Logo बैशाख २८, २०७८ मंगलबार


निषेधाज्ञाले हवाइ सेवामा चाप, त्रिभुवन विमानस्थलमा यात्रुको भीडभाड (फोटो फिचर)

काठमाडौं । सरकारले बिहीबारदेखि काठमाडौं उपत्यकामा निषेधाज्ञा जारी गरे पनि विमानस्थल भने बन्द गरेको छैन ।

निषेधाज्ञाका बीच पनि अहिले त्रिभुवन विमानस्थलबाट हुने आन्तरिक तथा वाह्य दुवै हवाइ सेवा सञ्चालनमा छन् । निषेधाज्ञाका कारण अरु यातायात सेवा बन्द भएपछि अहिले विमानस्थलमा यात्रुको भींड बढेको छ ।

आन्तरिक हवाइ सेवाका सबै उडान भरिभराउ भैरहेका छन् । यात्रुको चाप बढेपछि हवाइ सञ्चालक कम्पनीहरुले उडान संख्या समेत थपेका छन् । सरकारले विमानस्थलका यात्रुहरुलाई मध्यनजर गरी हरियो नम्बर प्लेट भएका पर्यटक ट्याक्सीलाई सञ्चालनको अनुमति दिएको छ ।

कोरोना महामारी तीब्र गतिमा बढ्न थालेपछि विदेशबाट त्रिभुवन विमास्थलबाट आउने यात्रुमाथि सरकारले सामान्यतः निगरानी भने बढाएको छ । भारत र बेलायतबाट आउने यात्रुहरुमाथि अझ बढी निगरानी गरिरहेको विमानस्थल कार्यालयले जनाएको छ ।

तर विमानस्थलमा भीडभाड देखेपछि सीसीएमसीले आन्तरिक उडान भने तत्काल बन्द गर्नुपर्ने निष्कर्ष निकालेको छ । निषेधाज्ञाको पहिलो दिन विहीवार सीसीएमसी सचिवालयले त्रिभुवन विमानस्थलमा अनुगमन गरेको थियो । अनुगमनमा आन्तरिक उडान सञ्चालनमा राखिराख्दा जोखिम बढ्ने देखेपछि बन्द गर्नुपर्ने निष्कर्षमा पुगेको सीसीएमसीका एक सदस्यले बताए ।

 

तस्बिर : हनिशराज पन्त / जनतासमाचार

प्रतिक्रिया दिनुहोस्
विशेष

राती देशका प्रदेश नम्बर १, प्रदेश नं २ तथा बाँकी प्रदेशहरुका पहाडी भूभागमा सामान्य देखि पूर्ण बदली र बाँकी भूभागहरुमा…

व्यापारमा फाईदा हुनेछ । इष्टमित्रको साथ पाईनेछ । कृषिबाट धनार्जन हुनेछ ।

सोमबारसम्म देशभर ९३ हजार १४१ जना जना सक्रिय संक्रमित रहेका छन् ।

सम्बोधनमा ओलीले केही सांसदले ओलीले फेरि प्रतिनिधिसभा विघटन गर्न लागेको हल्ला फैलाएको बताउनुभयो ।

राष्ट्रिय जनमोर्चा नेपालका दुर्गा पौडेलले कोभिड महामारी बढ्दै गएकाले नियन्त्रणमा ध्यान दिनुपर्नेमा जोड दिँदै विश्वासको मतको विपक्षमा मत गरिने बताउनुभयो…

ओलीले प्रदेशलाई संघको इकाइ भएको बताउने गरेको उल्लेख गर्दै ओली समावेशीको विपक्ष र संघीयतालाई नै धरापमा पार्ने खेलमा रहेको बताउनुभयाे …