Logo बैशाख १, २०७८ बुधबार


‘काेराेना सतर्कता अपनाउँदै सामान्य क्रियाकलापमा फर्कनुपर्छ’

काठमाडौं । उद्योग, वाणिज्य तथा आपूर्ति मन्त्री लेखराज भट्टले कोरोना भाइरस (कोभिड १९)बाट उच्च सतर्कता अपनाउँदै दैनिक क्रियाकलापलाई सहज बनाउँदै लैजानुपर्ने बताउनुभएको छ । सतुंगल डोजोले तीनथानामा आयोजना गरेको कार्यक्रममा बोल्दै भट्टले राज्यका हरेक क्षेत्रमा कोरोनाको प्रभाव भएपनि बिस्तारै सामान्य जीवन तर्फ उन्मुख हुनुपर्ने बताउनु भएको हो ।

मन्त्री भट्टले कोरोनाको जोखिमलाई ध्यानमा राख्दै विभिन्न क्षेत्रलाई चलायमान बनाउँदै लैजानुपर्ने बताउनुभएको छ । भट्टले राज्यका हरेक क्षेत्रमा कोरोनाको प्रभाव भएपनि बिस्तारै सामान्य जीवन तर्फ उन्मुख हुनुपर्ने बताउनुभयाे ।

कुनै पनि मुलुकको विकासका निम्ति त्यहाँका नागरिक स्वस्थ हुनुपर्ने बताउँदै भट्टले मानिसलाई स्वस्थ बनाउन खेलकुदको महत्वपूर्ण भूमिका रहेको समेत दाबी गर्नुभयो । खेलकुदका क्षेत्रमा राज्यले गर्नुपर्ने भूमिकामा केही समस्या भएपनि आगामी दिनमा यसलाई परिष्कृत गर्दै लैजानुपर्ने मन्त्री भट्टको भनाइ छ । मुलुक संघीयतामा गइसकेपछि विभिन्न विकासका योजनाहरु अगाडि बढेको मन्त्री भट्टको दाबी छ ।

सतुंगल डोजोका मुख्य प्रशिक्षक सागर शाहीले खेलाडीको हीतका लागि राज्य अभिभावक बन्नसक्नुपर्ने बताउनुभयो । आफूले नेपालमा कराँतेको विकासका लागि धेरै कार्यक्रम गरिरहेको बताउँदै शाहीले त्यसमा राज्यको उपस्थिति कम रहेको गुनासो गर्नुभयो ।

कार्यक्रममा डाेजाेले विभिन्न क्षेत्रमा क्रियाशील व्यक्तिहरूलाई सम्मान गरेकाे छ । खेलकुद क्षेत्रबाट तेक्वान्दो खेलाडी दीपक विष्ट, आयुशा शाक्य सम्मानित भएका छन् । शिक्षा, स्वास्थ्य, सुरक्षा, कलाकारितालगायतका क्षेत्रबाट विशिष्ठ व्यक्तिहरू सम्मानित भएका छन् । कार्यक्रममा जनता टेलिभिजनका जिल्ला संयोजक एवम् प्रस्तोता खेमबहादुर बम पनि सम्मानित हुनुभएको छ ।

 

प्रतिक्रिया दिनुहोस्
विशेष

काठमाडौं । विभाजनको संघारमा रहेको नेकपा (एमाले) का दुवै समूह पृथक ढंगले अघि बढिरहे पनि भित्र/भित्रै केही नेताहरु पार्टी एकढिक्का…

राती देशका पहाडी भूभागमा आंशिक बदली रही बाँकी भूभागमा मौसम सामान्यतया सफा रहने महाशाखाले जनाएको छ।

सन्तानबाट धनको सुख पाइनेछ। व्यापारमा लाभ हुनेछ। परिश्रमको फल मिल्नेछ।

कम लागतमा धेरै फाइदा लिन सकिने हुँदा माहुरी पालन पेशा फाईदाजनक भएको खत्रीकाे भनाइ छ ।

जतिसुकै नयाँ बीमा योजना ल्याएपनि यी समस्यालाई समाधान नगरेसम्म बीमा बजारको विस्तार हुन नसक्ने उहाँकाे भनाइ थियाे ।

कोरोना सङ्क्रमण पुष्टि भएसँगै कोभिड सघन उपचार कक्षमा उपचाररत उनको आज बिहान मृत्यु भएको स्वास्थ्य कार्यालय चितवनका प्रमुख दीपक तिवारीले…