Logo बैशाख २८, २०७८ मंगलबार


पर्यटनमा लगानी भित्र्याउन छुट्टै ‘लगानी सम्मेलन’ !

काठमाडाैं । नेपाल पर्यटन बोर्डका प्रमुख कार्यकारी अधिकृत डा. धनन्जय रेग्मीले नेपालमा पर्यटन क्षेत्रको विकासका लागि बाह्य लगानी भित्र्याउन छुट्टै लगानी सम्मेलन गर्नुपर्ने बताउनुभएको छ । प्रतिनिधि सभाको अन्तर्राष्ट्रिय सम्बन्ध समितिको बिहीवारको बैठकमा पर्यटन बोर्डको योजना सम्बन्धमा भएको छलफलमा प्रमुख कार्यकारी अधिकृत रेग्मीले मध्य पहाडी भूभागलाई हिल स्टेसनको रुपमा विकास गर्नका लागि ‘पर्यटन लगानी सम्मेलन’ गर्नुपर्ने बताउनुभएको हो ।

यस्तो लगानी सम्मेलन मार्फत पर्यटन क्षेत्रमा वैदेशिक लगानी ल्याउन सकिने उहाँले बताउनुभयो । यस्तै औद्योगिक व्यवसाय ऐन र नेपाल राष्ट्र बैंकको सर्कुलरमा पर्यटन क्षेत्रसँग सम्बन्धित ससाना पूर्वाधार निर्माणका लागि हुने खर्चलाई संंस्थागत समाजिक उत्तरदायित्व अन्तर्गत राख्ने व्यवस्था गर्नुपर्ने बताउनुभयो । यस्तो हुन सकेमा पर्यटन बोर्डले कर्पोरेट संस्थाहरुसँग मिलेर धेरै काम गर्न सक्ने बताउनुभयो ।

यस्तै, पर्यटकीय क्षेत्रहरुको प्रचार प्रसारका लागि नेपालमा विदेशी फिल्म निर्माण गर्न दिने नीति निर्माण गर्नुपर्ने पनि बताउनुभयो । विदेशी फिल्महरुबाट नेपालका पर्यटकीय क्षेत्रहरुको प्रचारप्रसार सहज हुने भएकाले त्यस्ता फिल्म सुटिङ गर्न दिनका लागि एकद्धार नीति अवलम्बन गर्नुपर्ने, ड्रोन र क्यामेराको आयातमा सहज गराउनुपर्ने, ट्याक्स डिपोजिटमा सहज बनाइदिनु पर्ने र सुरक्षाको प्रबन्ध मिलाउने गरी नीति निर्माण हुन सके धेरै फिल्महरु नेपालमा बन्ने र त्यसवापत नेपालको पर्यटकीय क्षेत्रको प्रचार प्रसार हुने बताउनुभयो ।

पर्यटकलाई सहज हुने गरी देशका विभिन्न स्थानमा सार्वजनिक ट्वाइलेटको व्यवस्था गरिनुपर्नेमा पनि प्रमुख कार्यकारी अधिकृत रेग्मीले जोड दिनुभयो । देशका विभिन्न स्थानमा २५ सय भन्दा बढी पेट्रोल पम्प रहेको र उनीहरुमार्फत समाजिक उत्तरदायित्व अन्तर्गत सार्वजनिक ट्वाइलेट निर्माण र व्यवस्थापन गराउने नीति लिदा राम्रो हुने बताउनुभयो ।

यस्तै, पर्यटकका लागि सूचना दिने गरी देशभरका बसपार्कमा नमस्ते सेन्टर स्थापना गर्नुपर्ने आवस्यकता रहेको उहाँकाे भनाइ छ ।

प्रतिक्रिया दिनुहोस्
विशेष

राती देशका प्रदेश नम्बर १, प्रदेश नं २ तथा बाँकी प्रदेशहरुका पहाडी भूभागमा सामान्य देखि पूर्ण बदली र बाँकी भूभागहरुमा…

व्यापारमा फाईदा हुनेछ । इष्टमित्रको साथ पाईनेछ । कृषिबाट धनार्जन हुनेछ ।

सोमबारसम्म देशभर ९३ हजार १४१ जना जना सक्रिय संक्रमित रहेका छन् ।

सम्बोधनमा ओलीले केही सांसदले ओलीले फेरि प्रतिनिधिसभा विघटन गर्न लागेको हल्ला फैलाएको बताउनुभयो ।

राष्ट्रिय जनमोर्चा नेपालका दुर्गा पौडेलले कोभिड महामारी बढ्दै गएकाले नियन्त्रणमा ध्यान दिनुपर्नेमा जोड दिँदै विश्वासको मतको विपक्षमा मत गरिने बताउनुभयो…

ओलीले प्रदेशलाई संघको इकाइ भएको बताउने गरेको उल्लेख गर्दै ओली समावेशीको विपक्ष र संघीयतालाई नै धरापमा पार्ने खेलमा रहेको बताउनुभयाे …