Logo माघ १५, २०७७ बिहीबार


जाडोसँगै बढेको चिसोमा असाध्यै गुणकारी अमला

काठमाडौं । मौसम चिसो हुँदैछ । मौसम बदलिएसँगै हामीले हाम्रो खानपानमा पनि बदलाव ल्याउन आवश्यक छ ।

जाडो मौसममा तपाईले खानेकुरामा अमला नछुटाउनुहोला । किनभने अमला जाडो मौसमका लागि सुपरफुड नै हो भन्दा फरक पर्दैन । अमलाको नियमित सेवनले मौसम परिवर्तनका कारण हुने स्वास्थ्य समस्याहरुबाट हामीलाई छुटकारा प्राप्त हुने पोषणविहरु बताउछन् । जाडो महिनामा विशेष गरी रुघा,खोकी,ज्वरो जस्ता स्वास्थ्य समस्याहरु सामान्य मानिन्छ । यसका साथै अमलाको सेवनले कपाल झर्ने,त्वचाको सुख्खापन आदिबाट समेत राहत पाउन सकिन्छ । यी स्वास्थ्य समस्याहरुबाट बच्न दिनमा एक दाना अमलाको सेवन पर्याप्त हुन्छ ।

जाडो मौसममा संक्रमण र सुख्खापनले बढी सताउछ । यसको उपचार हो अमला । अमलामा भरपुर मात्रामा भिटामिन सी,आइरन र क्याल्सियम तत्व पाइन्छ । त्यसो त अमलालाई जुस,अचार वा तितौरा बनाएर पनि सेवन गर्न सकिन्छ । तर काँचो अमला सेवन सबैभन्दा फाइदाजनक मानिन्छ ।

१ मौसमी संक्रमणबाट बचाउछ

अमलामा भिटामीन सी र ए, पोलीफेनाल, अल्कलाइड र फ्लेवोनोइडका साथै केम्पफेरोलको शक्तिशाली मिश्रण पाइन्छ । इन्टरनेशनल जर्नल अफ फार्मासेक्टिक्समा प्रकाशित एक अध्ययन अनुसार, अमलामा शक्तिशाली एन्टीबैक्टीरियल र एन्टी–इन्फ्लेमेटरी गुण पाइन्छ । यसले हामीलाई मौसमी संक्रमणबाट बचाउछ ।

आयुर्वेदमा अमलााके जुसको सेवन शरीरमा श्वेत रक्त कोशिका बढ़ाउनका लागि उपयोग गरिन्छ । जुन प्रतिरक्षा प्रणालीको मुख्य आधार मानिन्छ । श्वेतरक्त कोशिकाले रगतमा रहेका विषाक्त पदार्थलाई आक्रमण गरि निर्मल गर्ने काम गर्दछ ।

२ हृदय रोगबाट बचाउछ

जाडोको समय मुटु रोगीहरुका लागि मुस्किलको समय मानिन्छ । अमलााको नियमित सेवनले मुटुका मांसपेशिहरु बलियो बनाउने काम गर्दछ । यसले गर्दा पूरा शरीरमा प्रभावशाली ढंगले रक्त प्रवाह हुन्छ ।

३ मधुमेह नियन्त्रण गर्दछ

जाडोमा शरीरको गतिविधि कम हुन्छ । यसले गर्दा मधुमेह रोगीहरुको शरीरमा चिनीको मात्रा बढ्दछ । अमलामा क्रोमियम तत्व हुन्छ । यसले मधुमेहका रोगीहरुका लागि अत्यन्त फाइदाजनक हुन्छ ।

४ कपाल झर्न रोक्छ

अमला कपालका लागि त कुनै हेयर टनिक भन्दा कम छैन । किनभने कपालका लागि अमला प्राकृतिक पोषण नै हो । त्यसैले कपा झर्ने समस्या छ भने अमलाको सेवन र यसको तेल प्रयोग अवश्य गर्नुपर्छ । अमलाले कपालको जरालाई बलियो बनाउनका साथै बाक्लो समेत बनाइदिन्छ ।

५ छालाको सुख्खापन हटाउछ

अमलामा निहीत एटीअक्सीडेन्टले शरीरमा फ्रीरेडिकल्सलाई कम गर्दछ । फ्रीरेडिकल्सका कारण हाम्रो छाला फुट्नुको साथै सुख्खापन देखिन्छ । यस्तो अवस्थामा अमला प्रभावकारी मानिन्छ । अमलाको नियमित सेवनले छालालाई मुलायम र चम्किलो बनाउने मात्र होइन आँखाको ज्योति समेत बढाइदिन्छ ।

प्रतिक्रिया दिनुहोस्
विशेष

पौष शुक्ल चतुर्दशीका दिन हातगोडाको नङ काटी स्नान गरी शुद्ध बस्त्र पहिरिएर यसको सुरुवात हुन्छ ।

हाल उल्लेखनीय मौसमी प्रणाली नभएको जल तथा मौसम पूर्वानुमान महाशाखाले बताएको छ ।

धर्म कर्म परोपकारमा समय जानेछ । । फाइदा अरुले पाउनेछन् । पूरानो काम सुचारु हुनेछ ।

अधिवक्ता धनजीत बस्नेतले पूर्वप्रधान्यायाधीशहरु मीनबहादुर रायमाझी, अनुपराज शर्मा, कल्याण श्रेष्ठ र सुशीला कार्कीविरुद्ध अवहेलना मुद्दा दायर गर्नुभएको छ ।

धनगढीमा १७ गते आयोजना हुने विशाल जनप्रदर्शनको लागि नेकपा सुदूरपश्चिम प्रदेश कमिटीले तयारी तीव्र पारेको छ ।

मूल्यसूची नराखेका र दर्ता कागजात नभएका व्यावसायिक फर्मलाई कारबाही गरिएको हो ।