Logo फाल्गुन २१, २०७७ शुक्रबार


उखु किसानको २२ करोड बक्यौता अझै उठेन

काठमाडौं । सोमबार जनतासमाचार डट्कम मा प्रचण्ड–नेपाल समूह उपत्यकाकेन्द्रित विरोध प्रदर्शनमा केन्द्रित, पेट्रोल, डिजेल र मट्टितेलको मूल्य दुई रुपैयाँ बढ्यो, पूर्व मुख्यसचिव लाेकदर्शन रेग्मी बेलायतका राजदूत नियुक्त, संवैधानिक इजलासमा अधिवक्ताले पुरानो प्रसंग कोट्याएपछि प्रधानन्यायाधीशको प्रतिप्रश्न र ‘पहिला संविधान जोगाउने अनि चुनावमा जाने: वरिष्ठ नेता पौडेल’ लगायतका शीर्षकमा समाचार तथा विचाहरुले मुख्य स्थान पाए ।

मंगलबार राजधानीबाट प्रकाशित पत्रपत्रिकाले विभिन्न फरक–फरक विषयका समाचारलाई महत्वका साथ छापेका छन् । पत्रिकाहरूले कोरोनाको नयाँ ‘भेरियन्ट’ तीन जनामा संक्रमण, एक लाख म्यादि प्रहरीकाे भर्ना खोलिँदै, शान्ति स्थिरता र विकासका लागि ताजा जनादेश अनिवार्य र एक वकिलबाट तीन घण्टा लामो बहसले सुनुवाइ लम्बिने संकेत लगायतका समाचारहरु प्राथमिकताका साथ छापिएको छन् ।

नयाँ पत्रिका दैनिक ले ‘कोभिडले थप १२ लाख नेपाली गरिबीको रेखामुनि’ शीर्षकको समाचार मुख्य पृष्ठमा छापेको छ । समाचारमा देशका ६८ लाख जनता पोषिलो खाना, स्वच्छ खानेपानी, आवास, शिक्षा, सरसफाइ र स्वास्थ्यका लागि खर्च गर्न नसक्ने अवस्थामा रहेको उल्लेख छ ।पोषिलो खाना, स्वच्छ खानेपानी, आवास, शिक्षा, स्वास्थ्य र सरसफाइजस्ता आधारभूत आवश्यकता पनि पूरा गर्न नसक्ने जनताको अवस्थालाई निरपेक्ष गरिबी भनिन्छ । विश्वव्यापी मान्यताअनुसार दैनिक १ दशमलव ९० अमेरिकी डलर (दुई सय २२ रुपैयाँ अर्थात् महिनामा ६ हजार ६ सय रुपैयाँ) भन्दा पनि कम आयस्तर हुने जनता यो समूहमा पर्ने समाचारमा उल्लेख छ ।

त्यसैगरी ‘सम्झौता अवधि सकियो, तर उखु किसानको २२ करोड बक्यौता उठेन’ शीर्षकको अर्को समाचार पनि महत्वका साथ छापिएको छ । समाचारमा सरकार र उखु किसानबीच भएको सम्झौताअनुसार सोमबारसम्म ६६ करोड बक्यौता उठ्नुपर्ने, तर ४३ करोड ९७ लाख मात्रै उठेको उल्लेख छ । उद्योग वाणिज्य तथा आपूर्ति मन्त्रालय चिनी उद्योगीसँगको रायपछि २१ दिनभित्र उखु किसानको बक्यौता असुली गरिदिने समझदारी कार्यान्वयन गर्न चुकेको छ । मन्त्रालय र उखु किसानबीच भएको सम्झौताअनुसार सोमबारसम्म ६६ करोड रुपैयाँ बक्यौता उठ्नुपर्ने हो । तर, साँझसम्म करिब ४४ करोड रुपैयाँ मात्रै बक्यौता उठेको समाचारमा लेखिएकाे छ ।

त्यसैगरी पत्रिकाले प्रचण्ड–नेपालको संयुक्त अपिल: अदालतलाई दबाब र धम्कीबाट मुक्त गर्न संघर्ष अनिवार्य, कम्युनिस्ट नेताले निर्वाचन गराएका छैनन् , जुम्लामा लोडसेडिङ र पेट्रोल, डिजेल र मट्टीतेलको मूल्य प्रतिलिटर २ रुपैयाँ बढ्यो लगायत शीर्षकका समाचार तथा विचारहरु महत्वका साथ छापेको छ ।

कान्तिपुर दैनिक ले भने प्रतिनिधिसभा विघटन बहस : ‘प्रधानमन्त्रीलाई विघटनको विशेषाधिकार थिएन’ शीर्षकको समाचार मुख्य पृष्ठमा छापेको छ । समाचारमा प्रतिनिधिसभा विघटनको मुद्दामा सुनुवाइ गरिरहेको सर्वोच्च अदालतको संवैधानिक इजलासमा संविधान निर्माणका क्रममा संविधानसभामा भएको छलफल र त्यसपछि तयार भएको अवधारणापत्रले प्रवेश पाएको छ । अधिवक्ता दीनमणि पोखरेलले सोमबार करिब तीन घण्टा लामो बहसका क्रममा त्यतिबेलाको अवधारणापत्रको सारांश इजलासमा प्रस्तुत गरेका समाचारमा छापिएको छ ।

सरकारको मुखपत्र मानिने गोरखापत्र दैनिक ले विद्युतीय तार भूमिगत कार्य थप विस्तार शीर्षकको समाचार महत्वका साथ छापेको छ । समाचारमा काठमाडौँमा विद्युतीय तार भूमिगत गर्ने कार्य विस्तार गरिएको उल्लेख छ । तेस्रो चरणमा तार भूमिगत गर्ने कार्यका लागि नेपाल विद्युत् प्राधिकरणले ठेक्का सम्झौता गरेपछि अझ विस्तार हुने समाचारमा जनाइएकाे छ । पत्रिकाले ताजा जनादेश अनिवार्य, तीनवटा मिलले दिए ४७ करोड भुक्तानी, १८ करोड अझै बाँकी, निगमको रक्सौल डिपो बन्द, दुई लाख ३८ हजारले डाउनलोड गरे ‘नागरिक एप’ र समय व्यवस्थापन गर्न आग्रह लगायत समाचार तथा विचारहरु पनि महत्वका साथ छापेको छ ।

आजको नागरिक दैनिक ले ले कोरोना खाेपसँग जोडिएको कूटनीतिक उल्झन शीर्षकको समाचारलाई मुख्य पृष्ठमा छापेको छ । समाचारमा आगामी दिनमा राजनीतिक नेतृत्वले खोप खरिद गर्दा प्रमाणमा आधारित भएर सुझबुझपूर्ण तवरले निर्णय लिन आवश्यक रहेकाे लेखिएकाे छ । त्यसो हुन नसके, जनस्वास्थ्य मात्र हौइन, नेपालको कूटनीतिक असफलता देखिने पनि समाचारमा उल्लेख छ । पत्रिकाले तानातानमा कार्यकर्ता, नेपालमा तीन जनामा नयाँ प्रजातिको कोरोना, समयलाई पनि ख्याल गरौं, गम्भीरतापूर्वक निर्वाचन तयारीमा लाग्नुस् : राष्ट्रपति र कांग्रेस बैठक एक सातापछि लगायतका समाचार  महत्वका साथ छापlएका छन् ।

प्रतिक्रिया दिनुहोस्
विशेष

ध्यानाकर्षण पत्रमा पार्टीको आधिकारिकता विवाद शीघ्र छिनोफानो गर्न आग्रह गरिएको छ ।

‘नेकपा अहिले संक्रमणको अवस्थामा छ, देशभरका नेता तथा कार्यकर्ताहरुको चाहनाबमोजिम पार्टी एकताका लागि अघि बढ्नुको विकल्प छैन ।’

फागुन २३ गते बस्ने प्रतिनिधि सभा बैठकमा कसरी प्रस्तुत हुने भन्ने सम्बन्धमा रणनीति बनाउनका लागि संसदीय दलको बैठक बोलाइएको हो।

उहाँले आगलागी पीडितहरूको पुनःस्थापना र सहुलियतपूर्ण कर्जा उपलब्ध गराउन पहल गर्ने बताउनुभयो ।

संसदीय दलको कार्यालय सिंहदरबारमा आज (शुक्रवार) बसेको संसदीय दलको बैठकले उहाँलाई नेतामा सर्वसम्मत रुपमा चयन गरेको हो ।

हस्ताक्षर कार्यक्रममा उपप्रधान एंव रक्षामन्त्री ईश्वर पोखरेल लगायत सरकारका मन्त्रीहरुको उपस्थिति थियो ।