Logo बैशाख २, २०७८ बिहीबार


कोरोना महामारीले रोजगारी गुम्यो, चुलो बाल्न गिट्टीबालुवाको भर

डडेलधुरा । कोरोना भाइरस महामारीका कारण यतिबेला विश्व आक्रान्त बनिरहेको छ । विश्वभर कामकाज, उद्योगधन्दा, व्यापारव्यवसाय लामो समय बन्द हुँदा शक्तिशालि मानिने राष्ट्र समेत आर्थिक संकटमा पर्न थालेका छन् ।

यतिबेला रोजगारी गुमाएका मानिसलाई दैनिकी चलाउनै मुस्किल परिरहेको छ । भारतमा रोजगारीका लागि गएका धेरै नेपालीहरु कोरोना महामारीका बेला नेपाल फर्किए । परिस्थिति सहज होला भन्दाभन्दै दिनप्रति दिन कोरोनाको जोखिम बढ्दै गयो । काम छोडेर रोगबाट बच्न गाउँ फर्किएका डडेलधुराबासी यतिबेला के खाने, के लगाउने भन्ने चिन्तामा छन् ।

जिल्लाका अधिकांश महिला, पुरुष यतिबेला नदी किनारमा गिट्टी कुट्न, बालुवा छान्नमा व्यस्त छन् । लामो समयदेखि बेरोजगार भएर बसेकाहरु चुल्लो बाल्नै मुस्किल परेपछि नदीका बालुवा र गिट्टीमा भर परेका देखिन्छन् ।

गन्यापधुरा गाउँपालिका वडा नं. २ र ३ का अधिकांश महिला र पुरुष रडुवा खोला र सकायल खोलाका किनारमा बालुवा, ढुङ्गा र गिट्टी बेचेर घर खर्च चलाइरहेका छन् । बिहान ६÷७ बजेदेखि नै नदी किनारमा बालुवा, गिट्टी र ढुंगा संकलनका लागि उनीहरु पुग्छन् । बालुवा प्रतिट्याक्टर तीन हजार, गिट्टी प्रतिट्याक्टर दुई हजार पाँच सय र ढुङ्गा एक हजार तीन सयका दरले बिक्री गर्ने गरेको स्थानीय सागर ठगुन्नाले बताउनुभयो । भारतमा होटेलमा काम गर्दा मासिक भारु २० हजार कमाउने गरेको भए पनि कोरोनाले रोजगारी गुमेपछि घर परिवार पाल्नका लागि बालुवा तथा गिट्टी सङ्कलन गरी बिक्री गर्दै आइरहेको उहाँले बताउनुभयो ।

कोरोनाले रोजगारी गुमेको भए पनि नदीको बालुवा गिट्टीले साँझ बिहानको जोहो गर्न सजिलो भएको गन्यापधुरा–३ का इन्द्र दमाईले बताउनुभयो । उहाँले भन्नुभयो, ‘भारतमा काम गर्ने होटेल बन्द भएपछि घर आएको हूँ, घर खर्च चलाउनका लागि अहिले वालुवा गिट्टी बेच्ने गरेको छु ।’ तीन÷चार दिनमा एक ट्याक्टर बालुवा तथा गिट्टी बिक्री गरी मासिक २५/३० हजार आम्दानी गर्ने गरेको उहाँको भनाइ छ ।

गाउँपालिकाले पालिकाभित्र रहेका बेरोजगारको तथ्यांक सङ्कलन गरिहेको र उनीहरुको सीपअनुसार रोजगारी सिर्जना गर्ने गन्यापधुरा गाउँपालिका अध्यक्ष नवलबहादुर मल्लले बताउनुभयो । पालिकाले गर्ने विकास निर्माणका काममा स्थानीय व्यक्तिलाई मात्रै प्रयोग गर्ने र व्यावसायिक तथा सामूहिक कृषि खेती गर्न पालिकाले विशेष अनुदान दिने नीति ल्याएको अध्यक्ष मल्लको भनाइ छ ।

प्रतिक्रिया दिनुहोस्
विशेष

काठमाडौं । लुम्बिनी प्रदेशका मुख्यमन्त्री शंकर पोखरेलविरुद्ध अविश्वासको प्रस्ताव ल्याउने तयारी अन्तिम चरणमा पुगेको छ । नेपाली कांग्रेस र माओवादी…

कास्की। माओवादी केन्द्रको समर्थनमा नेपाली काँग्रेसले गण्डकी प्रदेश सरकारको नेतृत्व गर्ने सम्भावना बढ्दै जाँदा मुख्यमन्त्री पृथ्वीसुब्बा गुरुङ नेतृत्वकाे सरकारकाे दिनगन्ती…

हाल देशका पहाडी भूभागहरूमा आंशिक बदली भइ बाँकी भूभागमा मौसम सामान्यतया सफा रहेको छ।

घरायसी तनाव बढ्नेछ। विश्वास घात हुन सक्नेछ। मनमा शंकाले दु:ख दिनेछ ।

काठमाडौं । विभाजनको संघारमा रहेको नेकपा (एमाले) का दुवै समूह पृथक ढंगले अघि बढिरहे पनि भित्र/भित्रै केही नेताहरु पार्टी एकढिक्का…

राती देशका पहाडी भूभागमा आंशिक बदली रही बाँकी भूभागमा मौसम सामान्यतया सफा रहने महाशाखाले जनाएको छ।