Logo फाल्गुन १३, २०७७ बिहीबार


बालकथा : चलाख काग र उल्लू

एउटा ठूलो जंगलमा धेरै उल्लूहरु बस्थे । त्यो जंगललाई ‘उल्लू वन’ भन्ने गरिन्थ्यो । त्यहाँका ती उल्लूहरुलाई दिउँसो आँखा देख्न सक्ने पंक्षी हुन्छन् भन्ने थाहा थिएन ।

एकदिन ‘उल्लू वन’ मा अचानक कालो, लामो चुच्चो भएको काग पुग्यो । त्यसले चश्मा लगाएको थियो । उसको गर्दनमा एउटा थैली पनि टल्किरहेको थियो । रात पर्नसाथै उल्लुहरु आफ्नो समूह बनाएर त्यो अनौठो पंक्षीलाई हेर्न गए । त्यहाँ पुगेसी एक उल्लूले कागलाई सोध्यो, ‘तपाइँ को हो ? र कहाँबाट आउनुभएको ?’

कागले जवाफ दियो, ‘म भगवानको दूत हुँ । म स्वर्गबाट तिमीहरुको वनमा आएको हुँ ।’

यो कुरा सुनेर एउटा उल्लूले भन्यो, ‘उल्लू वनमा तपाइँलाई स्वागत छ । कृपया तपाइँ यहाँ आउनुको कारण बताउनु हुन्छ की ?’

कागले जवाफ दियो, ‘वास्तवमा तिमीहरुलाई भगवानले बनाउँदा एउटा गल्ति गर्नुभएको थियो । त्यसैले तिमीहरु कसैले पनि दिउँसो देख्न सक्दैनौ । भगवानले आफ्नो गल्ति सम्झेर तिमीहरुको लागि चश्मा पठाउनुभएको छ । यो लगाएर तिमीहरु दिउँसो पनि देख्न सक्छौ ।’

कागले आफूलाई आउने जाने खर्च पूरा गर्न चश्माको दाम १० रुपैयाँ लिने बतायो ।

यो लगाएर दिउँसो पनि देख्न चाहन्छौ भने १० रुपैयाँ खर्च गरेर लिन सक्छौ । वनमा भएका सबै उल्लू चकित परे । उनीहरु एकापसमा कानेखुसी गर्न थाले । एउटा उल्लूले भन्यो,

‘हामीलाई कसरी विश्वास हुन्छ कि तपाइँको चश्माले दिउँसो देख्न सकिन्छ भनेर ?’

कागले भन्यो, ‘सूर्य उदाउने बेला भएको छ । तपाइँहरु अहिले नै परीक्षण गर्न सक्नुहुन्छ । तर मलाई अर्को बिहानसम्म यहाँ बस्नुपर्ने हुन्छ ।

केही समयपछि जब घाम लाग्यो त्यसपछि काग एउटा ठूलो रुखको मुनि गयो र चश्मा लगाएर कुन उल्लू कसरी बसेको छ, कहाँ बसेको छ सबै एकएक भन्यो । उसले दिउँसो पनि आफूहरुलाई देखेकोमा दंग परे । तर एउटा बुढो काग भने चुपचाप बसिरहेको थियो । उसले आफ्ना हजुरबुबाहरुले भनेको सुनेको थियो कि एउटा कालो रंगको, लामो चुच्चो भएको काग हुन्छ जुन धेरै बाठो हुन्छ । उसले दिउँसो पनि आँदा देख्छ । त्यसले बच्चाहरुको रोटि पनि चोरेर खान्छ । त्यो कुरा सम्झेर बुढो कागले आफ्नो शंका सबै उल्लूलाई सुनायो ।
त्यसपछि त्यो बुढो उल्लू कागसँग बोल्यो, ‘तपाइँ मलाई चश्मा लगाइदिनुस । म आफ्नो घरबाट पैसा ल्याएर दिन्छु ।’

बुढो उल्लूको कुरा सुनेर कागले भन्यो, ‘यो चश्मालाई राति मात्र किन्न सकिन्छ र किन्नु भन्दा पहिले लगाउन दिन पनि मिल्दैन । यो भगवानको आदेश हो ।’ यो कुरा सुनेर सबै उल्लूहरुले शंका गर्न थाले । केही समयपछि बुढो उल्लुले कागलाई धेरै टाढाबाट आफूहरुको सेवाको लागि आएकाले स्वागत गर्ने र त्यसका लागि आफ्नो बस्ने ठाउँमा जानुपर्ने बतायो । उनीहरुको बस्ने ठाउँ अँध्यारो थियो । तर खानेबस्नेको राम्रो व्यवस्था थियो । उनीहरुले कागलाई निन्द्राको औषधी पनि खानामा राखेर खुवाए । खाना खाइसकेपछि काग निदायो ।

काग निदाउने बित्तिकै एउटा उल्लूले चश्मा लगाएर बाहिर गयो । उनीहरुले सबै चश्मा परीक्षण गरे । उनीहरुको शंका सहि निस्कियो । उनीहरुले चश्मा लगाएर पनि केही देखेनन् ।

साँझ परिसकेको थियो । काग ओछ्यानबाट उठेर बोल्यो, ‘जसलाई चाहिएको छ चाँडै चश्मा किन्नुस । म अब स्वर्ग जानुपर्छ । उल्लूहरुले जवाफ दिए, ‘कागजी हामीले तपाइँ र तपाइँको चश्माको परीक्षा लियौँ । अब तपाइँ स्वर्ग जानको लागि तयार हुनुस् ।’

यति भन्नासाथ उल्लूहरुले चुच्चोले उसलाई ठुग्न थाले । काग उडेर भाग्न लागेको थियो तर बाहिर पनि उल्लूले घेरेका थिए । बच्ने उपाय नदेखेपछि उल्लू रँदै कराँदै विलाप गर्न थाल्यो । उनीहरुसँग खुब माफि माग्यो । फेरि यस्तो गल्ति नगर्ने भनेर प्रतिबद्धता समेत गर्यो ।

उसलाई देखेर एक उल्लूले भन्यो, ‘भगवानको दूतलाई माफि दिने हाम्रो औकात कहाँ छ र ?
उसको कुरा सुनेर सबै उल्लू हाँसे ।

संकलक : अम्बिका खड्का

प्रतिक्रिया दिनुहोस्
विशेष

उहाँहरुकै कार्यकुशलताका कारण प्रहरीले सो घटनाको अनुसन्धानमा सफलता पाएको डिआइजी सुवेदीले बताउनुभयो ।

समिति सभापति तारादेवी भट्टले डाँडा कटान भएको प्रगति विवरण समितिमा पेस गर्न मन्त्रालयलाई निर्देशन दिनुभएको छ ।

राम सिटौलाको संगीत तथा अरुणदेव जोशीको निर्देशन रहेको म्युजिक भिडियोको छायांकन नारायण जीसीले गरेका हुन् ।

उनीहरुले विभिन्न मितिमा उपहार पर्‍याे भनी प्रलोभनमा पारी पीडितलाई आईएमईमार्फत पैसा पठाउन लगाई ठगी गर्दै हिँडेको प्रहरीले बताएको छ ।

परिस्थितिकाे सामना गर्ने भन्नुकाे अर्थ अविस्वासकाे प्रस्ताव सामना गर्छु वा सत्ताकाे बागडाेर अरू नै कुनै तरिकाले सञ्चालन गर्छु भन्ने हाे…

गतसाता फेसबुकले यो कानुनका कारण अस्ट्रेलियाका सबै समाचार बन्द गरेको थियो तर सरकारसँगको वार्तापछि त्यो खुला गरिएको छ।