Logo मंसिर ११, २०७७ बिहीबार


‘नेपालको सार्वभौमिकताको विरुद्धमा बोलेका नरभानेलाई नेपाली सेनाले मानार्थ पद किन दिने ?’

काठमाडौं । राजनीतिक विश्लेषक श्याम श्रेष्ठले भारतको प्रधान सेनापति मनोजमुकुन्द नरभानेको नेपाल भ्रमण सान्दर्भिक नभएको बताउनुभएको छ ।

नेपालको अतिक्रमित क्षेत्रका बारेमा चीनको उक्साहटमा नेपालले गलत कदम चालेको भन्ने टिप्पणी गरेर नेपालको सार्वभौमिकता र अखण्डताको विरुद्धमा अभिव्यक्ति दिएका व्यक्तिलाई औपचारिक कार्यक्रमका लागि निम्त्याउन नहुने उहाँको टिप्पणी छ ।

नेपालको राष्ट्रिय अखण्डताका बारेमा विवादस्पद अभिव्यक्ति दिएका व्यक्तिलाई नेपाली सेनाका तर्फबाट उच्च मानार्थ पदबाट विभूषित गर्नु असान्दर्भिक हुने उहाँको भनाइ छ ।

‘सीमा विवादका विषयमा वार्ता वा छलफल गर्न पनि उनी उपर्युक्त पात्र नभएको राजनीतिक विश्लेषक श्रेष्ठको जिकिर छ, किनभने नरभाने भारतका सेना प्रमुख मात्र हुन् । उनले पनि माथिको आदेश पालना गर्ने मात्र हुन् । उनी सेनापति मात्र हुन् त्यसैले सेना सम्बन्धी कुरा मात्र उनीसँग हुन सक्छ ।’

नेपाल र भारतीय सेनाबीच विगतदेखि नै समधुर सम्बन्ध रहँदै आएको स्मरण गर्दै श्रेष्ठले बरु नरभानेकै पालामा त्यो सम्बन्धमा आँच आएको दाबी गर्नुभयो ।

एक टेलिभिजनसँगको कुराकानीमा श्रेष्ठले भने–सेनापति नै भए पनि कालापानीबाट भारतीय सेना फिर्ता गर्ने विषयमा उनीसँग कुरा गर्नुको कुनै तुक छैन । यसका लागि भारतीय राजनीतिक नेतृत्वसँगै वार्ता र छलफल हुन पर्छ ।

भारतीय गुप्तचर संस्था रअका प्रमुख सामन्तकुमार गोयलसँग प्रधानमन्त्री केपी शर्मा ओलीले हालै गर्नुभएको भेटवार्ता आपत्तिजनक रहेको उहाँले बताउनुभयो । देशको कार्यकारी प्रमुखले कुनै देशको गुप्तचर संस्थाका प्रमुखसँग औपचारिक भेटवार्ता गर्नु कुटनीतिक मर्यादा विपरित रहेको उहाँको तर्क छ । यसले ओली नेतृत्वको सरकार कुटनीतिक रुपमा निकै कमजोर छ भन्ने पुष्टि हुने उहाँले बताउनुभयो ।

गोयलको नेपाल भ्रमण गलत नै भने नभएको र उनले नेपालको गुप्तचर निकायका प्रमुखसँग भेटवार्ता गर्न सकिने श्रेष्ठको भनाइ छ । तर नेपालको आठ घण्टे बसाइका बीचमा देशको प्रधानमन्त्रीले उनका लागि विशेष समय छुट्याएर सीधा भेटवार्ता गर्नु प्रधानमन्त्री ओलीको अपरिपक्का निर्णय भएको उहाँको ठम्याइ छ ।

यो नेपालको सार्वभौमसत्ता र सार्वभौम समानताका हिसावले पनि आपत्तिजनक रहेको राजनीतिक विश्लेषक श्रेष्ठको भनाइ छ । उहाँले गोयलको भ्रमणले प्रधानमन्त्री ओलीको राष्ट्रवादमै शंका उत्पन्न भएको जिकिर गर्नुभएको छ ।

भारतीय सेनाध्यक्ष जनरल मनोजमुकुन्द नरभाने कात्तिक १९ गते नेपाल आउनुहुने भएको छ । नेपाली सेनाको जनसम्पर्क तथा सूचना निर्देशनालयले मंगलबार एक विज्ञप्ति जारी गर्दै भारतीय सेनाध्यक्ष नरभानेको भ्रमण तालिकाबारे जानकारी दिएको हो ।

४ सदस्यीय भ्रमण दलका साथ नेपाल आउने सेनाध्यक्ष नरभाने ३ दिन नेपाल बस्नुहुनेछ । नेपाली सेना र भारतीय सेनाबीचको परम्परा अनुसार भारतीय सेनाध्यक्ष जनरल नरभानेलाई राष्ट्रपति विद्यादेवी भण्डारीले एक समारोहकाबीच नेपाली सेनाको मानार्थ महारथी दर्जा प्रदान गर्ने कार्यक्रम रहेको छ ।

नरभानेलाई कार्तिक २० गते मानार्थ महारथी दर्जा प्रदान गर्ने कार्यक्रम तय भएको नेपाली सेनाले जनाएको छ ।

प्रतिक्रिया दिनुहोस्
विशेष

पार्टीमा केही राजनीतिक विवाद देखिएपनि समाधान हुने भएकाले अत्तालिन नपर्ने उहाँले बताउनुभयो ।

काेराेना संक्रमणबाट पछिल्लो २४ घण्टामा २३ जनाले ज्यान गुमाएका छन्।

आर्थिक सहकार्यदेखि पूर्वाधार निर्माण लगायतका विषयमा पनि छलफल गरिएको श्रृंगलाले बताउनुभयो ।

प्रतिनिधिसभा सदस्य गगन थापाले नागपोखरी-भगवती बहाल क्षेत्रलाई नारायणहिटी संग्रहालयसँग राखेर विकास गर्नुपर्ने बताउनुभयो ।

पदमार्ग बनेपछि धार्मिक पर्यटकदेखि गाउँका सर्वसाधारणको आउजाउसमेत सहज बन्ने छ ।

चितवन । प्युठानबाट बिरामी बोकेर काठमाडौं जादैँ गरेको पिकअप भ्यान त्रिशुली नदीमा खस्दा बेपत्ता भएका तीनै जनाकाे पहिचान खुलेकाे छ…