प्रोफाइलका आधारमा नभई फाइलका आधारमा अनुसन्धान गर्न लामिछानेको आग्रह

राजनीति

गृहपृष्ठ
राजनीति

प्रोफाइलका आधारमा नभई फाइलका आधारमा अनुसन्धान गर्न लामिछानेको आग्रह

जनता समाचार बुधबार, जेठ १०, २०८०

राष्ट्रिय स्वतन्त्र पार्टी (रास्वपा) का सभापति रवि लामिछानेले नक्कली भुटानी शरणार्थी प्रकरणमा नाम आएका विभिन्न मानिसको बयानसमेत नलिइएको भन्दै विश्वासको वातावरण सिर्जना भएको बताएका छन् ।

‘अपराध अनुसन्धानमा प्रोफाइलले हुँदैन फाइल हुन्छ,’ उनले भने, ‘काले काले मिलेर खाऊँ भाले भएको हो कि! यसो हो भने जनताले सहेर बस्दैन।’ उनले न्यायालय र नेपाली सेनामा भएका भ्रष्टाचारबारे मानिसहरू बोल्नै डराएकोसमेत बताए।

साथै पूर्वप्रधानमन्त्री तथा मन्त्रीहरूले संसद्मा एक अर्काप्रति छेडखानी गरेको भन्दै आपत्ति जनाएका छन् । सरकारको नीति तथा कार्यक्रममाथिको छलफलमा बोल्दै उनले गम्भीर विषयमा छलफल गर्नुपर्ने संसदमा यस्ता छेडखानी आवश्यक नभएको बताए ।

उनले ३० वर्षमा के के गरे भनेर बहस गर्न मन भए आ–आफ्नो घरमा गएर चिया पिउँदै छेडखानी गर्न अनुरोध गरे । उनले चिया खाने ठाउँ नभए आफूहरूकहाँ आउन भन्दै व्यंग्य गरे ।

“यो ३० वर्षको मूल्याङ्कन गर्न संसद्मा उभिएर तपाइहरूले एक अर्कालाई छेडखानी गर्नुपर्दैन । एक अर्काको घरमा गएर चिया खाएर कुराकानी गर्नुहोस् । यो महत्त्वपूर्ण संसद्लाई त्यसको दुरुपयोग नगर्नुहोस्,” उनले भने ।

प्रकाशित मिति: बुधबार, जेठ १०, २०८० १३:२७