Logo फाल्गुन २१, २०७७ शुक्रबार


करोडौंका पक्की पुल अलपत्र, ठेकेदार सम्पर्कविहीन

भगीरथ भण्डारी
इलाम । इलाममा करोडौँका पुल अलपत्र अवस्थामा रहेका छन् । २०६८ सालमा ठेक्का लागेका पक्की पुल नौ वर्ष बितिसक्दा पनि सम्पन्न नभई अलपत्र बनेका हुन् । अलपत्र रहेका पुलका ठेकेदार यतिबेला डिभिजन सडक कार्यालयको सम्पर्कविहीन रहेको पाईएको छ ।

राजदुवाली–चिसापानी–दानाबारी–शनिश्चरे सडक खण्डमा पर्ने बुढी सुखानीको पक्की पुल निर्माण कार्य बर्षौंदेखि अलपत्र परेको छ । आर्थिक वर्ष २०६८/६९ मा स्काई, अजम्बर, शिवराम जेभीले साझेदारीमा उक्त पुलको निर्माण कार्य ठेक्का लिएको डिभिजन सडक कार्यालय इलामले जानकारी दिएको छ । जम्मा भ्याटसहित एक करोड ६२ लाख १२ हजार चार सय ६० रुपैयाँमा ठेक्का सम्झौता गरेकोे थियो । पुल निर्माण गर्ने जिम्मा लिएका कम्पनीका प्रतिनिधिको डिभिजन सडक कार्यालयलाई उपलब्ध गराएको नम्बरमा सम्पर्क गर्दा नम्बरनै बन्द गराएको टेलिकमको सन्देश आउँछ ।

९० प्रतिशत काम सकिएको भनिएको सो पुलको पुलसम्म पुग्ने सडक र रेलिङ्गको काम बाँकी छ । बेलामा काम नगरेपछि निर्माण कम्पनीलाई हर्जना गराउन सडक डिभिजन कार्यालयले २०७३ देखिनै बैंकलाई पत्रचार गरिरहेको छ । तर, बैंकले ठेकेदारको बैंक ग्यारेन्टीबाट हर्जना समेत भुक्तानी गर्न आनाकानी गरिरहेका छन् । शुरुमा बैंक ग्यारेन्टी रहेको राष्ट्रिय वाणिज्य बैंक र अर्को बैंक ग्यारेन्टी जारी गर्ने नेपाल बंगलादेश बैंकलाई पटक पटक पत्राचार गर्दासमेत हर्जना समेत गराउन नसकेको डिभिजन सडक कार्यालयका प्रमुख अविमनदास मुल्मीले बताए । ९० प्रतिशत काम पुरा भएको भनिएको पुलको पुलसम्म पुग्ने बाटो र नदी नियन्त्रणको काम बाँकी रहेको मुल्मीको भनाइ छ ।

इलाम नगरपालिका ५ को बरबोटे र माईजोगमाई ५ को सोयाङ जोड्ने माईखोलाको दुधाङमा पक्की पुल बनाउन २०७०/०७१ मानै सडक डिभिजन कार्यालयले ६ करोड १६ लाख ९२ हजार एकसय ७२ रुपैयाँमा ठेक्का लगाएको हो । सदरमुकामबाट माईजोगमाई गाउँपालिकाको केन्द्र जोड्ने पुल पाँच वर्षअघिनै पुरा भएर सञ्चालनमा आउनुपर्ने हो । तर ठेकेदारको ढिलासुस्तीका कारण अझै पुल पुरा हुन केही वर्ष कुर्नुपर्ने अवस्था छ । सदरमुकामदेखि माईजोगमाईको केन्द्र नयाँबजारसम्म पुग्ने यो मोटरबाटो कालोपत्रे नभए पनि यसअघि आरआरआर एसडीपी नामक सरकारी परियोजना र उन्नति समावेशी बृद्धि कार्यक्रममार्फत एक अर्ब रुपैयाँभन्दा बढी खर्च भएर ग्राभेल भइसकेको छ । उक्त बाटोमा पर्खाल, नाली, कल्भर्ट जस्ता संरचना पनि बनिसकेका छन् । बीचमा रहेको खोलामा पुल नहुँदा यो बाटोमा वर्षाद्का चार महिनाभन्दा बढी गाडी कुद्दैनन् ।

बेलामा पुलको काम नसकिएपछि ठेकेदार कम्पनी नेशनल नीलगिरी जेभीलाई डिभिजन सडक कार्यालयले हर्जना समेत गरिसकेको छ । कार्यालयले कम्पनीलाई ३० लाख एक हजार पाँच सय ३१ रुपैयाँ हर्जना गरिएको मुल्मीले बताए । हर्जना तिराएपछि ठेकेदार काम गर्न तयार भएका छन् । ‘हामी वेट एण्ड सिको अवस्थामा छौ, अब पनि राम्ररी काम भएन भने ठेक्का तोड्ने प्रक्रियामा जान्छौ’,डिभिजन प्रमुख मुल्मीले भने,‘यो अन्तिम मौका हो ।’ बेलामा काम नगरेका ठेकेदारले अहिले भने कोरोना र लकडाउनका कारण काम गर्न नसकेकेको बाहानाबाजी गर्ने गरेका छन् ।

पूल निर्माणको ठेक्का लाग्नु भन्दा दुई वर्ष पछि शुरु भएको सात मेघावाटको सुपरमाई जलविद्युत आयोजना निर्माण थालेको १६ महिनामै पूरा भएर विद्युत उत्पादन भइरहेको छ । त्यसैको क्यासकेट (सहायक) आयोजना २०७६ को भदौदेखि निर्माण थालिएको तीन मेघावाटका आयोजना २०७७ असारमा निर्माण पुरा भएर उत्पादन शुरु भयो । सुपरमाई हाइड्रो कम्पनी लिमिटेडको लगानी रहेको हाइड्रो प्रोजेक्ट निर्धारित समयभन्दा अघिनै सम्पन्न भएर विद्युत उत्पादन गरिरहदा हाइड्रो प्रोजेक्टको नजिकै रहेको दुई स्ल्याबको दुधाङ पुलको अवस्था भने अलपत्र छ । हाइड्रो प्रोजेक्ट भन्दा चारवर्ष अघि निर्माण शुरु भएको पुलको अहिलेसम्म एउटामात्र स्ल्याब पुरा भएको छ । नीजि लगानीमा दुई/दुईवटा विद्युत योजना सम्पन्न हुँदा सरकारी लगानीमा बनाउन थालिएको पुलको अहिलेसम्म एउटा मात्रै स्ल्याब हालिएको छ ।

त्यस्तै, रातोखोलामा निर्माण भइरहेको सानोमाई २ पुल पनि चारवर्षदेखि अलपत्र छ । शिवाको बस्नेत निर्माण कम्पनीले निर्माणको जिम्मा पाएको ३५ मिटरको एक स्ल्याबको पुलको आधा पनि काम भएको छैन । पुलको फाउण्डेशन र सव स्टक्चरको काम मात्रै भएको डिभिजन सडक कार्यालयले जानकारी दिएको छ । चार करोड ६९ लाख ५१ हजार एक सय ४२ रुपैयाँमा निर्माण गर्ने भनिएको पुलको दुई करोड ८४ लाख ५१ हजार रुपैयाँ भुक्तानी भइसकेको छ । चार वर्षदेखि अलपत्र रहेको पुल निर्माण गर्ने कम्पनीलाई कार्वाहीको चेतावनी पछि बल्ला काम शुरु भएको छ । रातेखोलामा निर्माण थालिएको सानोमाई १ पनि तीन वर्षमा सकिएको छैन । सरकारले कोरोना माहामारीका कारण ६ महिना म्याद थप गरेपछि आउँदो मंसिरसम्म पुल निर्माण गरिसक्नुपर्ने थियो । तर, पुल निर्माणका लागि कार्यालयले यस अघिनै दुई पटक म्याद थप गरिसकेको छ ।

प्रतिक्रिया दिनुहोस्
विशेष

ध्यानाकर्षण पत्रमा पार्टीको आधिकारिकता विवाद शीघ्र छिनोफानो गर्न आग्रह गरिएको छ ।

‘नेकपा अहिले संक्रमणको अवस्थामा छ, देशभरका नेता तथा कार्यकर्ताहरुको चाहनाबमोजिम पार्टी एकताका लागि अघि बढ्नुको विकल्प छैन ।’

फागुन २३ गते बस्ने प्रतिनिधि सभा बैठकमा कसरी प्रस्तुत हुने भन्ने सम्बन्धमा रणनीति बनाउनका लागि संसदीय दलको बैठक बोलाइएको हो।

उहाँले आगलागी पीडितहरूको पुनःस्थापना र सहुलियतपूर्ण कर्जा उपलब्ध गराउन पहल गर्ने बताउनुभयो ।

संसदीय दलको कार्यालय सिंहदरबारमा आज (शुक्रवार) बसेको संसदीय दलको बैठकले उहाँलाई नेतामा सर्वसम्मत रुपमा चयन गरेको हो ।

हस्ताक्षर कार्यक्रममा उपप्रधान एंव रक्षामन्त्री ईश्वर पोखरेल लगायत सरकारका मन्त्रीहरुको उपस्थिति थियो ।