Logo ८ असार २०७८, मंगलवार


गुगल म्यापमा समावेश गरी भारतद्वारा १७ सय हेक्टर नेपाली भूमि कब्जा

शम्भु दाहाल
झापा । भारतसँग सीमा जोडिएको झापा जिल्लाको १ सय १८ किलोमिटर सीमा क्षेत्रमा १ हजार ७ सय हेक्टर नेपाली भूभाग भारतले अतिक्रमण गरेको तथ्य फेला परेको छ । भारतले अहिले झापाका ती क्षेत्र आफ्नो ‘गुगल म्याप’ मा समावेश गरेसँगै यो तथ्य बाहिर आएको हो ।

भारतले पूर्वको सिमाना झापाको मेची नदीको विभिन्न ८ तटीय क्षेत्र, मेचीपारिको गाउँ, कचनकवलको पाठामारी, साबिक महेशपुर, लगायतका ठाउँहरुमा नेपाली भूभाग मिचिएको स्थानीय तथा सिमाविद्हरुले बताएका छन् । कचनकवल गाउँपालिकाको पाठामारी क्षेत्रका करिब २० घर, मेचीपारिको सन्थालवस्तीको ७ घर, मेचीनगरस्थित भान्सा खोलाका ११ परिवार बसेको नेपाली भूभाग २०५२ सालअघि नेपालमै थियो । तर भारतीय प्रशासन, सुरक्षा फौज तथा भारतीय नागरिकले विभिन्न बहानामा नेपाली भूभाग आफ्नो भएको दाबी गर्ने गरेको भद्रपुर–३, मेचीपारि गाउँका श्रीप्रसाद महत्तोले बताए ।

१०४ र १०५ नम्बर सीमा पिलरले घेरिएको गाउँलाई भारतले नेपाली बस्ती जोगाएर भी आकारले नेपाली भूमि कब्जामा लिइसकेको छ । २०२० सालमा अहिले भारतले कब्जामा लिइसकेको भूभागबाट मेचीनदी बगेको इतिहास छ । १०४ नम्बर पिलर नजिकै भारतको सन्थालबस्ती छ । पहिला त्यो बस्ती नेपालमा थियो । नेपालको धनिपूर्जा भएका स्थानीय २० वर्षपछि भारतीय नागरिक भएको भारतीय नागरिक सम मुर्मु बताउँछन् ।

भारतमा ब्रिटीस शासन भएको बेला नेपाल भारतबीच भएको सुगौली सन्धि बमोजिम दुवै देशको सीमा जङ्गे पिलरले छुट्याइएको थियो । जङ्गे पिलरलाई सीमा पिलर मानेर सिमावर्ती आसपासका क्षेत्रमा वर्षौदेखि नेपाली बसोबास गर्दै आइरहेका थिए । पूर्वको सिमाना मेचीनदीको वहाव परिवर्तन र बाढीका कारण सिमास्तम्भ बगाउँदा भारतले २०४३ सालतिर सीमा मिच्न शुरु गरेको पाइएको छ ।

२०५२ सालमा आफूले भोगचलन गर्दै आएको नेपाली भूमीको धनीपुर्जा बनाउन खोज्दा पुरै भूमि भारततर्फ परेपछि झापाबासीलाई समस्या परेको प्राध्यापक तथा सिमाविद् चिन्तामणि दाहालले बताए ।

पटक पटक भारतीयले दादागिरी शैलीमा वर्षौंदेखि नेपाली भूमी कब्जा गरिरहँदा पनि स्थानीय प्रशासन र सरकारले खासै चासो नदिएको सिमावर्ती क्षेत्रका नागरिकको गुनासो छ । नेपालतर्फ दशगजा क्षेत्रको सुरक्षा प्रभावकारी नभएकाले सिमामा भारतीयको दबदबा वर्षौंदेखि रहेको उनीहरुको भनाइ छ ।

प्रतिक्रिया दिनुहोस्
विशेष

कम्पनीकी प्रवक्ता शर्मिला सुवेदीका अनुसार निषेघाज्ञामा गरिएकाे खुकुलाे व्यवस्थाबाट सर्वसाधारणकाे दैनिक जीवनयापनमा सहज भएकाले खाद्यान्नमा गरिएकाे छुटकाे व्यवस्था हटाइएकाे हाे…

यसअघि बागलुङको बडिगाड गाउँपालिका–४ मा विवाह भोज खाएका अधिकांशमा कोरोना सङ्क्रमण पुष्टि भएको थियो । सोही विवाहमा सहभागि एकै परिवारका…

हाल देशभर सामान्यदेखि पूर्ण बदली रही बागमती, गण्डकी, लुम्बिनी प्रदेश, कर्णाली र सुदूरपश्चिम प्रदेशका केही स्थानहरुमा हल्कादेखि मध्यम वर्षा भईरहेको…

खानपिनको सुख मिल्नेछ । बोलीको प्रभावले काम बन्नेछ । धन सञ्चय हुनेछ ।

काठमाडाैं । वैज्ञानिकहरूले गरेकाे अनुसन्धानबाट दिनमा निद्रा लाग्नुकाे कारण पत्ता लागेकाे छ । यदि दिनको समयका विना कारण धेरै थकाइ…

काठमाडाैं । नेपाल सरकारले संवैधानिक निकायमा गरेको नियुक्ति पुनः बहसको विषय बनेको छ । नियुक्ति गर्दाको समयमा देखिएको विवाद सँगै…