Logo मंसिर ९, २०७७ मंगलबार


तपाईँको यो साता (कात्तिक ९ देखि १५ गतेसम्मको राशिफल)

मेष- सन्तानको सहयोगले धनको कारोबार मिल्नेछ । आकस्मिक धनको लाभ हुनेछ । लगानीमा सन्तोष हुनेछ । आम्दानीको स्राेत देखिन्छ ।  धनको सहयोग मिल्नाले आँटेको काममा सफलता हुनेछ । कृषि एवम् भूमिबाट फाइदा हुने पशुचौपायामा लाभ हुनेछ । माइती मावली पक्षबाट सहयोग मिल्नेछ । राजनीतिमा पहुँच मिल्ने एवम् सरकारी क्षेत्रबाट फाइदा हुनेछ । साताको अन्त्यमा भने स्वास्थ्यमा समस्या एवम् पारिवारिक खर्च बढ्नेछ । अनावस्यक चिन्ताले दुष्मनी बढ्नेछ । सवारी साधनले समस्या दिनेछ । यात्रामा झन्झट र ढिलासुस्ती हुनेछ ।

वृष- सामाजिक काममा सफलता मिल्नेछ । ठूलावडाको सहयोगले पुरानो काममा प्रगति हुनेछ । नोकरी, रोजगारीमा सफलता मिल्नेछ । धनसम्पत्तिको सुख मिल्ने एवम् काममा जस पाइनेछ । संगीत एवम् कलाकारितामा रुचि बढ्ने तथा सामाजिक क्षेत्रमा प्रतिष्ठा कायम रहनेछ । लगानीमा फाइदा मिल्नेछ । तथा व्यापार व्यवसायमा सामान्य आम्दानी हुनेछ । साताको अन्त्यमा भने काम बिगार्ने अघि सर्नेछन् । गुप्त शत्रुको भय रहनेछ । मानसिक चिन्ताले जिम्मेबारीमा बाधा आउनेछ ।

मिथुन- सामाजिक एवं धार्मिक काममा समय व्यतित हुनेछ । विदेशबाट फाइदा मिल्नेछ । सामाजिक एवं परोपकारमा व्यस्तता हुनेछ । लामो यात्रा हुने एवम पारिवारिक भेटघाट रहनेछ । धर्म कर्ममा रुचि जाने एवम् सामाजिक क्षेत्रमा पहिचान मिल्नेछ । पद, प्रतिष्ठा वृद्धि हुने एवम् सम्मानको योग रहेको छ । ठूलावडाको साथ मिल्नाले आम्दानीको स्तर बढ्नेछ । साताको अन्त्यमा धनको प्राप्ति हुनेछ एवं सवारी सुख मिल्नेछ । साथीभाइको साथमा धनको व्यय हुनेछ ।

कर्कट- शुरु गरेको काममा वादविवाद आउनेछ । नयाँ जिम्मेवारीको काम अधुरो हुनेछ । अनावश्यक लाञ्छना लाग्नेछ । काममा वाधा आउनाले खर्चको लागत बढ्नेछ । स्वास्थ्यमा समस्या हुने एवम् प्रियजनबाट धोका हुनेछ । साताको मध्यमा भने धार्मिक यात्रा हुने एवम वैदेशिक कामबाट फाइदा मिल्नेछ । टाढाबाट सहयोग आउनाले अधुरा काम पूरा हुने देखिन्छ । साताको अन्त्यमा भने रोजगारीको अवसर मिलने एवम् राजनीति एवम नेतृत्वमा राम्रो अवसर मिल्नेछ । जिम्मेवारी मा प्रशंसा आउनेछ ।

सिंह- वैवाहिक सम्वन्धमा प्रगति हुनेछ । प्रेममा खुशी बढ्नेछ । साथी भाइको सहयोगमा सामाजिक काम बन्नेछ । साझेदारीमा फाइदा एवम् व्यावसायिक यात्रा हुनेछ । जीवनमा साथीको सहयोगले महत्वपूर्ण काम बन्नेछ । साताको मध्यमा भने काममा धोका हुन सक्ने एवम् स्वास्थ्यले समेत समस्या दिन सक्नेछ । धन बढी खर्च हुने तथा काम लम्बेर जानेछ । साताको अन्त्यमा भने भाग्यले साथ दिने, अधुरा काम बन्ने एवम् राजनीतिक नेतृत्वसँग राम्रो सम्बन्ध स्थापित हुनेछ ।

कन्या- मीठो भोजनको सुख मिल्नेट । पारिवारिक काममा व्यस्तता बढ्नेछ । प्रतिष्पर्धामा विवाद आउनेछ । व्यक्तिगत काम पर सर्नेछ । घरबाहिर व्यस्तता बढ्नेछ । खेलकुदमा मन जाने एवम् नयाँ मित्र भेटघाट हुनेछ । वादविवाद टुंगो लाग्ने एवम साथीभाइसँग नयाँ मित्रता गाँसिनेछ । पराक्रम बढ्ने एवम् पारिवारिक भेटघाट हुनेछ । वैदेशिक यात्राको योग पर्ने एवम् साझेदारी व्यवसायमा आम्दानी राम्रो हुनेछ । साताको अन्त्यमा भने अनावश्यक झमेला आउने तथा अरुबाट धोका मिल्न सक्नेछ ।

तुला- सांगीतिक कार्यमा रुचि र संलग्नता जानेछ । नाताबाट आर्थिक सहयोग मिल्नेछ । सन्तानको सहयोग मिल्नेछ । विद्याध्ययनमा प्रगति देखिन्छ । कला, संगीतमा रुचि जाने एवम् आम्दानीको स्तर बढ्नेछ । खेलकुद एवम् प्रतिस्पर्धामा जीत हुने तथा ठूला वडाबाट सहयोग मिल्नेछ । साथीभाइको सहयोगले काम बन्ने एवम् रमाइलो यात्रा हुनेछ । पारिवारिक मेलमिलाप एवम् प्रेममा प्रगति देखिन्छ । नयाँ कामको योजना बन्नेछ । समझदारीमा पूरानो विवाद टुंगिनेछ । नयाँ कूल कुटुम्बको सहयोग एवं साथ मिल्नेछ ।

वृश्चिक- साताको शुरुमा मित्रतामा वाधा आउनेछ । घरायसी काममा बाधा आउने स्वास्थ्यमा खर्च बढ्नेछ । मानसिक चिन्ता बढ्ने एवम् घरायसी मामिलामा समस्या आउनेछ । स्वास्थ्यले समस्या दिने एवम् मित्रबाट असहयोग हुनेछ । साताको मध्यमा भने सन्तानबाट सहयोग मिल्नेछ । पशुचौपायाबाट आम्दामी हुनेछ । खाद्यान्नको व्यापारमा फाइदा हुने एवम् सम्पति जोरजम्मा हुनेछ । साताको अन्त्यमा भने नोकरीमा फाइदा एवम् शारीरिक परिश्रम एवम् जिम्मेबारीको भार बढ्नेछ ।

धनु- सरसापट लेनदेनमा धनको व्यय हुनेछ । साथीभाइसँग रमाइलोमा खर्च हुनेछ । पूरानो काममा जिम्मेबारी बढ्नेछ । पूरानो काममा फाइदा मिल्नेछ । छोटो एवं रमाइलो यात्रा हुनेछ । दाजुभाइबाट सहयोग एवम् पारिवारिक मेलमिलापबाट काम बन्नेछ । काममा बाेझ थपिनाले काम अधुरो रहनेछ । हतारमा काम बिग्रिनाले आर्थिक व्यय हुनेछ । छातीको बिमार देखिने एवम् सन्तानको स्वास्थ्यमा खर्च हुनेछ । साताको अन्त्यमा भने अध्ययनमा रुचि जाने एवम् लगानीमा फाइदा मिल्नेछ । बौद्धिक जगतमा प्रशंसा मिल्नेछ ।

मकर- धनकोे कारोबारमा वृद्धि हुनेछ । आफन्तको सहयोगमा काम अगाडि बढ्नेछ । सभा एवम् गोष्ठीमा सहभागिता मिल्नेछ । नयाँ योजना शुरु हुने एवम् पुराना कामबाट फाइदा मिल्नेछ । बोलीले काम बन्ने एवम् ठूलावडासँग भेटघाट हुनेछ । कामको जिम्मेवारी थपिने एवम् छोटो यात्राको योग बन्नेछ । भाइबन्धुको सहयोग मिल्ने एवम् परिवारमा सद्भाव रहनेछ । साताको अन्त्यमा भने प्रेममा मनमुटाव हुने, आपसी झैझगडा बल्झिने देखिन्छ । विरोधीहरुले काम एवं जिम्मेवारीमा कलहको सृजना हुनेछ ।

कुम्भ- समझदारीको काममा योजना बिग्रिनेछ । आफन्तबाट आलोचनाको भय हुनेछ । आलस्यताले काममा अधुरो हुनेछ । फाइदा अरुले लिनाले लगानी खेर जानेछ । हतारमा काम बिग्रिनाले अपजसको भागिदार भइनेछ । साताको मध्यमा भने धनसम्पत्तिको जोहो हुने एवम् आर्थिक सहयोग मिल्नेछ । खानपिनमा रमाइलो एवम् साथीभाइसँग भेटघाट रहने तथा भोग विलासमा धन खर्च हुनेछ । साताको अन्त्यमा भने रमाइलोमा खर्च हुनेछ । पैसाको अभाव रहने एवम् वैदेशिक कामबाट झन्झट मिल्नेछ । नयाँ ठाउमा हिड्डुल बढी हुनेछ ।

मीन- छोटो यात्राको सुख मिल्नेछ । सरसामान हराउन सक्नेछ । यात्रामा सास्ती हुनेछ । अनावश्यक खर्च बढ्ने एवम् सरसहयोगमा धन सकिनेछ । मानसिक चिन्ता बढ्ने एवम् योजनामा ढिलासुस्ती हुनेछ । साताको मध्यमा भने मित्रजन भेटघाट हुने एवम् पारिवारिक सहयोग मिल्नेछ । प्रेममा प्रगति हुनाले शंका हटेर जानेछ । साताको अन्त्यमा भने व्यापारमा फाइदा एवम् लगानीमा नाफा मिल्नेछ । धार्मिक काममा व्यस्तता बढ्ने एवं सम्पत्तिको सुख मिल्नेछ ।

प्रस्तुति ज्योतिष एवं वास्तुविद् सुरेन्द्र सापकोटा
सम्पर्क ९८५१०७१५७४ पशुपति जयवागेश्वरी

प्रतिक्रिया दिनुहोस्
विशेष

काठमाडौं । सत्तारुढ नेपाल कम्युनिष्ट पार्टी (नेकपा) को गत सचिवालय बैठकमा प्रधानमन्त्री एवं पार्टी अध्यक्ष केपी शर्मा ओलीले राखेको मन्तव्यलाई…

काठमाडौं । कोरोना महामारीका कारण गत वैशाखमा हुन नसकेको कक्षा १२ को परीक्षा आजबाट सुरु भएको छ । देशभरका ४…

चुनावको नतिजा अस्वीकार गर्दै आएका अमेरिकी राष्ट्रपति डोनाल्ड ट्रम्पले अन्ततः राष्ट्रपतिमा निर्वाचित जो बाइडेनका लागि सत्ता सञ्चालनको बाटो खोल्ने भएका…

भारतीय विदेश मन्त्रालयले विदेश सचिवस्तरीय वार्ता उच्च स्तरीय कूटनीतिक भ्रमणको निरन्तरता रहेको जनाएको छ ।

घरपायक परीक्षा केन्द्र र परीक्षाको ३५ दिनअघि नै परीक्षा केन्द्र छनोट गरिसक्नुपर्नेछ ।

हाल देशको पहाडी भूभागमा आंशिक बदली रहेको छ। देशका अन्य भूभागमा मौसम सामान्यता सफा रहेको छ।