Logo माघ १५, २०७७ बिहीबार


चलचित्र क्षेत्रलाई सञ्चालन गर्न सरकारसँग अनुमति माग

काठमाडौं । चलचित्र निर्माता संघले चलचित्र क्षेत्रलाई सञ्चालन गर्ने अनुमति दिन सरकारसँग माग गरेको छ । कोरोना रोकथाम तथा नियन्त्रणका लागि लकडाउन भएपछि बन्द रहेका अधिकांश क्षेत्र अहिले खुलेपनि चलचित्र क्षेत्र भने खुल्न सकेको छैन् ।

कोरोना रोकथाम तथा नियन्त्रणका लागि गत चैतमा लकडाउन भएपछि बन्द रहेका अधिकांश क्षेत्र खुलेपनि चलचित्र क्षेत्र भने अझै खुल्न सकेको छैन । जसका कारण चलचित्र छायांकन समेत प्रभावित भएको छ । चलचित्र क्षेत्र बन्द रहँदा हजारौंको संख्यामा रहेका कलाकारहरुको जीविकोपार्जनमा समस्या भएको भन्दै चलचित्र निर्माता संघले चलचित्र क्षेत्र सञ्चालन गर्ने व्यवस्था मिलाउन सरकारसँग आग्रह गरेको हो ।

संघका अध्यक्ष आकाश अधिकारीले सरकारले बजेटमार्फत चलचित्र क्षेत्रलाई समेटन नसकेपनि नेपाल राष्ट्र बैंकको मौद्रिक नीतिमार्फत समेटेको तर अहिलेसम्म कुनैपनि फाइदा लिन नसकेको बताउनुभयो । सरकारले चलचित्र क्षेत्रलाई सञ्चालन गर्न दिए स्वास्थ्य मापदण्ड पूरा गरी सञ्चालन गर्न आफूहरु तयार रहेको संघले जनाएको छ ।

अध्यक्ष अधिकारीले चलचित्र क्षेत्रले मनोरञ्जन मात्रै नभएर कला, संस्कृति, भेषभूषा र पर्यटनलाई समेत समेटेको भन्दै तत्काल खोल्न माग गर्नुभएको हो । चलचित्रलाई पर्यटन र कृषि क्षेत्रसँग जोड्न अध्यक्ष अधिकारीले उद्योग वाणिज्य महासंघको ५४ औं आशन्न साधारणसभामा वस्तुगत तर्फबाट केन्द्रीय सदस्यमा उम्मेदवारी समेत दिनुभएको छ । सो पदमा रहेर चलचित्र क्षेत्रको नीति नियम, ऐन कानून निर्माणमा सरकारलाई सहयोग गर्ने उहाँको लक्ष्य छ ।

आफ्नो देशलाई विश्वसामू चिनाउन चलचित्र एउटा सशक्त माध्यम हो । अन्य क्षेत्रलाई सहज बनाएको सरकारले चलचित्र क्षेत्रलाई पनि आवश्यक स्वास्थ्य मापदण्ड तोकेर सञ्चालनको अनुमति दिनु आवश्यक देखिन्छ ।

प्रतिक्रिया दिनुहोस्
विशेष

पौष शुक्ल चतुर्दशीका दिन हातगोडाको नङ काटी स्नान गरी शुद्ध बस्त्र पहिरिएर यसको सुरुवात हुन्छ ।

हाल उल्लेखनीय मौसमी प्रणाली नभएको जल तथा मौसम पूर्वानुमान महाशाखाले बताएको छ ।

धर्म कर्म परोपकारमा समय जानेछ । । फाइदा अरुले पाउनेछन् । पूरानो काम सुचारु हुनेछ ।

अधिवक्ता धनजीत बस्नेतले पूर्वप्रधान्यायाधीशहरु मीनबहादुर रायमाझी, अनुपराज शर्मा, कल्याण श्रेष्ठ र सुशीला कार्कीविरुद्ध अवहेलना मुद्दा दायर गर्नुभएको छ ।

धनगढीमा १७ गते आयोजना हुने विशाल जनप्रदर्शनको लागि नेकपा सुदूरपश्चिम प्रदेश कमिटीले तयारी तीव्र पारेको छ ।

मूल्यसूची नराखेका र दर्ता कागजात नभएका व्यावसायिक फर्मलाई कारबाही गरिएको हो ।