Logo १० श्रावण २०७८, आईतवार


‘ओलीले एमाले भत्काउँदै छन्, हामी टोलसम्म पुनर्गठन गर्दैछौं’

काठमाडौं । नेकपा एमालेका नेता युवराज ज्ञवालीले प्रधानमन्त्री केपी शर्मा ओली नेकपा एमाले र कम्युनिष्ट आन्दोलन तोडफोड गर्न र भत्काउन निरन्तर लागि परेको आरोप लगाउनु भएको छ । आफूहरु पार्टीलाई एकताबद्ध बनाउन लागेपनि ओली कम्युनिष्ट आन्दोलन तोडफोड गर्ने मिसनमा लागेको ज्ञवालीले बताउनु भएको हो ।

जनता टेलिभजनको साप्ताहिक कार्यक्रम ‘द भ्यू विचार मन्थन’ मा अशेष घिमिरेसँगको कुराकानीमा आफ्ना विचारहरु राख्नुहुँदै एमाले उपाध्यक्ष समेत रहनुभएका ज्ञवालीले राजनीतिक रुपमा नेकपा एमाले र माओवादी केन्द्र दुवै नरहेको र नेकपा बनिसकेको भएपनि अदालतको फैसलाले कानुनी रुपमा दुवै दल ब्युँत्याइ दिएपछि अलग/अलग हुनुपरेको बताउनुभयो ।

नेकपा भत्किँदा सबैभन्दा धेरै केपी शर्मा ओली खुशी बनेको उल्लेख गर्नुहुँदै उहाँले भन्नुभयो, ‘ओली क्रमशः कम्युनिष्ट आन्दोलन तोडफोड गर्ने मिसनमा हुनुहुन्छ । उहाँ नेकपा भत्किँदा खुसी हुनुभयो । अब एमाले भत्काउन लागि पर्नु भएको छ । फागुन २८ र चैत्र ७ गतेका उहाँका निर्णयहरु एमाले तोडफोड गर्ने आशयबाट आएका छन् ।’

एमालेभित्र वरिष्ठ नेताद्वय झलनाथ खनाल र माधवकुमार नेपाल समुहका नेताका रुपमा चिनिनु हुने ज्ञवालीले आफूहरु वडा तहसम्म मात्रै नभई टोल/टोलसम्म एमाले पुनर्गठन गर्ने अभियानमा जुटेको उल्लेख गर्नुभयो ।

नेकपा एमाले बनाउनमा आफूहरुको दशकौं पसिना बगेको र केपी ओलीभन्दा बढी मेहनत गरेका नेताहरु आफुहरुसँग रहेको उहाँको दावी छ । ज्ञवाली भन्नुहुन्छ, ‘ओली कम्युनिष्ट आन्दोलन मास्ने र नेपालको संघीय लोकतान्त्रिक गणतन्त्र कमजोर बनाउने ध्याउन्नमा छन् । हामी संविधान मान्ने र समाजवादका लागि तयार रहेका सबै लोकतान्त्रिक शक्तिलाई क्रमशः एकताबद्ध गर्दै अगाडि बढ्दैछौं ।’

ओली समुहमै रहेका र कम्युनिष्ट आन्दोलनलाई माया गर्ने कतिपय नेताहरु अहिले उनका काम र कदम देखेर दु:खी भइरहेको ज्ञवालीको भनाइ छ ।

प्रतिक्रिया दिनुहोस्
विशेष

काठमाडाैं । मनसुनको न्यून चापीय रेखा नेपालको तराई भूभाग नजिक रहेको जल तथा मौसम पूर्वानुमान महाशाखाले जनाएको छ । हाल…

मेष- भेटघाटमा दिनबित्नेछ । शंकाले प्रेममा बाधा गर्नेछ । अलमलमा दिन बित्नेछ वृष- सरसामान हराउन सक्नेछ । अनावस्यक धन खर्च…

मेष– मनोरन्जनमा खर्च हुनेछ । नयाँ जिम्मेवारी थपिनेछ ।  पारीवारिक कठिनाइ हुनेछ । वृष– स्वास्थ्यमा खर्च आउनेछ । सरसामान हराउन सक्नेछ…

काठमाडाैं । मनसुनको न्यून चापीय रेखा नेपालको तराई भूभाग नजिक रहेको जल तथा मौसम पूर्वानुमान महाशाखाले जनाएको छ । हाल…

मेष- बोलीको प्रभावले फाइदा हुनेछ । धनको कारोबार बढ्नाले आर्थिक झन्झट कम हुनेछ । वैवाहिक सुख मिल्ने एवम् इष्टमित्रबाट सहयोग…

काठमाडौं । नेकपा एमालेको भातृ संगठन राष्ट्रिय युवा संघ नेपालले आज युथफोर्सको भ्याली कमाण्ड घोषणा गरेको छ । काठमाडौंको बबरमहलस्थित…