Logo मंसिर २०, २०७७ शनिबार


यसरी गर्नुहोस् विधिपूर्वक लक्ष्मीपूजा (मन्त्रसहित)

काठमाडौं । तिहारको महत्वपूर्ण दिन लक्ष्मीपूजामा साँझ घरघरमा समृद्धिकी देवी लक्ष्मीको पूजा गर्ने चलन छ । हरेक पूजाको आफ्नै विशिष्ट शास्त्रीय विधि रहेका छन् । विधिपूर्वक गरिएका पूजा मात्र पूर्ण मानिन्छ । त्यसैले आउनुहोस् जानीराखौं लक्ष्मीको शास्त्रीय विधि अनुसार कसरी पूजा गरिन्छ ?

लक्ष्मीपूजाको शास्त्रीय विधि यस प्रकार छन् :

–सबैभन्दा पहिले पूजाका लागि छुट्याइएको स्थानमा सेतो कपडा ओछ्याएर त्यसमाथि लक्ष्मी,सरस्वती र गणेशको प्रतिमा विराजमान गर्नुहोस् ।

–पूजाको जलपत्राबाट अलि अलि जल लिएर प्रतिमामाथि तल उल्लेखित मन्त्र पढ्दै छर्कनुहोस् । आफूलाई र पूजाको आसनमा पनि यसैगरि जल छर्केर पवित्र पार्नुहोस् ।

मन्त्र
ॐ अपवित्रः पवित्रो वा सर्वावस्थां गतोपि वा।
यः स्मरेत् पुण्डरीकाक्षं सः वाह्याभंतरः शुचिः।।

–अब पृथ्वी मातालाई प्रणाम गर्नुहोस् र तल दिइएको मन्त्र भन्नुहोस् । पृथ्वी मातासँग क्षमा प्रार्थना गरेर आसनमा बस्नुहोस् ।

मन्त्र

पृथ्विति मंत्रस्य मेरुपृष्ठः ग ऋषिः सुतलं छन्दः कूर्मोदेवता आसने विनियोगः।।
ॐ पृथ्वी त्वया धृता लोका देवि त्वं विष्णुना धृता।
त्वं च धारय मां देवि पवित्रं कुरु चासनम्।।
पृथिव्यै नमः आधारशक्तये नमः।।

–अब ॐ केशवाय नमः, ॐ नारायणाय नमः, ॐ माधवाय नमः मन्त्र जप्दै गंगाजललाई आचमन गर्नुहोस् ।
ध्यान र संकल्प विधि

–यी सबै प्रक्रिया सम्पन्न भएपछि मनलाई शान्त पार्नुहोस् र आँखा बन्द गर्नुहोस् ।

–देवी लक्ष्मीलाई मनमनै प्रणाम गर्नुहोस् ।

–यसपछि कातमा जल लिएर मनमनै पूजाको संकल्प गर्नुहोस् ।

–संकल्पका लागि हातमा अक्षता (चामल), फूल र जल लिनुहोस् । साथमा एक वा दुई रुपैयाँको सिक्का पनि लिनुहोस् ।

यी सबैकुरा हातमा लिएर संकल्प गर्नुहोस् कि म अमुक व्यक्ति अमुक स्थान वा समयमा माता लक्ष्मी, सरस्वती र गणेशको पूजा गर्न जाँदैछु । यसबाट मलाई शास्त्रोक्त फल प्राप्ति होस् ।

–यसपछि सबैभन्दा पहिले भगवान गणेश र गौरीको पूजा गर्नुहोस् ।

–फेरि कलशको पूजा गर्नुहोस् ।

–फेरि नवग्रहको पूजा गर्नुहोस् ।

–हातमा अक्षता र फूल लिनुहोस् ।

–नवग्रह स्तोत्र उच्चारण गर्नुहोस् ।

–यसपछि भगवती षोडश मातृकाहरुको पूजा गर्नुहोस् ।

–यी सबैको पूजापछि मातृकाहरुलाई धुप,अक्षता र फूल चढाएर पूजा गर्नुहोस् ।

–मौली डोरीलाई गणेश,माता लक्ष्मी र सरस्वतीलाई अर्पण गरेर आफ्नो हातमा बाँध्नुहोस् ।

–अब सबै देवी देवताहरुलाई टीका लगाइदिएर आफू पनि टीका ग्रहण गर्नुहोस् ।

यसपछि माता महालक्ष्मीको पूजा आरम्भ गर्नुहोस् : 

–श्रीसूक्त, लक्ष्मीसूक्त वा कनकधारा स्रोतको पाठ गर्नुहोस् ।

–सबैभन्दा पहिले भगवान गणेश, लक्ष्मीको पूजा गर्नुहोस् ।

–देवी लक्ष्मीको प्रतिमाको अगाडि ७,११ अथवा २१ वटा दियो बाल्नुहोस् ।

–माता लक्ष्मीलाई श्रृंगार सामग्री अर्पण गर्नुहोस् ।

–मातालाई भोग चढाएर आरती गर्नुहोस् ।

–अन्तमा माता लक्ष्मीसँग जान–अञ्जानमा भएका सबै गल्तीहरुप्रति क्षमा माग्दै प्रार्थना गर्नुहोस् ।

प्रतिक्रिया दिनुहोस्
विशेष

प्रदेश नं १, बागमती प्रदेश र गण्डकी प्रदेशका पहाडी भूभागका एक दुई स्थानमा हल्का वर्षाको सम्भावना छ ।

पैसाको अभाव रहनेछ । स्वास्थ्यमा परेशानी बढ्नेछ । सानो यात्राको तय हुनेछ

महको नाममा धेरैले अत्यधिक चिनी सेवन गरिरहेको प्रतिवेदनको निष्कर्ष रहेको छ ।

उच्चस्तरीय राष्ट्रिय शिक्षा आयोगको प्रतिवेदन आज आयोगका अधिकांश सदस्यहरुले सार्वजनिक गरेका छन् ।

समितिले पनि प्रतिवेदन बुझाइ सकेपछि उनीहरुले ब्रोकर कमिसन घटाउने निर्णय तत्काल गर्न माग गरेका छन् ।

प्रस्तावहरुको छलफलमा सहभागी नबनेर त्यसबाट उम्केर समस्याको हल हुँदैन ।