Logo मंसिर ११, २०७७ बिहीबार


नेकपा विवाद सचिवालय बैठकबाट टुंगो लगाइने

काठमाडौं । सत्तारूढ नेपाल कम्युनिष्ट पार्टी नेकपाभित्र बढ्दै गएको विवाद सचिवालय बैठकबाट टुंगो लगाइने भएको छ ।

पार्टी अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहालबीचको भेटवार्तामा सचिवालय बैठक बोलाएर हाल देखिएका समस्याका विषयमा छलफल गर्ने निष्कर्ष निकालिएको अध्यक्ष दाहालको सचिवालयले जानकारी दिएको हो ।

छलफलमा मुख्यतयः कर्णालीको विषय, भारतीय ’रअ’ प्रमुख सामन्त गोयलको नेपाल आगमन र प्रधानमन्त्रीसँग भेटवार्ताको विषयमा साथै पर्सा घटना र मन्त्रिपरिषद् विस्तारको विषयमा छलफल भएको जनाइएको छ । सचिवालय बैठकमा विवाद छलफल गर्न दुवै अध्यक्ष सहमत भए पनि सचिवालय बैठक बोलाउने मिति भने तोकिएको छैन ।

करिब २ सातादेखि दुवै अध्यक्षबीच भेटवार्ता समेत नभएको बेला शनिबार दुई अध्यक्षबीच प्रधानमन्त्रीको सरकारी निवास बालुवाटारमा भेटवार्ता भएको  छ ।

प्रतिक्रिया दिनुहोस्
विशेष

पार्टीमा केही राजनीतिक विवाद देखिएपनि समाधान हुने भएकाले अत्तालिन नपर्ने उहाँले बताउनुभयो ।

काेराेना संक्रमणबाट पछिल्लो २४ घण्टामा २३ जनाले ज्यान गुमाएका छन्।

आर्थिक सहकार्यदेखि पूर्वाधार निर्माण लगायतका विषयमा पनि छलफल गरिएको श्रृंगलाले बताउनुभयो ।

प्रतिनिधिसभा सदस्य गगन थापाले नागपोखरी-भगवती बहाल क्षेत्रलाई नारायणहिटी संग्रहालयसँग राखेर विकास गर्नुपर्ने बताउनुभयो ।

पदमार्ग बनेपछि धार्मिक पर्यटकदेखि गाउँका सर्वसाधारणको आउजाउसमेत सहज बन्ने छ ।

चितवन । प्युठानबाट बिरामी बोकेर काठमाडौं जादैँ गरेको पिकअप भ्यान त्रिशुली नदीमा खस्दा बेपत्ता भएका तीनै जनाकाे पहिचान खुलेकाे छ…