Logo मंसिर ९, २०७७ मंगलबार


भारतीयसेना प्रमुख नरभानेको नेपाल भ्रमणको एकपक्षीय मिति तय

काठमाडौं । भारतीय स्थल सेना प्रमुख मनोज मुकुन्द नरभानेको नेपाल भ्रमणको मिति तय भएको छ ।

नरभाने आगामी नोभेम्बर ४ तारिखमा तीन दिने नेपाल भ्रमणका लागि आउने मिति भारतीय पक्षले तय गरेको हो । नेपाली पक्षसँग कुनै छलफल नै नगरी भारतीय पक्षले नरभानेको नेपाल भ्रमणको मिति तय गरेको नेपाली सेनाको जंगीअड्डा स्रोतले जनाएको छ ।

यसबारेमा आज दुई देशका अधिकारीबीच छलफल हुने पनि बताइएको छ । आजको छलफलबाट भ्रमणको मितिलाई औपचारिक टुंगो लगाउने नेपाली सेना स्रोतको भनाइ छ ।

भारतीय पक्षले तय गरेको मितिलाई नै औपचारिकता दिने बढी सम्भावना रहेको स्रोतले बतायो ।
नेपाल र भारतबीच सीमा विवाद चर्किरहेको बेला भारतीय स्थल सेना प्रमुख नरभानेको भ्रमण हुन लागेको हो । भारतीय सेना प्रमुखको भ्रमणको क्रममा सीमा विवादको विषयमा पनि अनौपचारिक कुराकानी हुने अपेक्षा गरिएको छ ।

नेपाल भ्रमणका क्रममा नेपाली सेनाका तर्फबाट भारतीय सेनाप्रमुख नरभानेलाई मानार्थ सेनापतिको सम्मान दिने कार्यक्रम छ । नेपाल र भारत दुवै देशका सेना प्रमुखलाई एकअर्काको देशमा मानार्थ सेनापतिको सम्मान दिने प्रचलन छ ।

भारतले कालापानी, लिपुलेक र लिम्पियाधुरा लगायतको क्षेत्रलाई मिचेर सडक निर्माण गरेपछि दुई देशबीच चर्किएको सीमा विवाद चर्किएको थियो । त्यहीबीच नरभानेले नेपालले कसैको इसारामा लिपुलेकको मुद्दा उचालेको भन्दै विवादास्पद अभिव्यक्ति दिएका थिए ।

प्रतिक्रिया दिनुहोस्
विशेष

काठमाडौं । सत्तारुढ नेपाल कम्युनिष्ट पार्टी (नेकपा) को गत सचिवालय बैठकमा प्रधानमन्त्री एवं पार्टी अध्यक्ष केपी शर्मा ओलीले राखेको मन्तव्यलाई…

काठमाडौं । कोरोना महामारीका कारण गत वैशाखमा हुन नसकेको कक्षा १२ को परीक्षा आजबाट सुरु भएको छ । देशभरका ४…

चुनावको नतिजा अस्वीकार गर्दै आएका अमेरिकी राष्ट्रपति डोनाल्ड ट्रम्पले अन्ततः राष्ट्रपतिमा निर्वाचित जो बाइडेनका लागि सत्ता सञ्चालनको बाटो खोल्ने भएका…

भारतीय विदेश मन्त्रालयले विदेश सचिवस्तरीय वार्ता उच्च स्तरीय कूटनीतिक भ्रमणको निरन्तरता रहेको जनाएको छ ।

घरपायक परीक्षा केन्द्र र परीक्षाको ३५ दिनअघि नै परीक्षा केन्द्र छनोट गरिसक्नुपर्नेछ ।

हाल देशको पहाडी भूभागमा आंशिक बदली रहेको छ। देशका अन्य भूभागमा मौसम सामान्यता सफा रहेको छ।