Logo असार ४, २०७८ शुक्रबार


कथा : यथार्थ बोध

पुण्यप्रसाद खरेल
“हेल्लो ! म भर्खरै मनोनित यस लोकको प्रमुख हुँ ! मैले ‘स्वस’ (स्वकीय सचिव)लाई भेट्न चाहेको !”
“हेल्लो ! म स्वस बोल्दैछु । के सेवा गर्नुपर्याे ?”
“इन्द्र महाराजसँग दर्शनभेट पाऊँ !”
“तपाईं भर्खरै त लोकप्रमुख मनोनित हुनुभा छ ! दर्शनभेट यति चाँडै अनि केका लागि हो नि फेरि ?”
“त्यसैले त स्वसज्यू ! मैले महाराजलाई नभेटी भएन !”
“ल ! भोलि बेलुका एकपल्ट सम्पर्क गर्नूस् ! म समय मागेर अनि जवाफ गरुँला !”

समय मागेर मनोनित लोकप्रमुख इन्द्र महाराजको दरवारमा पुगे । महाराज सिंहासनमा आसिन थिए । यी लोकप्रमुख त दुई जना साथीका साथ थिए । दुई जना साथीले दुईपटिबाट ज्याख्लामा झैं ठूलो भारी बोकेका थिए । महाराजका अगाडि ती दुईले त्यो भारी खोल्न लागे । भारी त सम्मान पत्र, फ्रेमसहितका प्रमाणपत्रहरुको भारी रहेछ । ती सयौं बधाइका र सम्मानका दामीदामी फ्रेमसहितका प्रमाणपत्रहरु एकएक गरेर निकाल्दै त्यहाँ महाराजका अगाडि राख्न थाले ।

महाराजद्वारा नवमनोनित लोकप्रमुखलाई सोधनी भयो– “यो के हो ? यो सब त तिमीलाई दिएका हुन् ! तिमीले राख्नुपर्ने ! यहाँ किन लिएर आयौ ?”

नव मनोनित लोकप्रमुखले महाराजमा बिन्ती चढाए– “महाराज ! म त वर्षौं वर्षदेखि त्यहीं ती सबैका बिच छँदैथिएँ । एक्कासि महाराजबाट मनोनयनको निगाहबक्स भयो । त्यसपछि त महाराज ! मलाई बधाइ र सम्मानको मेहेरो नै चल्यो । अविर, माला, फूलका गुच्छा, खादा, पताका, यी प्रमाणपत्र, बधाइ, अभिनन्दन ! के के हो केके ! यो सब त मलाई गर्नेहरुले त आजका दिनसम्म पर्खिनै पर्ने थिएन । मेरा मनमा जिज्ञासा त पलाउँदै थियो नै । यस्तैमा एक जना सज्जनले भनिदिए– “यो बधाई, यो अभिनन्दन तिम्रो लागि होइन ! मेरो कुरा ध्यान दिएर सुन ! बुझ !

यो सब बधाई अभिनन्दन त ऊ माथि महाराजको हो ! तिमी यो सब राख्नलायक होइनौ !” मैले पनि मनमा खुप गमें, गुनें । मलाई यथार्थ बोध भयो महाराज ! ती सज्जनले ठिकै भने । त्यसपछि यो त आफूमा राख्न छिनछिन काउछो जस्तो भयो महाराज ! यी सब बधाइ र अभिनन्दन त महाराजका नै हुन् ! राखिबक्स्योस् !” नवमनोनित लोकप्रमुख त्यहाँबाट फटाफट बाहिरिए ।

प्रतिक्रिया दिनुहोस्
विशेष

काठमाडाैं । राष्ट्रिय दुग्ध विकास बोर्डले दूध तथा दुग्धजन्य पदार्थ ढुवानी गर्ने गाडीमा प्रयोग हुने लोगो वितरणलाई निरन्तरता दिएको छ…

नयाँ लगानिको व्यवसायमा प्रगति आउनेछ । आर्थिक सरसापट बढ्नाले पुरानो व्यवहार सल्टिनेछ ।

कुनै फेसबुक पेजमा अडियो पोस्ट गरेपछि त्यो फेसबुकको पेजमा फलो गर्नेहरुलाई नोटिफिकेसन पनि जाने जानकारी दिइएकाे छ ।

किष्ट अस्पतालले विज्ञप्ति निकालेर जाेशीकाे स्वास्थ्यमा सुधार भएकाले डाक्टरकाे सल्लाहमा डिस्चार्ज गरिएकाे बताएकाे छ ।

वाणीको राम्रो प्रभाव पर्नेछ । इष्टमित्र भेटघाट हनेछ । धनको सुख मिल्नेछ ।

बागमती प्रदेश, लुम्बिनी प्रदेश र गण्डकी प्रदेशका केही स्थानहरुमा मुसलधारे वर्षाको सम्भावना छ भने लुम्बिनी तथा गण्डकी प्रदेशको थोरै स्थानहरुमा…