Logo फाल्गुन १५, २०७७ शनिबार


आधारशिला कम्युनद्वारा कम्युनिस्ट आन्दोलनका चार अग्रज सम्मानित

महोत्तरी । कम्युनिस्ट विचार तथा सिद्धान्तका माध्यमबाट सामाजिक र साँस्कृतिक परिवर्तन गर्न सकिने कुरालाई व्यवहारमा लागु गर्ने प्रयास गरिरहेको यहाँको आधारशिला कम्युनले नेपाली कम्युनिस्ट आन्दोलनका ४ शीर्ष व्यक्तित्वलाई सम्मान गरेको छ । बर्दिवास नगरपालिका वडा नम्बर ३ मा रहेको कम्युनिस्ट कम्युनले नेपाली कम्युनिस्ट आन्दोलनमा लामो समय विभिन्न ढंगले योगदान पुर्याउनुभएका वरिष्ठ कम्युनिस्ट नेताहरुलाइ सम्मान गरेको हो ।

आधारशिला कम्युनले आफ्नो १८ औं वार्षिक उत्सव समारोहको सन्दर्भमा सम्मानित गरेका व्यक्तित्वहरुमा नेकपा मसालका महामन्त्री मोहनविक्रम सिंहका साथै पुराना वामपन्थी नेताहरु कृष्णराज बर्मा, विष्णु बहादुर मानन्धर र कमल कोइराला रहनुभएको छ ।

कार्यक्रममा नेकपा मसालका महामन्त्री सिंहले आधारशिला कम्युन कम्युनिस्ट आन्दोलको एकताका उतारचढावसँग समेत सम्बन्धित रहेको बताउनु भयो । ‘आजको समयमा यस्तो कम्युनको थप विकास तथा विस्तार गर्नुपर्ने आवश्यकता भएपनि कम्युनिस्ट पार्टीमा सामुहिकता भन्दा व्यक्तिगत स्वार्थ हाबी हुँदै गएको छ’ सिंहले भन्नुभयो । कम्युनले आजको समयमा सामुहिकताको आवश्यकता झन् बढेको उहाँको भनाइ छ ।

एक अर्को सन्दर्भ सिंहले नेपाली कम्युनिस्ट आन्दोलनमा विचलन आउनुको मुख्य कारण नेतृत्वमा देखिएको वैचारिक विचलन र विरोधीको अफवाहमा फस्नु रहेको उल्लेख गर्नुभयो ।

आधारशिला कम्युनले सम्मानित गरेका अर्का सम्मानित व्यक्तित्व कृष्णराज बर्माले आजको नेतृत्वले कम्युनिस्ट आन्दोलनलाई यो स्थानमा ल्याइ पुर्याउन खेलेको भूमिकालाई बिर्सन नहुने धारणा राख्नुभयो । अग्रज पुस्ताको त्याग, तपस्या र बलिदानले नै कम्युनिस्ट पार्टी र आन्दोलनलाई आजको ठाउँमा ल्याउन मदत गरेको बर्माको भनाइ छ ।

आधारशिला कम्युनद्वारा सम्मानित व्यक्तित्व विष्णुबहादुर मानन्धर र कमल कोइराला भने कार्यक्रममा उपस्थित हुन सक्नुभएन ।

आयोजकका अनुसार मानन्धर बिरामी हुनुभइ उपचारका क्रममा रहनुभएकाे र कोइराला पनि स्वास्थ्य समस्याका कारण उपस्थित हुन सक्नुभएन । समान्नित र उपस्थित दुवै जनालाई वार्षिकाेत्सव समारोहका प्रमुख अतिथिसमेत रहनुभएका नेपाल कम्युनिस्ट पार्टी (नेकपा) का प्रवक्ता नारायणकाजी श्रेष्ठले दोसल्ला ओढाइ सम्मान गर्नुभएको हो ।

प्रतिक्रिया दिनुहोस्
विशेष

हाल देशका पहाडी भूभागमा आंशिक बदली रही अन्य भूभागहरूमा मौसम सामान्यतया सफा रहेको महाशाखाले जारी गरेको विज्ञप्तिमा जनाइएको छ ।

मनोरञ्जनमा दिन बित्नेछ । पूरानो मित्रजन भेटघाट हुनेछ । किनमेलमा खर्च बढ्नेछ ।

फागुन ११ गते सर्वोच्च अदालतले संसद विघटन गर्ने निर्णय बदर गर्दै १३ दिनभित्र संसद अधिवेशन बोलाउन परामादेश जारी गरेको थियो…

सभामुख सापकोटालाई विपक्षी बनाइ सर्वोच्च अदालतमा दायर भएकाे मुद्दामा विपक्षीको नाममा लिखित जवाफ पेश गर्न सर्वोच्च अदालतले आदेश दिएको थियो…

लकडाउन सकिएपछि भारतीय पर्यटकको आगमन त्यति नभए पनि आन्तरिक पर्यटकका लागि जेनतेन व्यवसाय चलेको व्यवसायी बताउँछन् ।

सभामुख सापकोटालाई विपक्षी बनाइ सर्वोच्च अदालतमा दायर भएकाे मुद्दामा विपक्षीको नाममा लिखित जवाफ पेश गर्न सर्वोच्च अदालतले आदेश दिएको थियो…