Logo बैशाख २, २०७८ बिहीबार


किन अलमलियो नयाँ सरकार गठन प्रक्रिया ?

काठमाडौं । पार्टी पुरानै अवस्थामा फर्किएपनि पार्टीभित्र एकले अर्को समूहलाई स्वीकार नगर्दा सत्तारुढ एमालेभित्रको शक्तिसंघर्ष थप पेचिलो बन्दै गएको छ । जसका कारण संसद पुनस्र्थापना भएको यतिका दिन बित्दा पनि नयाँ सरकार गठनबारे दलहरु अझै अनिर्णित हुन पुगेका छन् ।

फागुन २३ गतेकोे सर्वोच्च अदालतको फैसलाले माओवादी र एमालेलाई साविककै अवस्थामा पर्याइदिएपछि प्रधानमन्त्री केपी शर्मा ओली नेतृत्वको सरकारलाई हटाएर नयाँ सरकार बनाउने खेलमा राजनीतिक दलहरु सक्रिय भएका छन् । माओवादी केन्द्र र एमाले अलग अलग भएपछि माओवादी केन्द, नेपाली कांग्रेस र जनता समाजवादी पार्टी नयाँ सरकार गठनको लागि दौडधुपमा छन् । तर अझै ३ दल कुनै ठोस निष्कर्षमा भने पुग्न सकेका छैनन् ।

माओवादी केन्द्रले ३ वर्ष अघि सरकारलाई दिएको समर्थन फिर्ता लिने र नयाँ सरकार बनाउने तयारीमा आन्तरिक छलफलमा जुटेको लामै समय भएपनि अहिलेसम्म ओली सरकारलाई दिइएको समर्थन फिर्ता भने लिइसकेको छैन । जसका कारण ३ नै दल अहिले एकले अर्कोलाई पर्ख र हेरको अवस्थामा छन् । सरकार गठनकै विषयमा सोमबार बस्ने भनिएको माओवादी, कांग्रेस र जसपाको बीचको वार्ता समेत हुन सकेन । दलहरुले आफ्ना पार्टीभित्र आन्तरिक छलफललाई जारी राखेपनि के कसरी अघि बढ्ने भन्ने बारेमा भने अझै निर्णय गर्न सकेका छैनन् ।
उता प्रधानमन्त्री ओलीले पनि आफू अल्पमतमा पर्ने निश्चित भएसंगै आफ्नो सरकार टिकाउन जसपासँगको छलफललाई तीव्रता दिएका छन् । तर जसपाभित्र पनि ओलीलाई समर्थन गर्न हुने र नहुने भन्नेमा दुइधार देखिएपछि अर्को अन्योलता बढेको छ ।

जसपामा अध्यक्ष उपेन्द्र यादव र डा.बाबुराम भट्टराई समूह ओलीलाई कुनैपनि हालतमा समर्थन गर्न नहुने अडानमा छन् भने पुर्वराजपाका अध्यक्ष महन्थ ठाकुर र राजेन्द्र महतो लगायतका नेताहरु आफूहरुका माग पूरा गर्न सहमत भए समर्थन गर्न सक्ने आशय व्यक्त गर्दै आएका छन् ।

प्रमुख प्रतिपक्षी दल नेपाली कांग्रेस पनि सरकारको नेतृत्व पाए मात्रै सरकारमा सहभागी हुन सक्ने संकेत गरेका छन् । पार्टी सभापति शेरबहादुर देउवाले आफूहरु सरकारमा जान हतार नभएको तर समय र परिस्थिती आए पछि नहड्ने बताउँदै आएका छन् ।

प्रतिक्रिया दिनुहोस्
विशेष

देश १ र सुदूरपश्चिम प्रदेशका थोरै स्थानहरुमा र बाँकी पहाडी भूभागका एक दुई स्थानमा मेघगर्जन रचट्टयाङ्गसहित हल्का वर्षाको सम्भावना रहेको…

राजनीतिमा लाभ मिल्नेछ। कामको सम्मान हुनेछ। ठुलाबडाले साथ दिनेछन्।

पर्यटकीय क्षेत्रहरुको प्रचार प्रसारका लागि नेपालमा विदेशी फिल्म निर्माण गर्न दिने नीति निर्माण गर्नुपर्ने रेग्मीले बताउनुभयो ।

राष्ट्रिय परिचयपत्र वितरण कार्यलाई छिट्टै सम्पन्न गरी वायोमेट्रिक प्रणाली औठाछापको माध्यमबाट बेवारिसे शवको पहिचान गरी संख्या शुन्यमा पुर्याउन समितिले निर्देशन…

विपक्षी सांसदहरुले विशेष अधिवेशन आह्वान गर्न माग गर्दै प्रदेश प्रमुख शेरचनलाई निवेदन दिने तयारी गरेका छन् ।

भुसालले भन्नुभयो, 'महन्थ र ओली सबैभन्दा असंगतिला पात्र हुन् । तर, आज आफ्नै पार्टीका नेतालाई लखेटेर महन्थसँग गठबन्धन गरेर सरकार…