Logo बैशाख ५, २०७८ आइतबार


फिल्म बनाउने पैसा जुटाउन बाख्रा चोर्ने दाजुभाइ पक्राउ

एजेन्सी । फिल्म बनाउन पैसा नपुगेपछि बाख्रा चोर्ने दुई दाजुभाइ पक्राउ परेका छन् । बाबुले बनाएको फिल्ममा छोराको मुख्य भुमिकामा अभिनय थियो । तर पैसाको अभावले सुटिङ रोकिएपछि उनीहरु बाख्रा चोरी गर्दै बेचेर पैसा जुटाउनमा लागि परेका बुझिएको छ ।

३० वर्षका भी निरन्जन कुमार र उनका दाजु ३२ वर्षका लेनिन कुमारले तमिलनाडुको वाशरमेनपेट क्षेत्रमा विगत ३ वर्षदेखि बाख्रा चोरिरहेका टाइम्स अफ इण्डियाको रिपोर्टले देखाएको छ ।

उनीहरुले बाख्रा बेचेर आएको पैसा जम्मा गरेर फिल्म बनाउन लगानी गर्ने सोच बनाएका थिए । तर, गत शनिबार उनीहरु पक्राउ परेका हुन् ।
दैनिक रुपमा दाजुभाइले १० वटासम्म बाख्रा चोरी गर्दै प्रतिगोटा ८ हजारमा बेच्थे र त्यो पैसा फिल्म बनाउनका लागि जुटाएका थिए । तर पक्राउ परेसँगै त्यो क्रम रोकिएको छ ।

सुरुमा दैनिक २ वटा मात्र बाख्रा चोरी गरेपनि उजुरी नपरेपछि उनीहरु नियमित रुपमा चोरीमा लागि परे । मान्छे नभएको मौका छोपेर बाख्रा चरिरहेको ठाउँबाटै उनीहरु कारमा बाख्रा हालेर हिन्ने गर्थे ।

गएको अक्टोबर ९ मा मधावरम क्षेत्रका पलानी नामका व्यक्तिको एउटा बाख्रा हराएसँगै उनले प्रहरीमा उजुरी दिए । पलानीको उजुरीपछि बाख्रा हराएको क्षेत्रको सीसीटिभी जाँचमा पुलिसले बाख्रा चोरी भएको देख्यो तर कारको नम्बर प्रस्ट बुझिएन । अनुसन्धानको क्रममा पुलिसले त्यस क्षेत्रमा अरुको पनि एउटा वा २ वटा बाख्रा हराएको तर उनीहरुले उजुरी नगरेको पत्ता लागेको थियो ।

शनिबार प्रहरीले बाख्रा चोरी गर्दै गर्दा ती दाजुभाइलाई पक्राउ गरेको हो । पिता विजय शंकरले ‘नी थान राजा’ नामको फिल्म बनाउँदै थिए र फिल्मको मुख्य भूमिकामा दाजुभाइ थिए । फिल्म बनाउने पैसा सकिएपछि यी दाजुभाइले फिल्म बनाउन पैसा जुटाउन बाख्रा चोरी गर्न थालेका प्रहरीले बताएको छ ।

प्रतिक्रिया दिनुहोस्
विशेष

काठमाडौं । वर्तमान सरकारमा सहभागि हुने या नयाँ गठबन्धन निर्माण गरी अघि बढ्ने भन्ने दोधारमा रहेको जनता समाजवादी पार्टी (जसपा)…

हाल देशको पहाडी भूभागमा आंशिकदेखि सामान्य बदली रही बाँकी भूभागमा आंशिक बदलीको अबस्था रहेको महाशाखाको भनाइ छ।

बोली वचनले साथ दिनेछ। आफन्त भेटघाट हुनेछ। धनको कारोबार बढ्नेछ।

नेकपा एमालेका अध्यक्ष केपी शर्मा ओलीको गृह जिल्ला झापामा एमालेकै वरिष्ठ नेताद्वय झलनाथ खनाल र माधव नेपालसमूहले पार्टी पुनर्गठन गरेको…

३ वटा सुरुङहरु निर्माण गर्नुपर्ने भएकाले नेपालको सन्दर्भमा नयाँ काम चुनौतिपूर्ण छ ।

तनहूँ जिल्लाको नाम तनहूँसुरबाट अप्रभंश भएर रहेको भन्ने किंवदन्ती छ ।