Logo बैशाख १, २०७८ बुधबार


‘आज ओलीका कुरा सुन्छौं’

काठमाडौं । सत्तारुढ नेपाल कम्युनिष्ट पार्टी (नेकपा) का वरिष्ठ नेता झलनाथ खनालले आजको सचिवालय बैठकमा अरु नेताहरुले प्रधानमन्त्री एवं पार्टी अध्यक्ष केपी शर्मा ओलीका कुरा सुन्ने बताउनु भएको छ । दिउँसो प्रधानमन्त्री निवास बालुवाटारमा बस्ने बैठकमा प्रधानमन्त्रीको प्रस्तुत गर्ने विषय सुन्ने मात्रै काम हुने उहाँले जानकारी दिनुभयो ।

प्रधानमन्त्रीले पार्टी अध्यक्षका रुपमा बैठकमा राख्ने विषय आगामी स्थायी कमिटी बैठकको छलफलको विषय बन्ने खनालको भनाइ छ । अध्यक्षद्वयको तर्फबाट बैठकमा प्रस्तुत भएका प्रस्तावलाई स्थायी कमिटी र केन्द्रिय कमिटीको बैठकबाट विधिवत टुंगो लगाइने पनि उहाँले उल्लेख गर्नुभयो ।

सचिवालय बैठकमा प्रचण्डले संगीन आरोप लगाउँदै १९ पृष्ठ लामो राजनीतिक प्रस्ताव प्रेस गर्नु भएपछि आक्रामक बन्नुभएका प्रधानमन्त्री ओलीले आजको बैठकमा प्रस्तुत गर्ने प्रस्तावलाई निकै महत्वपूर्ण मानिएको छ । बैठकमा ओली आक्रामक रुपमा प्रस्तुत भए के हुन्छ भन्ने प्रश्नमा वरिष्ठ नेता खनालको भनाई छ, ‘केही पनि हुन्न, उहाँलाई आफ्ना कुरा राख्नकै लागि सचिवालयले समय दिएको हो । आफ्ना कुरा राख्नुहुन्छ, उहाँका प्रस्तावहरुलार्ई पनि लगेर स्थायी कमिटीमा छलफल हुने त हो नि ?’

आन्तरिक संघर्ष चरम उत्कर्षमा पुगिरहेको बेला नेकपा विभाजन हुन सक्ने अनुमान भइरहेको छ नि ? भन्ने जिज्ञासामा खनालले भन्नुभयो, ‘त्यो त ओलीमा नै भर पर्छ, मुख्य नेतृत्वको रुपमा उहाँको पहलकदमी सकारात्मक हुँदा परिस्थिति सहज हुन्छ, नकारात्मक हुँदा बिग्रिन्छ ।’ एक अर्को प्रश्नमा खनालले ओली समूहले आरोप पत्र भनिरहेको र प्रचण्डले प्रस्तुत गरेको राजनीतिक दस्तावेज फिर्ता हुनै नसक्ने पनि प्रष्ट पार्नुभयो ।

प्रतिक्रिया दिनुहोस्
विशेष

काठमाडौं । विभाजनको संघारमा रहेको नेकपा (एमाले) का दुवै समूह पृथक ढंगले अघि बढिरहे पनि भित्र/भित्रै केही नेताहरु पार्टी एकढिक्का…

राती देशका पहाडी भूभागमा आंशिक बदली रही बाँकी भूभागमा मौसम सामान्यतया सफा रहने महाशाखाले जनाएको छ।

सन्तानबाट धनको सुख पाइनेछ। व्यापारमा लाभ हुनेछ। परिश्रमको फल मिल्नेछ।

कम लागतमा धेरै फाइदा लिन सकिने हुँदा माहुरी पालन पेशा फाईदाजनक भएको खत्रीकाे भनाइ छ ।

जतिसुकै नयाँ बीमा योजना ल्याएपनि यी समस्यालाई समाधान नगरेसम्म बीमा बजारको विस्तार हुन नसक्ने उहाँकाे भनाइ थियाे ।

कोरोना सङ्क्रमण पुष्टि भएसँगै कोभिड सघन उपचार कक्षमा उपचाररत उनको आज बिहान मृत्यु भएको स्वास्थ्य कार्यालय चितवनका प्रमुख दीपक तिवारीले…