Logo फाल्गुन १८, २०७७ मंगलबार


इजलासले खोजेपछि राजपत्रमा सूचना

काठमाडौं । शुक्रवार जनतासमाचार डट्कम मा ओलीको प्रतिगमनविरुद्ध दाहाल–नेपाल समूहको शक्ति प्रदर्शन (लाइभ), अध्यक्ष दाहाल र भट्टराईबीच गोप्य भेटवार्ता, सुनुवाइकै बीचमा महान्यायाधिवक्ता अचानक किन हराए ?, पूर्व मन्त्री पुनद्वारा राष्ट्रिय दलित संग्रहालयको शिलान्यास, ग्लोबल बैंक नख्खुमा क्यूआरमार्फत नगदरहित कारोबार र सर्वोच्चले संसद पुन: स्थापना गर्छ– नेता खनाल लगायतका समाचार प्रकाशित गरिए ।

शनिवार राजधानीबाट प्रकाशित पत्रपत्रिकाले पनि विभिन्न फरक–फरक विषयका समाचारलाई महत्वका साथ छापेका छन् । पत्रिकाहरूमा संसद् पुन: स्थापनाको पक्षमा राजधानीमा प्रदर्शन, अब केपी शर्मा ओलीको सेटिङले देश चल्दैन: भुसाल, खोपको सहज पहुँच कहिले ? र इजलासले खोजेपछि राजपत्रमा सूचना लगायतका शीर्षकमा प्रमुख समाचार प्रकाशित गरिएका छन् ।

आजको नागरिक दैनिक मा प्रधानमन्त्री केपी शर्मा ओलीले गरेको प्रतिनिधिसभा विघटनको सिफारिस राष्ट्रपति कार्यालयबाट पुस ५ मा स्वीकृत भएको सूचना जारी गरिए पनि राजपत्रमा सूचना प्रकाशित नगरिएको समाचारलाई प्राथमिकता दिइएको छ । इजलासले माग गरेपछि पुस ५ कै मिति राखेर माघ ९ को बिहान १० बजेर २९ मिनेटमा अनलाइन राजपत्रमा सूचना प्रकाशित गरिएको पत्रिकामा उल्लेख छ ।

बहसका क्रममा प्रतिनिधिसभा विघटनबारे राष्ट्रपति कार्यालयबाट जारी सूचनाको विषयमा प्रश्न उठेपछि राजपत्रमा प्रकाशित गरी इजलासमा बुझाइएको छ । प्रतिनिधिसभा विघटनबारे राजपत्रमा प्रकाशित सूचना इजलासबाट बिहीबार माग भएपछि सरकारले शुक्रबार राजपत्रमा प्रकाशित गरेको थियो । सूचना महान्यायाधिवक्ता अग्निप्रसाद खरेलले शुक्रबारको सुनुवाइमा इजलासमा बुझाएका छन् ।

समाचारमा लेखिए अनुसार सुनुवाइका क्रममा बिहीबार अधिवक्ता ओमप्रकाश अर्यालले विघटनसम्बन्धी सूचना राजपत्रमा प्रकाशित नहुनु अनधिकृत भएको टिप्पणी गर्नुभएको थियो । सूचना नै अनधिकृत भएकाले राष्ट्रप्रमुखले फिर्ता लिनसक्ने उहाँको दाबी थियो । त्यसपछि न्यायाधीश अनिलकुमार सिन्हाले सूचना प्रकाशित भएको राजपत्र महान्यायाधिवक्ताको कार्यालयमार्फत उपलब्ध गराउन आग्रह गर्नुभएको थियो । सर्वोच्चमा चलिरहेको प्रतिनिधिसभा विघटनविरुद्धको मुद्दामा शुक्रबार ९ जना कानुन व्यवसायीले बहस गरेको पनि समाचारमा लेखिएको छ ।

कान्तिपुर दैनिक ले खोपको सहज पहुँच कहिले ? शीर्षकमा मुख्य समाचार बनाएको छ । समाचारमा भारतले कोभिड–१९ को प्रतिरोधात्मक खोप उपलब्ध गराएसँगै ‘प्रारम्भिक खुसी’ सञ्चार भए पनि आम सर्वसाधारणको ध्यान ‘आफूले खोप कहिले लगाउन पाइएला ?’ भन्नेमा केन्द्रित भएको विश्लेषण गरिएको छ । सबैको सहज पहुँचका लागि केवल दुई विकल्प देखिएको र सरकारले नै आवश्यक मात्रामा खरिद गर्ने वा निजी क्षेत्रलाई पनि खोप आयात र बिक्री गर्न दिनेबारे शीघ्र निर्णय लिनुपर्ने समाचारको आशय छ ।

पत्रिकामा नेकपाको शुक्रवारको शक्ति प्रदर्शनमा अध्यक्षद्वय पुष्पकमल दाहाल ‘प्रचण्ड’ र माधवकुमार नेपाल लगायतका नेताहरुले प्रधानमन्त्री केपी शर्मा ओलीलाई सच्याउन नसकिएको बताएको समाचारलाई विषेश महत्वका साथ छापिएको छ ।

आजको नयाँ पत्रिका दैनिकले नेकपा प्रचण्ड–माधव समूहका अध्यक्ष माधवकुमार नेपालले आफ्नो पार्टीको प्रदर्शनमा जनआन्दोलनको झल्को देखिएको बताएको समाचारलाई महत्वका साथ सम्प्रेषण गरेको छ ।  राजधानीमा शुक्रबार आयोजित विरोध सभालाई सम्बोधन गर्दै नेपालले शुक्रवारको प्रदर्शन कास्टिङ मात्र भएको र फिल्म सुरु हुन बाँकी रहेको बताउनुभएको हो

वरिष्ठ नेता नेपालले प्रधानमन्त्री केपी ओलीले संविधान, लोकतन्त्र, गणतन्त्र र पार्टीमाथि खड्ग प्रहार गरेको जिकिरगर्नुभएको पनि पत्रिकामा उल्लेख छ ।

 

प्रतिक्रिया दिनुहोस्
विशेष

नरेश न्यौपाने/टिप्पणी काठमाडौं । हुन त राजनीतिलाई विचित्रको खेल त्यसै कहाँ भनिएको हो र ? बेला बेला राजनीतिकर्मीहरुले गर्ने व्यक्तिगत…

हाल प्रदेश १ मा आंशिकदेखि सामान्य बदली रही अन्य पहाडी भूभागहरुमा आंशिक बदली रहेको महाशाखाको भनाइ छ।

खानपिनमा खर्च हुनेछ। पूरानो धन जम्मा हुनेछ। बाेलीले साथ दिनेछ।

मन्त्री गुरुङले प्रधानमन्त्री ओली नैतिकताको हिसाबले पनि राजीनामा गरेर भाग्न नपाउने तर्क गर्नुभयो ।

मन्त्रिपरिषदले गरेको सिफारिस अनुसार राष्ट्रपति भण्डारीले २३ गते आइतबार ४ बजेका लागि प्रतिनिधिसभाको बैठक आह्वान गर्नुभएको छ ।

आफू हरेक परिस्थितिको सामना गर्न पूर्ण रुपमा तयार रहेको तथा आफ्नो स्वभाव, आचरण पूर्ण लोकतान्त्रिक भएको उहाँकाे दाबी छ।