Logo बैशाख २, २०७८ बिहीबार


‘असारे विकास’ अन्त्य गर्न जुट्यो अन्नपूर्ण

शिब बोहोरा
म्याग्दी । जिल्लाको अन्नपूर्ण गाउँपालिकाले ‘असारे विकास’ को विकृति न्युनीकरणका लागि नीतिगत पहल थालेको छ । गाउँपालिकाले समय तालिका बनाएर आर्थिक वर्षको पहिलो चौमासिकमै योजना सम्झौता र कार्यान्वयन शुरु गरेको हो ।

आर्थिक वर्षको अन्तमा गरिने पूर्वाधार, तालिम, गोष्ठि दिगो, प्रभावकारी र उपलब्धीमुलक नदेखिएपछि सुधारको पहल थालेका हुन् । योजना तथा कार्यक्रम कार्यान्वयनका लागि कार्ययोजना तयार पारी पहिलो चौमासीकमा उपभोक्ता समिति गठन, सम्झौता र उनीहरुलाई तालिम दिन थालेका छन् । समयमै गुणस्तरीय काम गराउने र बजेट दुरुपयोग रोक्नका लागि असारे विकासको प्रवृतिलाई निरुत्साहीत गरिएको गाउँपालिका उपाध्यक्ष केशमाया मगरले बताउनुभयो ।

चालु आर्थिक वर्षमा पुँजिगत शिर्षकमा एक सय ७२ वटा योजना तथा कार्यक्रमका लागि १३ करोड ३६ लाख ६ हजार रुपैयाँ विनियोजन भएको छ । पूर्वाधार तर्फ वडा स्तरका एक सय ६ र गाउँपालिका स्तरीय १९ वटा योजना रहेका योजना अधिकृत हरिकृष्ण आचार्यले बताउनुभयो । यसैगरी चालू प्रकृतिका ५१ वटा कार्यक्रम छन् । तीन लाख रुपैयाँसम्म बजेट बिनियोजन भएका ५५ वटा योजनाको सम्झौता वडामै गर्ने व्यवस्था मिलाएको छ । १० लाखभन्दा बढी बजेट भएका योजना १८ वटा छन् ।

योजनाको सर्वेक्षण सकेर लागत इस्टिमेट तयार पार्ने काम अन्तिम चरणमा पुगेको छ । ठूला योजनाहरु कार्यान्वयन गर्न ठेक्का प्रक्रिया अघि बढाएको प्रमुख प्रशासकीय अधिकृत नबिन सुबेदीले बताउनुभयो । योजना कार्यान्वयनलाई सहज र प्रभावकारी बनाउन उपभोक्ता समितिका पदाधीकारीलाई तालिमको व्यवस्था गरिएको छ । २०७७ चैत महिना भित्र सबै योजनाको काम र फरफारक गरिसक्ने कार्ययोजना बनाएको हो ।

सडक नपुगेका बस्तीमा सडक पुर्याउने, ट्याक खोलीएका सडकको स्तरोन्नति, पदमार्ग निर्माण, सामुदायिक विद्यालयको गुणस्तर सुधार, आयआर्जन वृद्धि, सामुदायीक भवन, खानेपानी विस्तारका योजनालाई प्राथमिकता दिएको छ ।

प्रतिक्रिया दिनुहोस्
विशेष

काठमाडौं । लुम्बिनी प्रदेशका मुख्यमन्त्री शंकर पोखरेलविरुद्ध अविश्वासको प्रस्ताव ल्याउने तयारी अन्तिम चरणमा पुगेको छ । नेपाली कांग्रेस र माओवादी…

कास्की। माओवादी केन्द्रको समर्थनमा नेपाली काँग्रेसले गण्डकी प्रदेश सरकारको नेतृत्व गर्ने सम्भावना बढ्दै जाँदा मुख्यमन्त्री पृथ्वीसुब्बा गुरुङ नेतृत्वकाे सरकारकाे दिनगन्ती…

हाल देशका पहाडी भूभागहरूमा आंशिक बदली भइ बाँकी भूभागमा मौसम सामान्यतया सफा रहेको छ।

घरायसी तनाव बढ्नेछ। विश्वास घात हुन सक्नेछ। मनमा शंकाले दु:ख दिनेछ ।

काठमाडौं । विभाजनको संघारमा रहेको नेकपा (एमाले) का दुवै समूह पृथक ढंगले अघि बढिरहे पनि भित्र/भित्रै केही नेताहरु पार्टी एकढिक्का…

राती देशका पहाडी भूभागमा आंशिक बदली रही बाँकी भूभागमा मौसम सामान्यतया सफा रहने महाशाखाले जनाएको छ।