यसरी मारिए दुई अपहरणकारी(भिडियोसहित)

‘मजदुर परिवारले ४० लाख दिन नसक्दा बालकको हत्या’

नारायण थापा

भक्तपुर । सिन्धुपाल्चोक, मेलम्चीका गणेश खड्का परिवारको लालनपालनको लागि मलेसियामा श्रम गरिहेका छन् । यता पारिवारिक खर्चबाट केही रकम बचाउने उद्देेेेश्यले पत्नी पनि पेप्सिकाेला टाउन प्लानिङमा चिया पसल चलाउँछिन् ।

बाबु र आमाको उध्देश्य हो: आफ्ना बच्चालाई खुशी पार्ने, उनीहरुलाई राम्रो स्कूलमा पढाउने । गणेश र उनकी पत्नीले त्यही लक्ष्यअनुसार छोरा निशानलाई टाउन प्लानिङकै मेरिल्याण्ड स्कुलमा भर्ना गरे ।

११ वर्षीय निशान ६ कक्षामा पढ्दै थिए । परिवारमा खुशीयाली थियाे । भविष्य सुखीमय पार्ने याेजना बनाइरहेका थिए तर यही बेला खड्का परिवारमा आइतबार ब्रजपात भयो । निशान आइतबार साँझ आफैँ चियापसलबाट अपहरणमा परे । सिन्धुपाल्चोक कार्यथलीका २३ वर्षीय गोपाल तामाङ र नुवाकोट सामरीका २४ वर्षीय अजय तामाङले उनकाे अपहरण गरे ।

अपहरणकारीले निशानलाई भक्तपुर पुर्याए, अनि आमालाई फोन गरेर फिरौती मागे । एककरोड रुपैयाँबाट शुरु भएको फिरौती बार्गेनिङ ४० लाखमा झर्यो ।

भिडियो हेर्नुहोस्ः–

ज्याला मजदुरीमै जीवन निर्वाह गर्दै आएका खड्का परिवार बुढेसकालको ‘सहारा’ जोगाउन ४० लाख रुपैयाँ दिन राजी भए । पैसा बुझाउने ठाउँ र समय तोकियो । खड्का परिवार अपहरणकारीले बाेलाएको ठाउँ पुगे । पीडित परिवार तथा टोलछिमेकीले घटनाबारे प्रहरीलाई खबर गरिसकेका थिए ।

सुरक्षाकर्मीसहितको टोली अपहरणकारीले दिएकाे लाेकेसनमा पुग्यो, सुरक्षाकर्मीसहितको टोलीलाई निशान सकुशल उद्धार हुने विश्वास थियो तर उनीहरुको आशा त्यतिबेला निरासा भयो, उनीहरु पुग्दा निशानको हत्या भइसकेको थियो ।

निशानको हत्या भएको जानकारी पाएपछि प्रहरीले अपहरणकारीलाई पनि इन्काउन्टर गरेको छ ।

भिडियो हेर्नुहोस्ः–

Janata Tv

प्रतिक्रिया दिनुहोस्
विशेष

विशेष सम्पादकीय पाँच वर्षका लागि बनेको सरकारले पाँच महिनामै ‘७८ पाने उपलब्धी’ सार्वजनिक गर्नु हतारो थियो भन्नेहरुले अरु हतारमा भनिदिए,…

काठमाडौँ । सरकारले चिया बगानमा काम गर्ने श्रमिकको न्यूनतम पारिश्रमिक तोकेको छ । चिया बगानमा काम गर्ने श्रमिकका लागि आधारभूत…

काठमाडौं । युक्रेनबाट पर्यटक भिसामा आएर काठमाडौंमा पिपुल वर्क ग्रुप सञ्चालन गरी एकजोडीले ६ सय भन्दा बढी युवालाई ठगी प्रयास…

रञ्जन भण्डारी महोत्तरी । ‘५ वर्षीय छोरा अझै पनि बुबा कहिले आउनु हुन्छ भनेर सोधिरहन्छ,’ थमन विककी पत्नी शोभाले भन्नुभयो, ‘मसँग…

काठमाडौं । नेपाल प्रहरीले सुरक्षा, सामरिक, प्रतिरक्षा सामग्री आपूर्ति गर्ने कार्यविधि २०६४ अनुसार विभिन्न कामका लागि १ सय ४ ठेकेदार…

काठमाडौं । स्कटल्याण्डकी एक महिलाले १३ अर्ब २२ करोडको चिठ्ठा परेपछि पति त्यागेर चोरीको अपराधमा करार भएका व्यक्तिसँग दोश्रो विवाह…