Logo फाल्गुन १८, २०७७ मंगलबार


नेकपा शक्ति प्रदर्शनमा ओलीको ‘सफ्ट’ आलोचना : कसले के भने ?

काठमाडौं । नेपाल कम्युनिष्ट पार्टी (नेकपा) का पुष्पकमल दाहाल र माधवकुमार नेपाल समूहले प्रतिनिधि सभा विघटनविरुद्ध वृहत शक्ति प्रदर्शन गरेको छ । राजधानीमा भएको शक्ति प्रदर्शनमा सम्बोधन गर्ने अधिकाशं नेताले केपी ओलीको आलोचनामा समय खर्चिएका छन् । तर यस अघिका अन्य कार्यक्रमकाे तुलनामा नेताहरू केही नरम भएकाे देखिएकाे छ ।

प्रदर्शनपछि सभालाई सम्बोधन गर्दै नेकपाका वरिष्ठ नेता झलनाथ खनालले केपी ओलीले घुँडा नटेकेसम्म जनताले सडक नछोड्ने चेतावनी दिनुभयाे । उहाँले प्रधानमन्त्री ओलीले प्रतिनिधि सभा विघटन गरेर प्रतिगामी भएको भन्दै ओली नसच्चिएसम्म निरन्तर संघर्ष गरिरहेने बताउनुभयो । नेता खनालले सर्वोच्च अदालत र निर्वाचन आयोग दुवै हुकुमी शासनबाट आएको नभएर जनताले बनाएको संविधानद्वारा निर्मित भएकोले संसद पुन:स्थापना हुने र आधिकारिक नेकपा आफूहरुकै हुने बताउनुभयो ।

त्यसैगरी, नेकपालका अध्यक्ष माधवकुमार नेपालले ओलीलाई भष्माशुरको संज्ञा दिँदै नझुक्ने बताउनुभयो। अध्यक्ष नेपालले केपी ओलीको वास्तविक नाम खड्ग भएको बताउँदै ओलीले संविधान र लोकतन्त्रमाथि खड्गनै प्रहार गरेको आरोप लगाउनुभयो । नेपालले पार्टीमा बराबरीको हैसियत दिइएको अध्यक्ष प्रचण्डलाई ओलीले कहिल्यै अध्यक्ष मान्न तयार नभएको बताउनुभयो । ओलीले दोस्रो अध्यक्षलाई उपाध्यक्षसरह व्यवहार गरेको नेपालको भनाइ छ । ओलीकै कारण देशको राजनीति आजको अवस्थामा आइपुगेको नेपालको भनाइ छ । करिब २२ मिनेट बोल्नुभएका नेपालले अधिकांश समय ओलीको आलोचनामा नै खर्च गर्नुभयो ।

त्यसैगरी, नेकपाका अर्का अध्यक्ष पुष्पकमल दाहालले ओलीले संविधानलाई कोमामा पुर्याएर मान्छे हँसाउँदै हिँडेको बताउनुभयो। प्रधानमन्त्री पदका लागि जे पनि सहमति गर्ने तर कार्यान्वयन नगर्ने ओलीको प्रवृत्ति रहेको दाहालको भनाइ छ । अध्यक्ष दाहालले ओलीलाई आफूहरुले तह लगाउन नसकेको र यसमा आफूहरुको पनि कमजोरी रहेको बताउनुभयो ।

प्रतिक्रिया दिनुहोस्
विशेष

नरेश न्यौपाने/टिप्पणी काठमाडौं । हुन त राजनीतिलाई विचित्रको खेल त्यसै कहाँ भनिएको हो र ? बेला बेला राजनीतिकर्मीहरुले गर्ने व्यक्तिगत…

हाल प्रदेश १ मा आंशिकदेखि सामान्य बदली रही अन्य पहाडी भूभागहरुमा आंशिक बदली रहेको महाशाखाको भनाइ छ।

खानपिनमा खर्च हुनेछ। पूरानो धन जम्मा हुनेछ। बाेलीले साथ दिनेछ।

मन्त्री गुरुङले प्रधानमन्त्री ओली नैतिकताको हिसाबले पनि राजीनामा गरेर भाग्न नपाउने तर्क गर्नुभयो ।

मन्त्रिपरिषदले गरेको सिफारिस अनुसार राष्ट्रपति भण्डारीले २३ गते आइतबार ४ बजेका लागि प्रतिनिधिसभाको बैठक आह्वान गर्नुभएको छ ।

आफू हरेक परिस्थितिको सामना गर्न पूर्ण रुपमा तयार रहेको तथा आफ्नो स्वभाव, आचरण पूर्ण लोकतान्त्रिक भएको उहाँकाे दाबी छ।