Logo माघ ११, २०७७ आइतबार


दोश्रो कार्यकालका लागि विधानसभामा ह्यारीको उम्मेदवारी

अमेरिकाको मेरील्याण्ड राज्यको निर्वाचन क्षेत्र संख्या ८ बाट विधानसभा सदस्यमा बिजयी भएका ह्यारी भण्डारीले दोश्रो कार्यकालको लागि उम्मेदवारी दिनुहुने भएकाे छ ।  महामारीको कारण परोक्ष रुपमा आयोजना भएको उहाँकाे उम्मेदवारी घोषणा तथा कोष वृद्धि कार्यक्रममा एकै पटक २६ हजार डलर सहयाेगसमेत संकलन भएको छ ।

विधानसभा सदस्य भण्डारीले प्रत्यक्ष प्रसारण कार्यक्रममार्फत आफूले उम्मेदवारी दिने जानकारी दिनुभएकाे हाे । जुम कार्यक्रममा विभिन्न व्यक्तिले उनलाई सहयोग गर्ने घोषणा गर्दा कूल २६ हजार डलर संकलन भएको जनाइएको छ ।

त्यहाँ स्थित व्यवसायी ध्रुव वन्तका अनुसार जुम कार्यक्रममा सहभागि दर्जनौ विभिन्न पेशामा संलग्न व्यक्तिहरुले मन्तव्य राखेका थिए । सबैले पुन: एक पटक भण्डारीलाई जिताउनु पर्ने भन्दै आवश्यक सहयोगको वचन दिएका छन् । आर्थिक सहयोगको साथै पूर्ण सहयोग रहने उनीहरुको प्रतिबद्धता छ ।

विधानसभामा नेपाली समुदायका जन प्रतिनिधि हुँदा नेपाली समुदायलाई सहयोग पुग्ने विश्वास लिइएको छ । उनले यस अघि गरेको सहयोगको मुक्त कण्ठले प्रशंसा गर्दै दोश्रो पटक जिताउन लाग्नु पर्ने भन्दै उपस्थित सबैले प्रतिबद्धता जाहेर गरेका छन् ।

भण्डारीले आफूले नेपाली समुदायलाई पनि सक्दो सहयोग गरेको र आफूले गरेका कामका बारेमा संक्षेपमा प्रकाश पर्दै पुन: एक पटक सहयोग माग गर्नुभएकाे हाे । भण्डारी अमेरिका आएका नेपाली समुदायको इतिहासमा सबैभन्दा पहिले मूलधारको राजनीतिमा राज्य बिधान सभा सदस्यको रुपमा खाता खोल्ने व्यक्ति हुनुहुन्छ । उहाँ मुलुक बाहिर मूलधारको राजनीतिमा प्रवेश पाउने र सभासद बन्ने सम्भवत पहिला नेपाली मूलका व्यक्ति पनि हुनुहुन्छ ।

नेपालको पर्वत जिल्लाबाट सन् २००५ मा उहाँ अमेरिका आउनुभएकाे हाे  । भण्डारी नेपालमा अंग्रेजी भाषा पढाउनु हुन्थ्याे । अमेरिकामा पनि उहाँ प्राध्यापन पेशामा नै संलग्न रहँदै आउनुभएकाे छ । -एजेन्सी

 

प्रतिक्रिया दिनुहोस्
विशेष

हृदयेन्द्र १८ वर्ष पुगिसकेको र भारतीय राजपरिवारसँग पनि सम्बन्ध रहेको कारण उनी नेपालमा राजतन्त्र पुनर्स्थापनाका लागि उपयुक्त पात्र हुने एस…

पुस ५ गते भएको प्रतिनिधि सभा विघटनको सूचना राजपत्रमा प्रकाशित नभएको र संवैधानिक इजलासले यसबारेका प्रश्न गरेपछि माघ ५ गते…

रोल्पा। नेपाल कम्युनिष्ट पार्टी (नेकपा) स्थायी कमिटी सदस्य वर्षमान पुनले राष्ट्रपति विद्यादेवी भण्डारीलाई प्रधानमन्त्री केपी ओलीले मुलुक र जनताविरुद्ध गरेका…

काठमाडौं । शनिवार जनतासमाचार डट्कम मा बागमती सफाइ अभियानको आठ वर्ष, फोहोर उस्तै (फोटोफिचर), प्रधानमन्त्री ओलीलाई साधारण सदस्य समेत नरहने…

हाल उल्लेखनीय मौसमी प्रणाली नभएको जल तथा मौसम पूर्वानुमान महाशाखाले बताएको छ ।

धेरै बाेल्दा काम बिग्रिनेछ । । सरकारी झमेला मिल्नेछ । काममा अपजस मिल्नेछ ।