Logo बैशाख ३, २०७८ शुक्रबार


मलेसियन कम्पनीको डरलाग्दो भिडियो, नेपाली कामदार काम गर्दा गर्दै ढल्छन् र छट्पटाउछन् (भिडियोसहित)

काठमाडौं । मलेसियाको एक कम्पनीमा कार्यरत नेपाली र बंगलादेशी कामदारको चरम शोषणको समाचार सार्वजनिक भएको छ ।

बेलायती अखबार मिररले आफ्नो वेबसाइटमार्फत सार्वजनिक गरेको समाचारसँगैको भिडियोमा क्षमताभन्दा बढी काम गराइएका कामदारहरु काम गर्दागर्दै भुइँमा ढलेर माछाजस्तै छट्पटाउदै गरेको देखिन्छ ।

मेडिकल सुरक्षाको सामान उत्पादन गर्ने मलेसियाको उक्त कम्पनीमा काम गर्ने कामदारहरु यसरी ढल्नुको कारण उनीहरुलाई जबरजस्ती क्षमताभन्दा बढी काम लगाइनु रहेको समाचारमा उल्लेख छ । उक्त भिडियो मलेसियामा त्यही कारखानामा काम गर्ने सहकर्मी कामदारले नै खिचेको बताएको छ । पञ्जा, पीपीइ जस्ता सामग्रीहरु उत्पादन गर्ने मलेसियाको टप ग्लोभ कम्पनीमा कामदारलाई जबरजस्ती काममा लगाइने गरेको समाचारमा उल्लेख छ । अहिले कोरोनाभाइरस महामारी अत्याधिक भएकोले यी सामग्रीको माग उच्च भएकोले मागअनुसारको आपूर्ति गर्न कम्पनीले कामदारलाई क्षमताभन्दा बढी काममा लगाउने गरेको द मिररले जनाएको छ ।

उक्त कारखानामा काम गर्ने ३० भन्दा धेरै कामदारलाई फोहर कोठामा कोचेर राखिनुका साथै उनीहरुको चरम श्रम शोषण भइरहेको रिपोर्टमा उल्लेख छ । मलेसियाको यो कम्पनीमा श्रमिकको अधिकारको उल्लंघन भएको कुरा उठेपछि अमेरिकाले यो कम्पनीका पञ्जामाथि प्रतिबन्ध लगाइसकेको छ । तर, बेलायतको नेशनल हेल्थ सर्भिस अन्तर्गतका अस्पतालमा भने यिनै पञ्जाहरु आपूर्ति गर्ने गरेको रिपोर्टमा जनाइएको छ ।

कम्पनीमा कार्यरत धेरै कामदारहरु फ्लू र ज्वरोबाट ग्रसित भइरहेका छन् । उनीहरुमा मिर्गीजस्तो दौरा पर्ने र बेहोस हुने क्रम समेत बढेको एक कामदारलाई उधृत गर्दै द मिररले लेखेको छ । तर कामदारहरुको अवस्थाप्रति कम्पनीले भने कुनै चासो नदिएको ती कामदारले बताए ।
टप ग्लोभमा कार्यरत कामदारहरुले हप्तामा ६ दिनसम्म दिनमा घण्टाको १ पाउण्ड मात्रै पारिश्रमिक लिएर काम गर्ने गरेको पनि उनले बताए ।

टप ग्लोभले एक वर्षमा करिब ७४ अर्बको संख्यामा मेडिकल र औद्योगिक पञ्जाहरु बनाउदै आएको छ । यो पञ्जाको विश्वव्यापी बजारको करिब १ चौथाइ हो ।

प्रतिक्रिया दिनुहोस्
विशेष

दाङ । लुम्बिनी प्रदेश सरकार परिवर्तनका लागि विपक्षी दलहरु अविश्वास प्रस्ताव लयाउने कसरतमा जुटेका छन् । मुख्यमन्त्री शंकर पोखरेललाई नेतृत्वबाट…

काठमाडौं । बिहीबार जनतासमाचार डट्कम मा काठमाडौं उपत्यकामा ठूलो हुरीबतास, चार वस्तुको आयातमा लगाइएको कोटा प्रणाली स्थगन, ‘ओलीको पद तृष्णाका…

देश १ र सुदूरपश्चिम प्रदेशका थोरै स्थानहरुमा र बाँकी पहाडी भूभागका एक दुई स्थानमा मेघगर्जन रचट्टयाङ्गसहित हल्का वर्षाको सम्भावना रहेको…

राजनीतिमा लाभ मिल्नेछ। कामको सम्मान हुनेछ। ठुलाबडाले साथ दिनेछन्।

पर्यटकीय क्षेत्रहरुको प्रचार प्रसारका लागि नेपालमा विदेशी फिल्म निर्माण गर्न दिने नीति निर्माण गर्नुपर्ने रेग्मीले बताउनुभयो ।

राष्ट्रिय परिचयपत्र वितरण कार्यलाई छिट्टै सम्पन्न गरी वायोमेट्रिक प्रणाली औठाछापको माध्यमबाट बेवारिसे शवको पहिचान गरी संख्या शुन्यमा पुर्याउन समितिले निर्देशन…