Logo फाल्गुन १२, २०७७ बुधबार


नेपालमा संवैधानिक राजतन्त्र फर्काउन भारत लाग्नुपर्छ : भारतीय पूर्वसचिव

काठमाडौं । भारतका एक जना पूर्व सचिवले नेपालमा संवैधानिक राजतन्त्र फर्काउन भारतले तयारी गर्नुपर्ने बताउनुभएको छ । पूर्व अतिरिक्त सचिव एस रमेशले नेपालमा चीनको प्रभाव रोक्न २०४७ सालको संविधान र संवैधानिक राजतन्त्र पुनःस्थापना गर्नुपर्ने बताउनुभएको हो ।

पूर्व अतिरिक्त सचिव रमेशले नेपालमा चीनको प्रभावलाई कम गर्न प्रधानमन्त्री केपी शर्मा ओलीको विकल्प खोज्नुभन्दा राजसंस्थासहितको नयाँ विकल्पमा जानुपर्ने बताउनुभएको हो । नेपलामा राजसंस्था फार्काउने सम्बन्धमा अफगानिस्तानका र कम्बोडियाका राजाको उदाहरणसमेत प्रस्तुत गर्नुभएको छ ।

पछिल्लो समय राजतन्त्र पुन:स्थापना मागसहितको आन्दोलनहरु देखिन थालेको बताउँदै नेपाली जनताले उठाएको मागलाई भारतले रोक्ने प्रयास गर्न नहुने रमेशको भनाइ छ ।

भारतीय अनलाइन संस्करण टेलिग्राफ इन्डिया डट्कममा छापिएको रमेशको लेखमा भनिएको छ, ‘राजसंस्था पुनःस्थापनाको लागि नेपालको राजपरिवारबाट हृदयेन्द्र उपयुक्त हुन सक्छन् । पूर्व राजा ज्ञानेन्द्र नागरिक रुपमा जीवन बिताइरहेका छन् र पूर्व युवराज पारसलाई नेपाली जनताले राजाको रुपमा हेर्न चाहेका छैनन् ।’

हृदयेन्द्र १८ वर्ष पुगिसकेको र भारतीय राजपरिवारसँग पनि सम्बन्ध रहेको कारण उनी नेपालमा राजतन्त्र पुनर्स्थापनाका लागि उपयुक्त पात्र हुने एस रमेशको बुझाइ रहेको छ ।

चीनको आक्रामक कदम रोक्नका लागि धार्मिक कार्ड पनि अस्त्र हुन सक्ने र यसको नेतृत्व नेपाली कांग्रेस र राप्रपाले लिन सक्ने पनि लेखमा  बताइएको छ ।

राजपरिवारसँग पारिवारिक नातासमेत भएकाले समन्वय गर्न करण सिंहलाई नेपाल पठाउनु पर्ने पनि लेखमा भनिएकाे छ ।

प्रतिक्रिया दिनुहोस्
विशेष

सभापति देउवाले नेपालमा न्याय र प्रजातन्त्रको जित भएको बताउनुभयो ।

'नेपालको संविधानले संविधानको अन्तिम व्याख्याताको रुपमा सर्वोच्च अदालतलाई स्थापित गरेको छ । संवैधानिक इजलासबाट गरिएको फैसलालाई हामीले कार्यान्वयन गर्ने निर्णय…

सर्वोच्च अदालतको निर्णय बाहिर आउने वित्तिकै राजीनामा गर्नुपर्थ्याे अहिलेसम्म पनि उहाँले राजीनामा गर्नुभएको छैन । म फेरिपनि यही अनलाइनबाट भन्न…

अदालतकै फैसला अनुसार छिट्टै प्रतिनिधि सभाको बैठक बस्दैछ र प्रतिनिधि सभाको बैठकबाट संविधान अनुसार नै अरु प्रक्रिया अगाडि बढ्ने छ…

काठमाडौं । नेपाल कम्युनिष्ट पाटी (नेकपा) ले आज विजय जुलुश निकाल्ने भएको छ। प्रतिनिधिसभा विघटनको विरुद्धमा सर्वोच्च अदालतमा रिट हालेको…

काठमाडौं। नेपाल कम्युनिष्ट पार्टी (नेकपा) ले संसदीय दलको बैठक बोलाएको छ। सर्वोच्च अदालतले संसद विघटन बदर गरेपछि नेकपाले बैठक बोलाएको…