Logo बैशाख ३०, २०७८ बिहीबार


कसले बुझ्लान् ह्वाइट हाउसको साँचो ?

काठमाडौं । नोभेम्बर ३ अर्थात आज, अमेरिकाको ४६ औँ राष्ट्रपतिका लागि निर्वाचन हुँदै छ । निर्वाचनमा वर्तमान राष्ट्रपति डोनाल्ड जे. ट्रम्प दोस्रो कार्यकालका लागि र पूर्वउपराष्ट्रपति जोजेफ आर. बाइडेनबीच चुनावी भिडन्त हुँदैछ ।

अमेरिकी राजनीतिका विश्लेषकहरुले यो निर्वाचन राष्ट्रपति ट्रम्पका लागि निर्वाचन भन्दा बढी जनमत संग्रहको रूपमा रहेकाे बताउँदै आएका छन् । रिपब्लिकन पार्टीको पर्यायवाचीजस्तै देखिएका ट्रम्पको आप्रवासी मुद्दामा अनुदार छवि बनेको भए पनि ‘अमेरिका पहिलो’ भन्दै आर्थिक विश्वव्यापीकरणभन्दा फरक धारको वकालत गरेकाले  उनको लोकप्रियता अनुदारवादी (कन्जर्भेटिभ्स्) अमेरिकी नागरिकमाझ उस्तै छ ।

विश्लेषकहरुले राष्ट्रपति निर्वाचनलाई पछिल्लो शताब्दीकै सबैभन्दा महत्वपूर्ण निर्वाचनको रूपमा विश्लेषण गरिरहेका छन । उनिहरुका अनुसार निर्वाचनमा कम शिक्षित, पाका तथा ग्रामीण अमेरिकी मतदाताको ठूलो हिस्सा फेरि पनि राष्ट्रपति ट्रम्पकै पक्षमा देखिन्छ भने युवा, शिक्षित, तथा सहरी अमेरिकी जनता बाइडेनको पक्षमा छन ।

अमेरिकी जनताले ट्रम्पलाई पुनः राष्ट्रपतिमा निर्वाचित गर्ने अथवा ह्वाइट हाउसको साँचो बाइडेनलाई सुम्पिने छिनोफानो आजकाे मतदानबाट गर्दैछन । राष्ट्रपतिमा ट्रम्प र बाइडेनमध्ये जसले बाजी मारेपनि अमेरिकाको राष्ट्रिय र अन्तर्राष्ट्रिय नीति विद्यमान नीतिभन्दा निकै फरक हुने दुवैका चुनावी नाराहरुले प्रष्ट पारिसकेका छन ।

९ करोड ३५ लाखले गरे अग्रिम मतदान

निर्वाचनका लागि तोकिएको मतदान दिवस नोभेम्बर ३ अघि नै अर्थात  नोभेम्बर २ (हिजो) सम्म ९ करोड ३५ लाख मतदाताले अग्रिम मतदान गरिसकेका छन् ।

‘युएस टुडे’ का अनुसार अग्रिम मतदानको ४८ दशमलव ३ प्रतिशत डेमोक्र्याटिक, ४१ दशमलव ५ प्रतिशत रिपब्लिकन र १० दशमलव २ प्रतिशत मत स्वतन्त्रको पक्षमा खसेका छन् ।

सर्वेक्षण अनुसार रिपब्लिकन मतदाताले निर्वाचनकै दिनमा मतदान गर्ने बताएका थिए । तर डेमोक्र्याटिकहरूले  भने अग्रिम मतदानमा रुचि देखाएका थिए । यसैले नोभेम्बर ३ का दिन रिपब्लिकनको पक्षमा बढी मत खस्ने अनुमान गरिएको छ । यसैकारण राष्ट्रपति उम्मेद्वार बाइडेनले ह्वाइट हाउसको साँचो बुझ्छन वा ट्रम्पले नै बाजी मार्छन भन्नेबारे सहजै आँकलन गर्न विश्लेषकहरुलाई नै हम्मे/हम्मे परेको देखिन्छ ।

प्रतिक्रिया दिनुहोस्
विशेष

ठाकुरका सहयोगी सतेन्द्र मिश्रका अनुसार बुधबार दिउँसो केहीबेर पूर्वसमाजवादीको पार्टी कार्यालय बबरमहलमा जसपाका संघीय परिषद्का अध्यक्ष डा। बाबुराम भट्टराई र…

जपाको पूर्ण समर्थन नभएको अवस्थामा एमालेका माधवकुमार नेपाल समूहका सांसदहरुले सामूहिक राजीनामा दिए मात्रै कांग्रेसले नयाँ सरकार निर्माणमा सफलता प्राप्त…

हाल देशभर आँशिकदेखि सामान्य बदली रहेको महाशाखाको भनाइ छ।

प्रेममा प्रशन्नता बढ्नेछ । धनको सहयोग मिल्नेछ । पैसाको जोहो हुुनेछ ।

संघले बुधवार विज्ञप्ति जारी गरी नेपालको स्वास्थ्य गम्भीर अवस्थामा पुगेको भन्दै रेड अर्लट घोषणा गरेको हो ।

कार्यालयले कोभिड–१९ सँग मिल्दोजुल्दो लक्षण भएका बिरामीलाई परीक्षण गराई रोगको निदानका लागि समुचित औषधि प्रयोग गर्न गराउनसमेत आग्रह गरेको छ…