Logo बैशाख २८, २०७८ मंगलबार


श्रमजीवी र स्वतन्त्र नागरिकलाई उकुसमुकुस्

–बासुदेव सेढाईँ
देशको एउटा सचेत नागरिकले राष्ट्रिय हितमा र आम जनताको पक्षमा आवाज उठाउनु पर्छ । राम्रोलाई राम्रो र नराम्रोलाई नराम्रो भन्नुपर्छ तर आज मान्छे आफ्नो व्यक्तिगत स्वार्थका लागि कालोलाई सेतो र सेतोलाई कालो समेत भन्ने गरेको देखिएकाे छ । यस्तो क्रियाकलापले अराजकतालाई मलजल गर्दछ । जोसँग द्वन्द्व हो उसैलाई नोक्सान पुर्‍याउन खोज्नु ठिकै होला, तर यहाँ शासन चलाउनेहरुसँगको द्वन्द्वको बदला आम नेपाली नागरिकसँग लिने गरेका छन्  । दैनिक ज्याला मजदूरी गर्नेसँग, श्रम गरी खानेहरुसँग किन ? यो प्रश्नको उत्तर कोसँग छ ? मिलेसम्म मिलेर खाने र भागबन्डा तलमाथि हुनासाथ सडमा बन्द हड्ताल, तोडफोडमा उत्रने आम नागरिकलाई दुःख कष्ट दिने नेपाली राजनीति फेरि सुरुवात भएको छ ।

कोरोना महामारीको कारणले लामो समय अस्त व्यस्त व्यापार व्यावसाय फेरि संकट देखिन सुरुवात भएको छ । आज एउटाले बन्द गर्यो भोलि फेरि अर्कोले पनि नगर्ला भन्न सकिन्न । यत्रो लामो समय व्यापारी व्यावसायीहरुमा परेको मर्का बारेमा आवाज उठाउने कोही नभएपनि बल्ल बल्ल सुचारू व्यावसाय फेरि जबर्जस्ती बन्द गराउनेहरुलाई भने धन्यवाद दिनैपर्छ । कस्तो अचम्म ! राष्ट्रिय हितका विषयमा, सुशासनका विषयमा, नागरिकहरुका निशुल्क स्वास्थ्य शिक्षा, स्वदेशमै रोजगारीका विषयमा, निश्पक्ष न्याय, विधिको शासन, नागरिकको मौलिक अधिकारलाई सम्मानका पक्षमा कहिल्यै बन्द हर्ताल हुँदैन, कतै कहिल्यै आवाज उठेको सुनिदैन । तर सत्ता भागबन्डामा तलमाथि हुनासाथ अस्तव्यस्त हुन्छ, नेपाल बन्द हुन्छ । मिलेर खान पाउँदासम्म न संविधान, न नीति नियम, न विधान केही आवस्यक पर्दैन । जब तलमाथि सुरु हुन्छ अनि सबै कुरा आउँछ ।

मुलुकमा यत्रो लामो राजनीतिक गतिविधिले स्पष्ट भनेको छ राजनीति एउटा व्यापार हो । सत्ता र शक्तिमा बस्ने आफू कमाउने, आफ्ना परिवार बनाउने, आफ्ना आफन्त बनाउने त्यो भन्दा केही देखिएन  । कहिल्यै राष्ट्रिय हितका विषयमा सोच्ने फुर्सद भयो ? कहिल्यै आम गरिब नागरिकहरुकम जनजिविकाका विषयमा आवाज उठाउनुभयो ? यस्तो राजनीति गर्ने राजनीतिक दल र तिनका नेताहरूलाई साथ सहयोग र समर्थन गर्ने कार्यकर्ता देखेर झन् दया लाग्छ, कति सचेत रहेछन् कार्यकर्ता भनेर ।

कमजोर सुरक्षा व्यवस्थाको फाइदा उठाएर जबर्जस्ती गरिएको नेपाल बन्दलाई आफ्नो समर्थनमा गरिएको बन्द कहिल्यै नसोच्नु होला । राजनीतिक दलहरुले एउटा हेक्का के राख्न जरुरी छ भने यो मुलुकमा सबै राजनीतिक नेता र कार्यकर्ता मात्रै छैनन् नागरिकहरु पनि छन् तर ती नागरिकहरु उकुसमुकुसमा छन् । राज्यलाई कर तिर्नुपर्छ तर राज्यबाट लिने सेवा सुविदा भने पाउँदैनन् । जुन पार्टीको सरकार छ उसले हालिमुहाली गर्छ । रोजगार मात्रै होईन अनुदान समेत पाउन सक्दैन उसले । किनभने भन्सुनबिना केही चल्दैन । राजनीतिभन्दा बाहिर बस्ने स्वतन्त्र नागरिकको ठूलो पीडा हो यो ।

कुनै ठाउँमा रोजगारका लागि, अनुदानका लागि, शिक्षा र स्वास्थ्यका लागि समेत नेताहरूलाई भन्सुन् गर्नुपर्छ तर स्वतन्त्र नागरिकहरुका लागि यो पहुँच बाहिरको कुरा हो । हुन त देशमा नागरिकहरुलाई विभिन्न आश्वासनहरु बाँडेर उनीहरुलाई प्रयोग गरेर व्यवस्था परिवर्तन भयो । तर त्यसको फल सिमित व्यक्तिहरुले लिए । सर्वसाधारण नागरिक जस्ताको तस्तै । जालझेल, छलकपट, झुटा आश्वासनको राजनीतिबाट देश मुक्त होस् ।

प्रतिक्रिया दिनुहोस्
विशेष

देशका केही स्थानमा मेघगर्जन, चट्याङ्ग र हावाहुरीसहित हल्कादेखि मध्यम वर्षा हुने महाशाखाको पूर्वानुमान रहेको छ।

मन्त्रालयका प्रमुख विशेषज्ञ डा रोशन पोखरेलले एक महिनामा एक लाख २८ हजार सङ्क्रमित बढेको जानकारी दिँदै सबैको प्रयासबाट नै सङ्क्रमण…

आज (मंगलबार) अस्पतालले प्रेस विज्ञप्ति जारी गरी दिएको जानकारी अनुसार पूर्वराजा शाहको २ दिनअघि पुनः स्वाब परीक्षण गरिएको र त्यसको…

प्रयोगशालाका लागि आवश्यक सामग्रीको अभावमा अस्पतालले परीक्षण रोकेको अस्पताल प्रशासन स्रोतले जानकारी दिएकाे छ ।

 बैठकले राष्ट्रिय प्राथमिकताप्राप्त विकास आयोजना बाहेकका सबै निर्माण कार्य पनि रोक्ने निर्णय गरेको छ । साथै अबको निषेधाज्ञा  थप कडा…

सहभागी प्रशिक्षार्थीहरुमा डेनमार्क, बेल्जियम, स्पेन, स्वीडेनलगायतका युरोपेली मुलुकमा रोजगारी तथा अध्ययनमा रहेका १८ युवा रहेको क्षेत्रीय सञ्चार स्रोत केन्द्र विराटनगरका…