वतले एकपछि अर्काे सेवा थप्दै गएकाे छ । काेराेना महामारीकाबीच पनि अस्पतलले बिरामीका लागि सेवासुविधा थप गर्दै गएकाे हाे ।

आइसियु, भेन्टिलेटर तथा अक्सिजन प्लान्ट स्थापना भएपछि यहाँबाट काठमाडाैं, पोखरा जानु पर्ने बाध्यतामा रहेका बिरामीकाे समस्या हटेका छन् । अस्पतालले गण्डकी प्रदेश सरकारको सहयोगमा ३–३ बेड क्षमताको आइसियु र भेन्टिलेटर तथा अक्सिजन प्लान्ट स्थापना शुरु गरेको हो ।

अस्पताल ५– ५ बेडका भेन्टिलेटर र आइसियु बेड स्थापना गर्ने तयारी भएपनि तत्काल आवश्यक पर्दा ३–३ बेड सञ्चालनमा आइसकेको अस्पताल व्यवस्थापन समितिका अध्यक्ष गोबिन्द पहाडीले बताउनुभयो । जिल्ला अस्पतालमा स्थापना भएको अक्सिजन जेनेरेसन प्लान्टबाट अक्सिजन उत्पादन गर्न थालिएको छ ।

गण्डकी प्रदेश सरकारको ६० लाख आर्थिक सहयोगमा प्लान्ट जडान गरेको हो । अक्सिजन प्लान्टबाट उपकरण स्थापना गरी बुधबारदेखि अस्पताललाई आवश्यक पर्ने अक्सिजन उत्पादन शुरु गरिएको छ । अब जिल्ला अस्पतालले अक्सिजनको अभावमा पोखरा, काठमाडौं बिरामी पठाउनुपर्ने अवस्था नआउने पहाडीले बताउनुभयो ।

१५ शैयाको पर्वत अस्पताललाई आवश्यक पर्ने र माग आएमा थप अक्सिजन उत्पादन गर्न सक्ने क्षमता प्लान्टको छ । पहाडीले अक्सिजनको अभावमा अस्पतालले शल्यक्रिया समेत रोक्नु परेको स्मरण गराउँदै अक्सिजन ढुवानी गर्न समस्या पर्दा बिरामी अन्यत्र पठाउनुपर्ने बाध्यता रहेको बताउनुभयो ।

प्लान्टबाट उत्पादित अक्सिजन पाइपका माध्यमबाट सिधै शैयासम्म पुग्ने  व्यवस्था अस्पताले मिलाएको छ । अस्पतालमा विशेष गरी चिसोबाट उत्पन्न हुने छातीरोग, दमरोग, फोक्सोका बिरामी धेरै सेवा लिन आउने गर्दछन ।

आफ्नै प्लान्टबाट अक्सिजन उत्पादन गरेसंगै यस्ता बिरामी तथा शल्यक्रिया गरेका बिरामीलाई ठूलो सहयोग पुग्ने उहाँको अपेक्षा रहेको छ । अस्पतालमा आइसियु र भेन्टिलेटरको सुबिधा समेत थप भएको छ । अस्पतालमा पहिलो चरणमा १० बेडमा अक्सिजन लिन सक्ने गरी पाईप लाईन जडान गरिएको जिल्ला अस्पताल पर्वतका प्रमुख डाक्टर शिशिर देबकोटाले जानकारी दिनुभयाे ।

अहिले अस्पतालमा दैनिक ५ देखि ६ सिलिण्डर अक्सिजन खपत हुँदै आएको देबकोटाले बताउनुभयो । एक सिलिण्डरमा एक सय लिटर अक्सिजन उत्पादन हुने र प्लान्टको उत्पादन क्षमता १६ सिलिण्डरसम्म रहेको उहाँको भनाइ छ । विशेषगरी चिसोको समयमा अस्पतालमा अक्सिजनको अत्याधिक खपत हुने गरेको पनि उहाँले बताउनुभयो ।

प्रतिक्रिया दिनुहोस्
विशेष

काठमाडौं । विभाजनको संघारमा रहेको नेकपा (एमाले) का दुवै समूह पृथक ढंगले अघि बढिरहे पनि भित्र/भित्रै केही नेताहरु पार्टी एकढिक्का…

राती देशका पहाडी भूभागमा आंशिक बदली रही बाँकी भूभागमा मौसम सामान्यतया सफा रहने महाशाखाले जनाएको छ।

सन्तानबाट धनको सुख पाइनेछ। व्यापारमा लाभ हुनेछ। परिश्रमको फल मिल्नेछ।

कम लागतमा धेरै फाइदा लिन सकिने हुँदा माहुरी पालन पेशा फाईदाजनक भएको खत्रीकाे भनाइ छ ।

जतिसुकै नयाँ बीमा योजना ल्याएपनि यी समस्यालाई समाधान नगरेसम्म बीमा बजारको विस्तार हुन नसक्ने उहाँकाे भनाइ थियाे ।

कोरोना सङ्क्रमण पुष्टि भएसँगै कोभिड सघन उपचार कक्षमा उपचाररत उनको आज बिहान मृत्यु भएको स्वास्थ्य कार्यालय चितवनका प्रमुख दीपक तिवारीले…