Logo बैशाख ३१, २०७८ शुक्रबार


किन पर्दैछ, जसपाकाे समर्थन लिन कांग्रेसलाई हम्मे-हम्मे ?

काठमाडौं । वर्तमान सरकारलाई विस्थापन गरेर आफ्नो नेतृत्वमा नयाँ सरकार निर्माण गर्ने निर्णय गरेको प्रमुख प्रतिपक्ष दल नेपाली कांग्रेसलाई संसदको महत्वपूर्ण दल जनता समाजवादी पार्टीको समर्थन लिन हम्मे/हम्मे पर्ने देखिएको छ । नयाँ सरकार गठनको निर्णायक पहल शुरु गरेको कांग्रेसले शुक्रबार जसपाका नेताहरुसँग आफ्नो नेतृत्वमा बन्ने सरकारलाई समर्थनका लागि सहयोग माग्दा स्पष्ट जवाफ पाउन सकेन ।

सभापति शेरबहादुर देउवाकै सक्रियतामा माओवादी केन्द्र र जसपाका नेताहरुसँग कांग्रेसले सहयोग मागेपनि जसपाका नेताहरुले टालटुले जवाफ दिएका हुन । केपी शर्मा ओली सरकारप्रति निरन्तर नरम रुपमा प्रस्तुत हुने गरेको आरोप लागेका देउवाले बालाएको बैठकमा माओवादी केन्द्रले भने कांग्रेसको आग्रह सहर्ष स्वीकार गरेको छ ।

कांग्रेससँगको छलफलमा जनता समाजवादीका नेताहरुले पार्टीमा छलफल नगरी सहमति दिन नसकिने बताएका छन् । जसपाले कांग्रेस नेतृत्वमा बन्ने सरकारलाइ साथ दिएमा मात्रै देउवाको नयाँ सरकार बनाउने पहलकदमीले सार्थकता पाउने देखिन्छ । कांग्रेसको सहयोगको प्रस्ताबपछि जसपाका नेताहरुलाई पनि यसबारे निर्णय लिन दबाब बढेको छ ।

बैठकमा सहभागि नेताहरुका अनुसार नयाँ सरकार गठनका लागि सघाउन माओवादी र जसपासँग कांग्रेसले खुला प्रस्ताव राख्दा जसपाले निर्णय गर्न केही दिनको समय मागेको छ । जसपाले कांग्रेसको प्रस्ताबपछि पार्टी बैठक बोलाउने र फेरि ३ दलको बैठक बस्ने सहमति पनि भएको छ ।

कांग्रेस-जसपाबीच सहमतिको सम्भावना कति ?

जनता समाजवादी पार्टीको एक समूह प्रधानमन्त्री केपी ओलीसँगै सहकार्य गरेर जाने पक्षमा छ । तर कांग्रेस प्रस्ताबले अब कता लाग्ने भनेर कित्ता स्पष्ट पार्न यो समूहलाई पनि दबाब बढेको छ । जसपा नेता महन्थ ठाकुरले सरकार बदल्ने औपचारिक प्रस्ताव पहिलो पटक आएको र आफूहरु पार्टीमा छलफल गरेर चाँडै निर्णय पुग्ने बताउनुभएको छ ।

नेताहरुले पार्टीमा छलफल गरी कांग्रेसलाई जवाफ दिने बताए पनि वास्तबमा नयाँ सरकारबारे यो पार्टीमा स्पष्ट दुई धार छन् । नेताहरु महन्त ठाकुर र राजेन्द्र महतो ओली सरकारसँगै सहकार्य गर्ने मनासायमा देखिन्छन् भने बाबुराम भट्टराई र उपेन्द्र यादव लगायतका नेताहरु ओलीलाई जसरी पनि विस्थापन गर्नुपर्ने मत राख्दै आएका छन् ।

नेताहरुको मनसाय जे भए पनि दुवै पक्षले जेलमा रहेका नेता रेशम चौधरी लगायतका कार्यकर्ताको रिहाइको मुद्दालाई समर्थनको शर्त बनाउने गरेका छन् । राजनीतिक वृत्तमा भने नेताहरुको अडानलाई बाहीरबाट हेर्दा कार्यकर्ता रिहाइ नै प्रमुख मागजस्तो देखिए पनि जसपाभित्रको आन्तरिक कहानी बेग्लै हुने गरेको विश्लेषण हुन थालेको छ ।

केही विश्लेषकहरुका अनुसार ओली र देउवामध्ये कसलाई समर्थन गर्ने भन्ने सवालमा जसपा विभाजन नै हुन सक्छ । यसर्थ कांग्रेसको सहयोगको अपीललाई जसपाको एक पक्षले मान्न सक्ने तर सिंगो पार्टीले स्वीकार गरिहाल्ने अवस्था नबन्न सक्छ ।

 

प्रतिक्रिया दिनुहोस्
विशेष

यस दिन गरेको शुभ कामबाट अक्षय अर्थात् कहिल्यै नाश नहुने फल प्राप्त हुने हुँदा यस तिथिलाई अक्षय तृतीया भनिएको हो…

हाल देशका अधिकांश भूभागमा सामान्य बदली रही सुदूरपश्चिम प्रदेश र कर्णाली प्रदेशका केही स्थानहरूमा मेघगर्जन र चट्याङ्गसहित हल्कादेखि मध्यम वर्षा…

सन्तानको खुशी बढ्नेछ । व्यापारमा आम्दानी राम्रो हुनेछ । व्यवसायमा प्रगति हुनेछ ।

काठमाडौँ । केपी शर्मा ओली पुनः प्रधानमन्त्री नियुक्त हुनुभएको छ । राष्ट्रपति विद्यादेवी भण्डारीले संविधानको धारा ७६ (३) अनुरुप संसदको…

नेता भट्टराईले भन्नुभएकाे छ, 'हिजो गल्ती भएको थियो, त्यसलाई सच्याउनु राम्रो हो । अब कुरा गरेर सहमति बनाउन लाग्नु पर्छ…

ठाकुरका सहयोगी सतेन्द्र मिश्रका अनुसार बुधबार दिउँसो केहीबेर पूर्वसमाजवादीको पार्टी कार्यालय बबरमहलमा जसपाका संघीय परिषद्का अध्यक्ष डा। बाबुराम भट्टराई र…