Logo माघ ४, २०७७ आइतबार


म्यानपावर सञ्चालकले दिए प्रधानमन्त्रीसम्म पहुँचको धम्की

काठमाडौं । म्यानपावर व्यवसायीहरुले गर्ने असुली धन्दा नयाँ भने होइन । पछिल्लो समय विभिन्न म्यानपावर कम्पनीहरुले वैदेशिक रोजगारीको लागि ती देशहरुबाट कुनै कामदारको माग नै नभएपनि उनीहरुले कामदार माग भएको भन्दै सयौँ ब्यक्तिहरुसँग राहदानी संकलन गर्दै पैसा समेत असुली गरिरहेका छन् । विश्वभर फैलिएको कोरोना भाइरसका कारण तत्कालीन समयमा नेपालबाट कामदार लैजान सम्बन्धित देशले नै रोक लगाएका थिए । तर अहिले बिस्तारै माग आउन थालेपछि म्यानपावर कम्पनीको धन्दापनि चल्न चालेको छ ।

कोरोनाले विश्वव्यापी महामारी सिर्जना गरेसँगै नेपाल सरकारले पनि गत फागुनको अन्त्यदेखि वैदेशिक रोजगारीमा जान श्रम स्वीकृति रोकेको थियो । पछिल्लो समय नेपाल सरकारले गत भदौ १५ गतेबाट मात्रै नयाँ तथा पुराना श्रम स्वीकृति खुला गरेको थियो । रोजगार खुला भएका गन्तव्य मुलुकमा सम्झौता र मागका आधारमा नयाँ श्रम स्वीकृति खुला भएपनि रोजगारदाता मुलुकबाट कामदारको डिमाण्ड अर्थात मागपत्र नै नआइ म्यानपावर कम्पनीहरुले विभिन्न व्यक्तिसँग पासपोर्ट र रकम समेत असुली गरेको पाइएपछि वैदेशिक रोजगार विभागले त्यस्ता म्यानपावरहरुमा छापा मारेको छ ।

कतार प्रहरीमा डिमाण्ड आएको भन्दै केही म्यानपावरले रकम असुली गरेको सूचना आएपछि मंगलबार वैदेशिक रोजगार विभाग, प्रहरी र सञ्चारकर्मीहरु सहितको संयुक्त टोलीले केही म्यानपावर कम्पनीहरुमा छापा मारेको हो । मंगलबार काठमाडौं महानगरपालिका वडा ८ मा पर्ने गौरीघाटमा रहेको डिडी ह्युमन रिसोर्स म्यानपावरमा छापा मारेको थियो । अनुगमनको टोली पुग्दा उक्त म्यानपावरले कतार प्रहरीमा लानको लागि भन्दै धेरैको पासपोर्ट संकलन गरेको, केहीलाई तालिम समेत दिन थालेको समेत पाइएको थियो । डिडी ह्यूमन रिसोर्स म्यानपावरमा सोमबार पनि विभागले छापा मारेको थियो । मंगलबार पुग्दा भने केहीलाई बोलाएर संकलन गरेका व्यक्तिहरुको पासपोर्ट फिर्ता समेत गर्न थालेको भेटिएको थियो ।

मंगलबार विभागको टोली पुनः डिडी म्यानपावरमा पुग्दा त्यहाँ उसले पासपोर्ट दिँदै गरेको पनि भेटियो । पहिले कतार प्रहरीमा माग भएको जानकारी आएकाले पासपोर्ट बुझाएको तर अहिले म्यानपावर कम्पीले फिर्ता लिन बोलाएको कारण आफू म्यानपावर कम्पनीमा आएको उनको भनाइ छ ।
जतिबेला विभागको टोली डिडी म्यानपावरमा पुगेको थियो, त्यतिबेला त्यहाँ मानिसहरुको चहलपहल बाक्लै थियो । म्यानपावरको कागज अध्ययन गर्दा के सम्म भेटियो भने, एक वर्ष अगाडि नै आएको डिमाण्ड देखाएर उनीहरुले अहिले तालिम दिइरहेका छन् । तर विभागको टोलीसँगै पुगेको जनता टेलिभिजनले उक्त दृश्य आफ्नो क्यामेरामा कैद गर्न खोज्दा म्यानपावर सञ्चालकले क्यामेरा बन्द गर्न धम्की दिए ।

म्यानपावरको दादागिरी त्यतिमै सीमित रहेन । विभागबाट अनुगमनका लागि गएको टोलीले मुचुल्का उठाउन लाग्दा समेत सञ्चालकले अभद्र व्यवहार गरे । सञ्चालकले विभागले टोलीलाई मुचुल्का उठाउनसमेत दिएनन्, बरु प्रधानमन्त्री कार्यालयसम्म पुग्ने हैसियत भएको मान्छे भन्दै धम्काउन खोजे ।

म्यानपावरका सञ्चालकले आफूले गलत काम नगरेको तर विभागले पटक–पटक दुख दिएर व्यवसाय चलाउन समेत नदिएको आरोपसमेत लगाउन भ्याए । सम्बन्धित श्रम गन्तव्य मुलुकसँगको सम्झौता र मागका आधारमा म्यानपावर कम्पनीहरुले वैदेशिक रोजगारीको लागि कामदार पठाउन पाइने कानुनी व्यवस्था त । तर सरकारले तोकेको न्युनतम रकम अर्थात् १० हजार रुपैयाँ मात्रै लिएर कामदार पठाउनुपर्छ । तर उक्त म्यानपावरले सम्बन्धित देशबाट डिमाण्ड नै नआएको खण्डमा पनि डिमाण्ड आएको, राम्रो सेवा सुविधा रहेको, मनग्य कमाइ हुने भन्दै युवाहरुबाट प्रतिव्यक्ति १० लाख रुपैयाँसम्म लिने गरेको विभागको दाबी छ ।

 

प्रतिक्रिया दिनुहोस्
विशेष

भेलामा नेकपा अध्यक्ष पुष्पकमल दाहाल, वरिष्ठ नेता झलनाथ खनाल, स्थायी कमिटी सदस्य भीम रावल लगायतका नेताहरूको सहभागिता छ।

‘बहुमतको निर्णय पार्टी निर्णय हुने भए पनि उहाँले बहुमतको निर्णय मान्दिनँ भन्नुभयो । बैठकमै आए पनि बीचमै छोडेर हिड्ने गर्नुभयो…

सरकारले घोषणा गरेको मध्यावधि निर्वाचनका बारेमा छलफल गर्न सबै दलका दुई दुई जना प्रतिनिधि पठाइदिन आयोगले सबै दलमा पत्राचार गरेको…

युवा संघको तेस्रो पूर्ण बैठक बुद्धनगरको क्वालिटी ब्यांकेटमा शुरु भएको हो ।

छोराहरुलाई पनि पढाइबाहेकका समयमा घरमा व्यस्त राख्न सके गलत सङ्गत तथा कुलतमा लाग्नबाट जोगाउन सकिने बताउछन् समाजशास्त्री शिवचरण चौधरी ।

नेपाली कांग्रेसका वरिष्ठ नेता रामचन्द्र पौडेलले लोकतन्त्रको संरक्षणका लागि सबै एक हुनुपर्ने बताउनुभएको छ ।