Logo बैशाख २७, २०७८ सोमबार


पाकिस्तानी कलाकार लिएर जोखिम मोल्न चाहिनँ : एआर रहमान

बलिउड संगीतकार एआर रहमान एक मात्र यस्ता संगीतकार हुन्,जोसँग काम गर्न पाउनु मात्र होइन प्रत्यक्ष एक झलक पाउनुलाई पनि जीवनको ठूलै उपलब्धी ठान्नेहरु धेरै छन् । सोनी टेलिभिजनले रियालिटी शो इण्डियन आइडलमा गत साता एआर रहमान विशेष अंक प्रसारण गरेको थियो । शोमा अतिथि रहमान आफैं थिए । रहमानको प्रत्यक्ष उपस्थितिलाई कति प्रतिस्पर्धीलाई अप्रत्यासित थियो । त्यसैले धेरैले आफूलाई सम्हाल्नसम्म सकेनन्,खुशीले भावुक बने ।

हुन पनि संगीतको दुनियामा रहमानको छुट्टै जादु छ । उनको अलौकिक प्रतिभाबाट बलिउड मात्र होइन विश्व नै कायल छ । संगीतमा ओस्कार अवार्ड जित्ने रहमान एक्ला बलिउड संगीतकार हुन् ।

उनै संगीतकार एआर रहमान छिट्टै नयाँ प्रोजेक्ट मार्फत श्रोता,दर्शक मात्र प्रस्तुत हुँदैछन् । यसपटक भने उनी लेखक र निर्माताको भूमिकामा समेत रहेका छन् । फिल्म ९९ साङ्समा उनी पहिलोपटक लेखक र निर्माताका रुपमा देखिने भएका हुन् ।

प्रस्तुत छ आफ्नो नयाँ फिल्म र भूमिकाको विषयमा एआर रहमानसँग गरिएको कुराकानी :

गीत कम्पोज गर्दागर्दै अचानक फिल्म खेल्ने विचार कहाँबाट आयो ?

जब २००१ मा म बम्बै ड्रीम्स (हालिउड म्यूजिकल प्ले) गर्न लण्डन गएको थिएँ । थिएटरको बादशाह एण्ड्रयू लायड बेवरले मलाई सोधे कि एआर, तिमीसँग कुनै कथा छ ? तब मैले सोचेँ कि उनले मलाई यो कुरा किन सोधे । म त एक कम्पोजर हुँ । फेरि मलाई लाग्यो कि शायद मैले आफैँलाई एउटा कम्पोजरको रुपमा मात्र सीमित पो गर्दैछु कि । त्यतिखेर म शेखर कपुरको फिल्ममा व्यस्त थिएँ । जब तपाई राम्रो मान्छेसँग काम गर्नुहुन्छ, त्यसको प्रभाव तपाईलाई पनि पर्छ । शेखर कपुरहरुले त्यसरी कथा लेख्दै गरेको र विभिन्न आइडिया लगाएर काम गर्दै गरेको देखेर मेरो मनमा पनि केही लेख्ने विचार आयो । फेरि मैले केही वर्कसप गरेँ । त्यही क्रममा सन् २०१० मा एउटा स्टोरीको आइडिया आयो–एउटा केटाले एउटी केटीको लागि एकसय वटा गीत लेख्छ । त्यसपछि पनि मनमा कति कथाहरु फुर्दै गए, म लेख्दै गएँ । तर मैले तय गरेँ कि पहिलो फिल्म यही कथामा बनाउछु । अनि बाँकी काम रोकेर मैले यसमा काम गरेँ । अब यो फिल्म रिलिज हुँदैछ ।

यो फिल्म बनाउन, गीत बनाउन कति मुस्किल वा फरक अनुभव रहयो ?

यो एलकेजी, यूकेजी, क्लास वन मा पढेजस्तै थियो । किनकी प्रोड्यूसरका अनुसार आफूले सोच्नुपर्छ कि फिल्मलाई हेर्न लायक बनाउन के के गर्न सकिन्छ ? फिल्ममा पैसा मात्र होइन, धेरैको समय र मिहिनेतसँगै सपनाको लगानी भएको हुन्छ । वास्तवमा फिल्मको प्रोजेक्टमा धेरै मानिसको सपना जोडिएको हुन्छ । अनि तपाई पुरै जहाजको क्याप्टेन हुनुहुन्छ भने त्यसलाई गन्तव्यसम्म पुर्याउने जिम्मेवारी पनि तपाईकै हुन्छ । मैले मेरो क्षमताअनुसार यस फिल्मलाई जतिसक्दो बेस्ट बनाउने कोशिस गरिरहेको छु ।

सुनिन्छ कि फिल्मको निर्देशकले यसमा पाकिस्तानी अभिनेतालाई राख्न चाहन्थे तर तपाईले इन्कार गर्नुभयो रे नि ?

हो, हामी यस्तो कलाकार खोज्दै थियौँ जो गायन र अभिनय दुवैमा फिट होस् । जब हामी कास्टिङ गर्दै थियौँ त्यतिबेला भारत र पाकिस्तानका कलाकार एकअर्कासँग काम गर्दै थियौँ । पाकिस्तानका धेरै कलाकार बलिउडमा काम गरिरहेका थिए ।

एकदिन मेरो निर्देशकले भने कि उनलाई खेलाउँ । तर मलाई अचानक लाग्यो–शायद परिस्थिति बदलिन पनि सक्छ । अनि मैले भनें, होइन, हामी भारतीय अभिनेता नै खोजौँ नभए हामी समस्यामा पर्न सक्छौँ । नभन्दै त्यसको ६ महिनापछि नै बलिउडमा समस्या शुरु भयो । यसरी हामी बच्यौँ । हो, दुई देशबीच धेरै सांस्कृतिक आदानप्रदान हुन्छ तर यो मेरो पहिलो फिल्म थियो । अर्को कुरा म कुनै पनि किसिमको जोखिम उठाउन चाहदिनँ थिएँ ।

तपाईलाई लाग्दैन कि कला र कलाकारलाई कुनै सीमामा बाँध्नुहुँदैन ?

हो, तर अहिले यी सबैको बारेमा कुरा गर्न चाहन्नँ ।

तपाईले स्थापित कलाकारको सट्टा फिल्मको लागि नयाँ कलाकार किन छान्नुभयो ?

यो मेरो अत्यन्तै महत्वकांक्षी फिल्म हो । त्यसैले हामीलाई यस्तो कलाकार चाहिएको थियो जसले यसलाई समय देओस । एक वर्ष पियानो सिक्न लगाओस । तपाई भन्नुस कि, चलेका कुन कलाकारसँग यस्तो समय हुन्छ ? आजकल बलिउडका कलाकार एक दिनको पनि कति धेरै पैसा लिन्छन् । अनि यस रोलका लागि यस्तो कलाकार चाहिएको थियो जो युवा छ र जसलाई हामीले सिकाएर इन्डस्ट्रीलाई केही दिन सकूँ । यस फिल्मबाट हामी इन्टस्ट्रीलाई एक निर्देशक र एक अभिनेता पनि दिँदै छौं ।

तपाईलाई लाग्छ के लाग्छ कोरोना महामारीको बीचमा फिल्म रिलिज गर्नु सहि हो ? यतिबेला धेरै ठाउँमा थिएटर्स बन्द छन् । यस समय दर्शक पाउन सक्नुहुन्छ ?

मेरो फिल्मको लागि यो एउटा बरदान हो कि धेरै फिल्मको बीचमा मेरो फिल्म परेको छैन । यो फिल्म अत्यन्तै मायाले बनाएको हो । मानिस यहि फिल्म हेर्नका लागि मात्र थिएटरमा आउनु भनेको पनि धेरै ठूलो कुरा हो । अरु फिल्मसँग नजुधी एक्लै रिलिज हुन लागेको छ । त्यसैले मलाई त यो रिलिजको समय ठिक लागेको छ ।

निर्देशकको रुपमा तपाईको पहिलो फिल्म कस्तो बनेको छ ?

मेरो पहिलो फिल्मलाई चार वर्ष त पोस्ट प्रोडक्सनका लागि नै लाग्यो । यो भर्चुअल रियलिटी प्रविधिमा आधारित फिल्म हो । यसकारण पनि यति धेरै समय लाग्यो । यसलाई मैले अँग्रेजीमा निर्देशन गरेको छु । यसको इन्स्टलेशन पनि अँग्रेजीमै गरिएको छ ।

पछिल्ला दिनमा तपाईले माँ तुझे सलाम…गीतको रिमेकमा अस्वीकृति जनाउनुभएको थियो । तपाई हिन्दी फिल्म म्यूजिकलाई के सोच्नुहुन्छ ? यो सहि दिशामा छ कि सुधारको जरुरत छ ?

म यसमा पुरै कमेन्ट गर्न सक्दिनँ । किनकी मलाई राम्रोसँग थाहा छैन यहाँ के हुँदैछ भनेर । तर म यो सर्टकर्टको समर्थन गर्न सक्दिनँ । मेरो बुझाइमा रिमिक्स भनेको सर्टकर्ट बाटो हो । एउटा गीत तयार हुँदा त्यससँग तीता मीठा थुप्रै यादहरु जोडिएर रहन्छन् । गीतसँगै ती यादहरु हाम्रा दिमागमा ताजा भएर रहन्टन् । तर गीतलाई रिमिक्स गरेपछि ती सुन्दर यादहरुमा पनि तोडमोड हुन्छ ।

यति मात्र हैन हाम्रा देशमा कति धेरै संगीतकार र गीतकार छन् । रिमिक्स गर्दा उनीहरुप्रति अविश्वास गरेको ठहरिन्छ । सिर्जनामा नयाँ नयाँ ट्यालेन्टहरु आउनुपर्छ, उनीहरुलाई पनि विश्वास गर्नुपर्ने हुन्छ । यसका लागि नयाँ गीतकार, र संगीतकारबाट नयाँ काम गराउनु जरुरी हुन्छ ।

स्रोत : नवभारत टाइम्स

प्रतिक्रिया दिनुहोस्
विशेष

राती देशका प्रदेश नम्बर १, प्रदेश नं २ तथा बाँकी प्रदेशहरुका पहाडी भूभागमा सामान्य देखि पूर्ण बदली र बाँकी भूभागहरुमा…

व्यापारमा फाईदा हुनेछ । इष्टमित्रको साथ पाईनेछ । कृषिबाट धनार्जन हुनेछ ।

सोमबारसम्म देशभर ९३ हजार १४१ जना जना सक्रिय संक्रमित रहेका छन् ।

सम्बोधनमा ओलीले केही सांसदले ओलीले फेरि प्रतिनिधिसभा विघटन गर्न लागेको हल्ला फैलाएको बताउनुभयो ।

राष्ट्रिय जनमोर्चा नेपालका दुर्गा पौडेलले कोभिड महामारी बढ्दै गएकाले नियन्त्रणमा ध्यान दिनुपर्नेमा जोड दिँदै विश्वासको मतको विपक्षमा मत गरिने बताउनुभयो…

ओलीले प्रदेशलाई संघको इकाइ भएको बताउने गरेको उल्लेख गर्दै ओली समावेशीको विपक्ष र संघीयतालाई नै धरापमा पार्ने खेलमा रहेको बताउनुभयाे …