Logo फाल्गुन १४, २०७७ शुक्रबार


भारतमा काेराेना खाेप लगाएका ५२ जनाकाे स्वास्थ्यमा समस्या, एककाे अवस्था गम्भीर

काठमाडौं । काेराेनाविरूद्धकाे खाेप लगाएका ५२ जना भारतीयकाे स्वास्थ्यमा समस्या देखिएकाे छ । शनिवारबाट शुरू गरिएकाे काेराेनाविरूद्धकाे खाेप लगाएका ५२ जनाकाे स्वास्थ्यमा समस्या देखिएकाे हाे । समस्या देखिएका मध्ये एक जनाकाे अवस्था गम्भीर रहेकाे भारतीय समाचार माध्यमहरूले जनाएका छन् ।

पहिलो दिन स्वास्थ्यकर्मी र सफाइकर्मीलाई कोरोना खोप दिइएको थियो । दुईजना स्वास्थ्यकर्मीलाई कोरोना खोप लगाएको केही घण्टामै एलर्जीको समस्या देखिएको बताइएकाे छ । राजधानी नयाँ दिल्लीका ११ जिल्लाका ८ हजार ११७ जनालाई पहिलो दिन खोप लगाइएको थियो । तीमध्ये ४ हजार ३ सय १९ जना कर्मचारी थिए । तिनै कर्मचारी मध्ये ५२ जनालाई खोपको साइडइफेक्ट देखिएको हाे ।

पश्चिम बंगाल, तेलंगना, राजस्थानलगायतमा पनि कोरोना खोप लगाएपछि साइडइफेक्ट देखिएको जनाईएको छ । भारतीय स्वास्थ्य विभागका अनुसार पश्चिम बंगालमा करिब १५ हजार ७ सय ७ स्वास्थ्यकर्मीलाई खोप दिइएको थियो । तीमध्ये एक जनाको अवस्था गम्भीर देखिएकाे बताइएकाे छ । उनलाई उपचार गर्न एक मेडिकल कलेजमा भर्ना गरिएको र उनको अवस्था स्थिर रहेको भारतीय मिडियाहरुले उल्लेख गरेका छन् ।

भारतको ड्रग कन्ट्रोलर जनरल अफ इन्डिया (डीसीजीआई) ले कोरोनाका दुई खोपलाई आपतकालीन प्रयोगको अनुमति दिएको छ – कोभिसिल्ड र कोभ्याक्सिन । अक्सफोर्ड युनिभर्सिटीले एस्ट्राजेनेकासँग मिलेर विकास गरेको कोरोना खोपको भारतीय संस्करण कोभिसिल्ड हो । यो खोप भारतमा सेरम इन्स्टिच्युट अफ इन्डियाले उत्पादन गरिरहेको छ । कोभ्याक्सिन भारत बायोटेकले विकास गरेको कोरोना खोप हो ।

प्रतिक्रिया दिनुहोस्
विशेष

हाल देशका पहाडी भूभागमा आंशिक बदली रही अन्य भूभागहरूमा मौसम सामान्यतया सफा रहेको महाशाखाले जारी गरेको विज्ञप्तिमा जनाइएको छ ।

व्यक्तिगत काममा अलमल हुनेछ । साथीभाइसित रमाइलो यात्रा हुनेछ । पारिवारिक काम बन्नेछ ।

पूर्व उपप्रधानमन्त्री तथा जनता समाजवादी पार्टीका अध्यक्ष उपेन्द्र यादवले संविधान निर्माणमा समान रुपले सम्बोधन नभएको बताउनुभएको छ ।

पर्यटकीय सम्पदा वस्ती वुङमतीलाई साइकल रुट बनाउने, वुङमतीको काष्ठकला र हस्तकलालाई विश्वव्यापीरुपमा चिनाउन र सम्पदा बस्ती संरक्षणमा स्थानीय सरकारसँगै परियोजना…

अन्तराष्ट्रिय क्षेत्रमा नेपालीहरुको पहिचान निर्माण गर्ने उल्लेखनीय काम गरेको भन्दै वरिष्ठ छातीरोग विशेषज्ञ डा. गौरी शंकर लाल दासलाई प्रदान गरिएको…

उहाँहरुकै कार्यकुशलताका कारण प्रहरीले सो घटनाको अनुसन्धानमा सफलता पाएको डिआइजी सुवेदीले बताउनुभयो ।