बाल हिंसा रोक्ने अभियानमा ट्राफिक प्रहरी

दिनहुँ भइरहने बाल यौन हिंसा र त्यसबाट कसरी जोगिने भन्ने विषयमा ट्राफिक ज्ञानको जानकारीका साथै सचेतनामूलक दुईदिने अभियान सम्पन्न भएको छ ।

जिल्ला प्रहरी कार्यालय नुवाकोट र संरक्षक समूह नेपालको संयुक्त आयोजना तथा सामुदायिक प्रहरी सेवा केन्द्र नुवाकोटको सहकार्यमा नुवाकोटको विदुर नगरपालिकास्थित पृथ्वी मावि, च्वाडी मावि, भैरुम मावि, रणभुवनेश्वरी माविका कक्षा ६ ,७ र ८ मा अध्ययनरत २ सय ४० बालिका विद्यार्थीलाई हिंसाबाट जोगिने र प्रहरीलाई कुन माध्यमबाट खबर गर्ने भन्ने विषयमा ज्ञान दिइएको अभियानका प्रमुख प्रशिक्षक प्रहरी नायब निरीक्षक विकल भट्टराईले बताउनुभयो ।

भट्टराई भन्नुहुन्छ, ‘बालबालिकालाई विद्यालयमा आउँदा, खेल्न जाँदा, अन्य कुनै ठाउँमा बालिकाहरु गए भने परिवारले आफ्ना सन्तानलाई हिंसासम्बन्धी ज्ञान दिनु अति आवश्यक छ । विद्यालयमा शिक्षकशिक्षिकाले पनि कक्षामा पढाउन आउँदा थोरै समय हिंसा र यसबाट कसरी सुरक्षित रहने भन्ने र आफ्ना परिवार, शिक्षकशिक्षिका र प्रहरीलाई खबर गर्ने विषयमा चेतना दिनुपर्छ ।’

जिल्ला प्रहरी कार्यालय नुवाकोटका प्रमुख, प्रहरी उपरीक्षक कृष्ण पल्ली मगरले गलत नियतका तथा हिंसासम्बन्धी काम कसैले गरेको या गर्न खोजे भने प्रहरीलाई पैसा नलाग्ने फोन नं १०० मा फोन गर्न आग्रह गर्नुभयो । अभियानमा बाल यौन हिंसा तथा ट्राफिक ज्ञानसम्बन्धी बिभिन्न चेतनामूलक सामग्री र जानकारी प्रस्तुत गरिएको जिल्ला ट्राफिक कार्यालय नुवाकोटले जनाएको छ ।

प्रतिक्रिया दिनुहोस्
विशेष

काठमाडौं । मुलुकको २८ औं प्रहरी महानिरीक्षक (आईजीपी) मा शैलेश थापा क्षेत्री नियुक्ति हुनुभएको छ । सरकारले प्रहरी अतिरिक्त महानिरीक्षक(एआइजी) …

काठमाडौं ।  काठमाडौं उपत्यकाको विभिन्न २३ स्थानमा कोरोना संक्रमित फेला परेका छन् । पछिल्लो २४ घण्टामा काठमाडौं, ललितपुर र भक्तपुरमा…

तनहुँ । व्यास नगरपालिकाले आफ्ना सटरमा राखिएका पसललाई २ महिनाको छुट गर्ने भएको छ । नगरपालिकाले व्यवसायीहरु कोरोना भाइरस संक्रमणको…

मेष– काममा प्रशंसा मिल्नेछ । राजनीतिक मोह जाग्नेछ , मानसिक तनाव आउनेछ । वृष– सामाजिक काममा व्यस्तता बढ्नेछ । धर्ममा…

कैलाली । सत्तारुढ दल नेपाल कम्युनिष्ट पाटी (नेकपा)मा शीर्ष नेताहरुबीच विवादको असर कैलालीमा परेको छ । शीर्ष नेताहरुकै सवाललाई लिएर…

काठमाडौं । प्रमुख प्रतिपक्ष दल नेपाली कांग्रेसको १४ औं महाधिवेशन काठमाडौंमा हुने भएको छ । कांग्रेसले १४ औं महाधिवेशन फागुन…