Logo असार १, २०७८ मंगलबार


कुर्सी पहिलो कि नागरिकको स्वास्थ्य ?

–बासुदेव सेढाई
कठै ! देशको राजनीति यो हालतमा पुग्ला भनेर कुन नेपाली नागरिकले सोचेका थिए होलान ? कोरोना महामारीमा नागरिक सरकारबाट जीवन रक्षाको आशा गरिरहँदा राजनीतिक खिचातानी र सत्ताको लुछाचुडि यो भन्दा विडम्बना अरु के हुन्छ ?

सरकार, राजनीतिक दल, नागरिक समाज सबै महामारी विरुद्ध लड्नुपर्ने अवस्थामा हेर रमिता ! यस्तो घिनलाग्दो पनि हुँदो रहेछ राजनीति ! नितान्त आफ्नो व्यक्तिगत स्वार्थमा लिप्त भएर नाँङ्गै बनेका नेताहरूको यो महामारीमा भित्री बस्त्र समेत खस्ने अवस्थामा पुगेको छ । बस्त्रविहीन हुँदा समेत थाहा पाएका छैनन् ।

‘कुन्नी के गर्नेलाई भन्दा देख्ने लाई लाज’ भइसक्याे नागरिकलाई तर उनीहरुको ध्यान अन्तै छ । आम नागरिकलाई राज्य भएको अनुभुती दिन सकेका छैनन् । राजनीति भनेको देश र नागरिकको सेवाको लागि हो, यसमा निष्ठा र त्याग हुनुपर्छ भन्ने भाषण गरेर नथाक्नेहरुलाई यो अवस्थाले कति गिज्याइरहेकाे होला ?

दिनदिनै सयौं नागरिक अस्पतालमा बेड नपाएर, अक्सिजन नपाएर, औषधि नपाएर मरिरहेको अवस्थामा सत्ताको खिचातानी । माहामारी नियन्त्रणका लागि सरकारले निशेधाज्ञा लागू गरेको छ त्यसको प्रत्यक्ष असर दिनभर कमाएर बिहान बेलुका छाक टार्नेहरुमा परेको छ ।

कैयौं अभियन्ता, समाजसेवीहरु नागरिकको ज्यान जोगाउन लागि परेका छन् । नागरिकले पाउने शिक्षा र स्वास्थ्य संविधानमा मौलिक हकमा उल्लेख गरिएको छ तर नागरिकको पहुँचमा छैन । नागरिकको करबाट तलब–भत्ता खाएर सरकारी गाडीमा झन्डा हल्लाउँदै हिड्नेहरुले स्वास्थ्य संवेदनशीलताप्रति ध्यान दिएको जस्तो देखिदैन ।

निर्वाचन आउन धेरै समय छैन तर यस्तो महामारीको अवस्थामा नागरिकको ज्यान जोगाउनेभन्दा एकथरी सत्ता कसरी जोगाउने र अर्कोथरी कसरी सत्ता ढाल्ने खेलमा लाग्दा नागरिकले ज्यान गुमाईरहेका छन् । यस्तो जटिल अवस्थामा सबैको ध्यान महामारी विरुद्धको लडाइँमा केन्द्रित गर्नु जरुरी छ र सबै लागौं ।

प्रतिक्रिया दिनुहोस्
विशेष

खानपिनमा धनको व्यय हुनेछ । वैदेशिक काम अधुरो रहनेछ । साथीबाट धोका हुनेछ ।

हाल देशभर सामान्यदेखि पूर्ण बदली रही बागमती, गण्डकी, लुम्बिनी प्रदेश, कर्णाली र सुदूरपश्चिम प्रदेशका केही स्थानहरुमा हल्कादेखि मध्यम वर्षा भईरहेको…

यसअघि पनि सरकारमा जाने विषयलाई लिएर शीर्ष नेताहरुबीच दुरी बढेको थियाे। पछिल्लो निर्णयले पार्टीभित्र थप विवाद चर्किने देखिएको छ।

नेपाली समय अनुसार पहिलो खेल अहिले साँझ ६ : ४५ मा शुरू हुँदैछ भने आजको अन्तिम खेल राति १२ :…

हिजाे आइतबार नेप्से २ हजार ९ सय ८३ मा पुगेर कायम भएको रेकर्ड साेमवार अर्काे रेकर्ड बनाउँदै नयाँ रेकर्ड बनाउन…

गण्डकी र लुम्बिनी प्रदेशका केही स्थानहरुमा मुसलधारे वर्षाको समेत सम्भावना रहेकाे महाशाखाले जनाएकाे छ ।